ذئاب بشرية(منقولة_ليبية)

حلقة 20

رواية بعنوان ..
#ذئاب_بشرية ...

.
الحلقة { 20 } ..
.
عند قيس...
حسيتها خاشه بعضها...لكن المره هادي مش من ليث نظرتها لصورة العيلة مش عادية ....تصرفاتها اللي تغيرت شويه ......ماكنتش هكي..حتى طريقة كلامها تغيرت شويه معاش نيروز صغيرة ضعيفة اللي عرفتها... عيونها قدحو نار بسيرت نسرين . ..ربي يستر من لي جاي.. ترميت عالسرير..حطيت يدي ورا راسي...نشوف لسقف...نتفكر في رسيل..تبسمت من غير مانشعر... كانت وردة حيااتي ...نجمة سمايا... ميفوتش يومي من غيرها...
تنهدت من قلبي...💔
فوتت يدي على صدري نفوت في صوابعي على اسمها الي كاتبه فوق قلبي بضبط...غمضت عيوني و نتحسس فيه...
...
شويه وحسيت بيها جت تمددت جنبي..فتحت عيوني شفتلها ...جبدتها عندي حطت راسها على صدري... قعدنا ساكتين...
فجاء تنطرت من بجنبي تشوف لصدري مركزة علاخير كانها تحاول تقرا الاسم بحكم اني كاتبه رقيق ...
شافتلي وعيونها تعبو دموع... شفايفها ولو يرعشو..
نيروز - مش هادي الي كنتو تتكلمو عليها اسمها على صدرك...قداش غبيه...وثقت فيك...
..
جيت بنتكلم رفعت يدها ...
نيروز - اسسسكت متقولي ولا كلمة... كل شي واضح..
قيس - اسكتي نيروز خليني نفهمك مش الي في بالك راهو...
..
""وقفت لبست جيليه متااعها فوق توته.. دموعها على خدها... قلبي وجعني عليها منبيش نشوفها هكي ..
قيس - نيروز وين ماشية ..نكلم فيك ..
..
... جبدتها بقوة لعندي... جيت بنتكلم...نشوف فيها حطت يديها على بطنها... تتوجع...
نيروز -- بطني ...قيس . .ااا.
..
..
عند ميساء
قاعدة في الغرفة نجهز في شنطة... تيلفوني يرن ...تلفتت نلقى ليث مزال في دوش...فتحت الخط ونتكلم بصوت واطي...
ميساء - خيرك متصل ع صبح شن تبي ...
فهد - نبيك انتي..
ميساء - فهد شن تبي ..
فهد - ملا الاخير بنبعثلك بنت في وسطكم و تقول انها هي صاحبتك.. و لازم تخليهاا معاكم بأي طريقة تصرفي..
ميساء - نعم شن تخرف انشاء الله لابس هبلت انت...
فهد - بديري الي نقولك عليه كان هدا انتي تعرفني شني نقدر ندير للسيد راجلك...
ميساء - و شن قصتها البنت ...
فهد - مادخلكش المهم لازم تكون مع قيس..
ميساء - شني ! لوين تبي توصل ..راهو قيس في مقام خوي مستحيل نسمحلك تضره..
فهد - هههههه اوكي امالا ليث هدا اني نخليك تترحمي عليه..شن رايك يا حبي..
ميساء - وسخ واطي ....
فهد- ههههه مش اكثر منك ماتلعبهاش شريفه يا ميساء... اليوم البنت بتكون عندك و انتي تصرفي كان هدا ...انتي تعرفي ..
..
صكرت عليه تلفون....حطيت يدي على وجهي قعدت نرعش من الخوف كل شي توقعته منه الواطي الا الشي هدا شن يبي من عيلتي..
خديت نفس نهدي في روحي...لكن لما جيت نفكر لقيتها فرصة باش نيروز تبعد على قيس و راجلي...و تطلع من حياتنا بكل...
بعثلي رسالة فيها معلومات على البنت رميتها من يدي و نلعن في ساعة الي عرفته فيه..
..
في الليل قاعدة في صالة تلفتت نلقى قيس رافعها و نازل يجري بيها في دروج ...قربت لعنده...
ميساء - شن في خيرها ..
قيس - منعرفش هاتي مفتاح سيارة بسرعة ..
..
هزيتله براسي قربت من طاولة رفعت مفتاح عطيتهوله طلع يجري بيها...تلفتت لقيت ليث طالع من الكوجينة في يده طاسة ...
ميساء - ليث هيا نلحقو على قيس نيروز دايخة اكيد رفعها للدكتور قريب من هني..
..
طيح طاسة من يده ....قلبي خض وسط صدري لدرجة هدي خاف عليها!..رفع مفتاح سيارة و طلع ..واني طلعت وراه وعقلي سارح في ردت فعله ... ..تلفون يرن في يدي رقم مانعرفاش...
..