رواية بعنوان
#ذئاب_بشرية..
كتابة
#ميمي
الحلقة ..{ 42 }
___________________________✔
..
عند نيروز ..
خشيت للكوجينة جهزت فطور لارا...من لما جت و هي منعزلة تماما بعد وقت باش نسمعو صوتها
..
#شهرين..مافيش ولا خبر على راسيل و نظال...!!ما اتصلتش حتى تسأل على بنتها...
..
بالنسبة لي لارا لما عرفت غسان بوها حالتها تعكرت اكثر...مازال صغيرونة عالقصص هادي...لكن الحمد الله متصرلهاش كيفي...انحرمت من بابا و يوم لقيته ندمني على اليوم اللي تمنيت نلاقيه....💔
...
تنهدت من قلبي...رفعت السفرة في يدي و ركبت الدروج بالشوية .....خشيت لعندها سكرت الباب و حطيت السفرة على الطاولة ...نشوف فيها خاشه في بعضها ..وشادة صورة نظال و رسيل...
..
قلبي وجعني عليها...بالرغم غسان كلمها ماحصلهاش ...اختفت زاد نقم عليها اكثر...
..
فوتت يدي على شعرها بحنية...تلفتتلي تبسمتلي مسحت دمعتها ...
..
لارا - عمتي استاحشت ماما و بابي 💔 ...
(عيوني دمعو قلبي دق بالقوة اول مرة تقولي عمتي...يعني عرفت و اقتنعت انه اني نكون اخت بوها و عمتها...جبدتها عندي حضنتها......)
نيروز - ياا روح و قلب عمتك...حتى هما استاحشوك لكن ...
( قصت علياا لما حطت يدها على فمي...)
لارا - هما معاش يحبوني...كان استاحشوني راهو يطمنو عليا ....انا صح استاحشتهم لكن معاش نحبهم...
..
( نزلت دمعتي من كلامها اللي اكبر من عمرها...خديت نفس و رفعت السفرة حطيتها قدامها...)
نيروز - هيا كولي مليح ..
لارا - نبى ناكل مع بابا غسان..
( تبسمتلها...حطيت يدي على خدها...)
نيروز - حقه ! تبي تاكلي معاه !
..
هزتلي براسها....فرحتني علأخير....رفعت السفره وطلعنا من الغرفة ...خشينا لعند غسان ...
...
نلقا عنده سمرة مانعرفش علاش مارتحتلهاش و ماهضمتهاش اصلا...مش عارف كيف بدت تتصرف....😒
..
حمحمت و حطيت السفرة على الطاولة...نشوف في لارا كيف قربت لعنده حضنته وهو مصدوم و علامات الفرحة بانت على وجهه .. تبسمت ...
..
نيروز - لارا تبي تفطر مع بوها...صح وله لارا...
(تلفتت لعندي هزتلي براسها..)
لارا - اي نبي ناكل مع بابي...
..
زاد حضنها اكثر كأنه مش مصدق اللي سمعه....شفت لسمرة اليي واقفة زي الحيط ...
...
نيروز - سمرة هيا نطلعو خليهم على راحتهم...
( تبسمتلي مش عارف كيف و طلعت ...طلعت وراها ...)
نيروز - اوقفي لحظة...
سمرة - نعم!
( شفتلها من فوق لي لوطا.)
نيروز - انضن اللي تفكري فيه مش ح توصليله...
( عقدت حواجبها مستغربة...)
سمرة - شن تقصدي...!!
( قربت لعندهاا ...همستلها في ودنها...)
نيروز - غسان...يحب رسيل مهما صار حطي الشي هدا في راسك...
( جبدت روحي شويه نشوف فيها وجهاا احمر بيطربق ...نظرتهاا تغيرت...رفعت صبعها تهدد فيا...كنت متوقعة وجها الحقااني يكون هكي واصلآ اني درت هكي باش نعرف نيتها شنى ...)
..
سمرة - غسان ليا ردي بالك ادخلي روحك بيناتنا...
( شافت لبطنى و رجعت تتكلم..)
سمرة - اهتمي بي اللي جاي و بعدي من طريقي..ولا مش حتتهنى بيه...😏
نيروز - تهددي فيا صار...خفت منك الحق...😒
سمرة - احسبيها كيف ما تحسبيها...
..
مشت....وخلتني نرحي ...خديت نفس نهدي في روحي و رجعت لغرفة النوم...
..
لي توا راقد قريب العصر ...فتحت الروشن نهوي في الغرفة..حط المخدة على راسه يتكلم بصوت مخلط بالنوم...
قيس- نيروز سكري الروشن خليني نرقد....
..
ماعدلتش عليه كملت فتحت اللاب توب حطيت اغنية "العب يلا ماتلعب يلا 💃..
قعدت نشوف فيه ينطر في المخادد اللي في السرير طيحهم كلهم و اني ميته بالضحك عليه😂...
..
تقعد شويه يحك في عيونه و شعره خاش بعضه..شافلي على جنب ...
..
قيس - علاش هكي شن تبني اندير فيك تو ....😒
نيروز - ماشبعتش من النوم...
..
نطر الغطا وناض لابس بوكسر بس 😬...
وجسم كله عضلات والوشم زايد فيه جمال 😍...كأني اول مرة نشوفه والوحم مداير فيا جيتني عليه 😂 ......
..
قيس- منوضتني الفجر طالع رجلي على راسي ندور ع فراولة و وماتبنيش نرقد للوقت هدا....عيب عليك...حتى خدمة معاش مشيت...مخلي الراجل بروحه في البرازيل...😠
..
نيروز - يعني شن تبي تقول ...تبيني نمشي معاك لي غادي...قتلك نولد و بعدين نمشو مانقدرش نخلى غسان بروحه...
قيس - بنمشي اندوش خير ما يطربقلي عرق...☹
نيروز - سلامتك حبي...😋
قيس - فرخة ...😏
..
ضحكت عليه ...خش يدوش...و اني ضميت الغرفة وفرشت السرير...وقفت نتفرج من الروشن نستنشق في الهواء...الجو دافي محلاه...
...
حسيت بيه كيف دور يده حطها على بطنى ...غرس راسه في رقبتي باسني ريحته خدرتني......يبوس و يتكلم في نفس
الوقت...
..
قيس- استاحشتك فرختي معاش نقدر....شهر و نص محروم منك...يعني لازم نسمعو كلام الدكتوره متاع **
..
نيروز - يسو عيب...شن مازال شهر تاني وبس لين البيبي يشد مكانه مليح...اهو نشرب في الدواء ...و قتلي معاش هلبا و نطمنو على ولدنا...😍
...
(قاعد يبوس فيا ..🙈 )
قيس- معاش نقدر حرام عليك راهو...هبلتيني يا فرخة...طلعتيني من ام عقلي لكن اهو بنزيد نصبر الله غالب ...
..
جبد روحه وخلاني ...وليت نعشقه اكثر و نعشق تفااصيل جسمه و لمسته اللي تدوبني.....
قعدت متجمده ماقدرتش نتحرك...لمسته على بطنى و بوساته سخان مزال مأثرين عليا.....
..
نشوف فيه كيف لبس دبشه ودار رشتين برفان...قرب لعندي شدني من وجهي و باسني من جبيني ...
...
قيس- اني طالع و انتي ردي بالك على روحك تفاهمنا
نيروز - و...
( قص عليا لما حط شفااايفه على شفايفي...باسني بوسة خفيفة )
قيس- و مانعطلش و يااويلي كان اندير شي هكي ولا هكي.. حافظ درسي اطمني ...😂
نيروز - اممم شطور..😍
..
نزل باسني من بطني و طلع....هبلني بي رومنسيته و حبه ليا و خاصة لهفته عليا...ان شاء الله يقعد ديما هكي ومايتغيرش عليا ❤...
..
مروحت بيدي على وجهي حسيت الحراره طلعتلي.😂..بوسة منه تهبلني وليت حساسة هلبا الفتره هادي... 🙈
..
خشيت للحمام غسلت وجهي...شفت لي روحي في المرايه..
تذكرت كلام سمرة و تصرفاتها اكيد وراها شي و لازم نعرفه...نشفت وجهي و طلعت نلقى ليث واقف ومتكي عالحيط...عقدت حواجبي مستغربة...!!
..
نيروز - ليث خيرك ..اكويس صارت حاجة!
( تبسم مش عارف كيف قرب للسرير وقعد...حط راسه مابين يديه ويتكلم )
..
ليث - انتي نسيتي اني مانسيتش...💔
( بلعت ريقي بالسيف فهمته شن يقصد لكن نكدب في روحي..)
ليث - على شن تتكلم مافهمتش ...!!
( رفع راسه شافلي عيونه حمر علاخير...)
....
ليث - عام ونص فاتو...قوليلي نسيتي اللي عشناه! تعرفي انه اني لي توه كاره روحي... ميساء من لما حملت و هي لاهية بروحها بس و تو لاهية بي بنتنا...اني معاش موجود في حياتها...تصرفاتها اتغيرت...ولما هي تغيرت اني رجعت لعام و نص لتالي كنتي انتي منورتلي حياتي...تعرفي كان ماخشش قيس في حياتنا راهو تو انتي مرتي راهو اللي في بطنك هدا ولدي اني راهو ماصارش معاك اللي صار كله...لكن مكتوب يصير هكي و القدر يتلاعب بيناا الثلاثه...العشيقة و الاخوة هدا لقبك نيروز انتي عشيقة ...عشيقتي اني و عشيقة قيس...💔
...
( بلعت ريقي بالسيف مش مستوعبة اللي نسمع فيه...)
نيروز - شن تقول شن مرجعك للماضي.. شارب يا ليث !
..
( ضحك بإستهزاء...)
ليث - شارب! هههه لا لا في كامل قواي العقلية ...صح نحب مرتي لكن بالبرود متاعها بدت تقتل في الحب فوتت مرة و ثلاثة ... فديت حتي اني نحس ....نشوف فيك كيف مع قيس ونقاارن في ميساء بيك نحسد في خوي عليك....نيروز ارفعي قيس و امشو من هني معاش نتحمل نشوفكم مع بعضكم...💔
..
نيروز - هبلت! انت عارف روحك شن تقول ...
..
( وقف قرب لعندي اكثر...وخرت لتالي لصقت ع الحيط حاوطني بايديه...نفس متاعه يحرق في وجهي نتنفس بالسيف...)
..
ليث -نيروز انتي مزال في عقلي لكن شاد روحي عليك لتوا ع خاطر خوي لا اكثر لكن كان يعرف اللي صار بيناتنا كان يعرف ان انتي كنتي تباتي في حضني كل ليلة و يعرف انه اني اكتشفت جسمك بكل تفااصيله قبله ..و اخترقت شفااايفك بكل وحشية...زعما شن ايصير!! قوليلي نيروز كيف تكون ردت فعل راجلك...
...
نيروز - شن تبي تعاله ملاخير ...
( جبد روحه شويه...تنهد...فوت يده على وجهه ...)
ليث - شي مانبي شي...اطلعي من راسي وبس
..
طلع و طربق الباب...ترميت عالارض نبكي بالعبره ..علاش هكي يا ربي معاش نقدر نتحمل ولا مشكلة تانيه 💔
.. ...
كان يعرف قيس يقتلني و يقتله ...مستحيل يعرف...اني نحبه هو وبس و ربي شاهد ....💔
..
بكيت لين تهديت تركزت بيدي عالحيط ونضت تمديت عالسرير مانعرفش كيف غفيت ورفعني النوم...
...
مانعرفش قداش فات وقت...حسيت بيده تمسح على شعري...درت طول حضنته حشيت راسي في صدره...جبدته ليا اكثر خايفة كان يجي يوم و يبعد عليا و ننحرم منه..
...
قيس - نيروز اكويسه !
( هزيتله براسي اي...)
قيس- نوضي تعشى...الجماعة يستنو فيناا راهو ..
( هزيتله براسي لا...جبدت روحي رفعت راسي نشوفله...)
نيروز - ماخطريش خليني في حضنك وبس..
( يمسح على خدي ..)
قيس- لا لازم تاكلي باش تشربي دواك ..هيا نوضي وراس حبي...على خاطري...و بعدين نرجعو و اشبعي بيه حضني
..
هزيتله براسي...و نضت...مانبيش ننزل و نقابله بعد اللي صار لكن علاش بنتهرب منه...
نزلت من الدروج و قيس شادني من يدي .....كلهم ملمومين على الطاولة...عيني جت في عينه...شافلي من فوق لي لوطا...
قعدناا بدينا ناكلو...قيس كانه مدايرها بلعاني يوكل فيااا قدامهم و ويتكلم في كلام حلو و كل مرة يرفع يدي ويبوسها...
..
وليث عيونه بتطلع من الغيره ...نطر الصونية وناض ...شافو لبعضهم مستغربين...تكلمت ميساء و هي تمسح في يدها...
...
ميساء - خليني نمشي نشوف خيره .. صحة ...
قيس- باهي و خبرينا كان في شي...
...
..
قالتله باهي و مشت...قعدت اني خاايفة من اللي جاي خايفة لا تصرفااته تكشفه...الحل الوحيد نتكلم مع ميساء نوصللها رسالة بطريقة غير مباشرة مافيش حل تاني لازم ترجع تهتم بيه و ينسااني...
...
كملنا عشي وركبنا للغرفة ..بدلت دبشي لبست روب اسود قصير..تكيت جنبه...حطيت راسي على صدره...و يدي على لحيته ..
...
نيروز - يسو اوعدني م..
( قص عليا حط يده على بطني بكل حنية ...)
قيس - نوعدك مانخليكش مادامنى عاايش و نتنفس ....كل ثانية نحبك انتي وبسس...❤
..
( زدت حضنته اكثر....عيوني تعبو دموع ...)
نيروز - نحبك هلباااا.. ربي يخليك ليا ..ردبالك تخليني ماعنديش غيرك...💔
..( باسني من جبيني...)
قيس- مرتي ولت حساسة هلبا..شن امداير فيك ولدي طالع زي بوه...😍
..
نيروز - امممم وراثة...
قيس- باهي هي ارقدي خير ماندير شي مايعجبكش...😒
نيروز - اممممم من قالك مايعجبنيش...🙈
..
ضيق عيونه وغطس في شفاايفي ...قريب يقطع عليا النفس...كلامي جننه ..يبوس و يعض ...
وووو🔞...
..
جبد روحه وجهه احمر علاخير...عيونه دابلين شفاايفه حمر علاخير...فوتت عليهم صوابعي...تبسم بالسيف يلهث ويتكلم...
...
قيس- محلاك يا فرخة لكن مانقدرش نكمل صحتك و صحت ولدنا اهم يا روحي...لازم نصبر شهر وبعدين تو انوريك شن اندير فيك...هبلتيني راك....
...
جبدني عنده حضني بالقوه قريب يدخلني وسط ضلوعه .صوت دقات قلبه عالية...كل دقة تنطق بإسمي...❤
..
غمضت عيوني نستحلى في قربه و طعم شفايفه...لين غفيت رقدت مرتااحة علاخير نتمنى الزمان يوقف في اللحظه هادي مانبيهاش اتم وانوض على واقع مر....💔
..
____________________________✔
..
عند ليث
نفتح في عيوني بالسيف...راسي ثقيل مش قادر انوض....تقعدت شويه و حاط يدي على راسي...نشوف فيها كيف اتلبس في رسيل حطتها في سريرها وفتحت الدولاب جبدت قفطان طويل ومفصل لبساته تعرفني نكرها القفطان هدا...مانعرفش علاش ولت تتصرف هكي وناسيتني بكل ....خديت نفس وتكلمت...
...
ليث - وين ماشية على صبح ربي...
ميساء - طالعه اندير دورة اني و بنتي و نرجع...
ليث - شاورتيني!!
..
كملت تمكيج ماجاوبتنيش...نضت...قربت لعندهاا نحاول نتكلم معاها بالهدوء بالك العيب فيا ولا صار شي مني زعلها باش ولت هكي ..لكن لا اني مادرت شي...هي متغيرة...لدرجة وليت نقاارن فيها بنيروز ...لدرجة وصلت نغير من خويا....خديت نفس نتكلم بصوت واطي...💔
...
ليث - باهي استنى نطلعو مع بعضنا نفوتو يوم حلو زي مرتي ...
ميساء - مش على اساس تخدم...
ليث -عادي نفوت الخدمة على خاطرك انتي و بنوتي...
ميساء - بنقابل صاحبتي خلي مرة تانيه...
..
( قربت لعندهاا اكثر حضنتها من تالي غرست راسي في رقبتها...جبدت روحها مني نافرتني...رفعت الشنطة و رفعت رسيل ..)
ميساء - مش وقته بكل...اني طالعه...
..
( ....فكيت رسيل من يدها رجعتها في سريرها ....قربت لعندها شديتها من مرفقها ..)
..
ليث - شن صاار اه !!! علاش تتصرفي هكي قوليلي...في شن مقصر معاك اني خيرك تغيرتي ميساء من لما ولدتي و انتي هكي 3 شهور و اني ساكت و مستحمل لكن خلاص للصبر حدود...
..
(نطرتلي يدي.....)
ميساء - مافي شي ليث لكن اني مانبيش ماعنديش رغبة و بس
..
ليث - باهي نمشي معاك في هادي اي .. و تصرفااتك التانيه !! وليتي تطلعي من غير ماتشاوري ..ومتغيره في ابسط الحاجات معاش مهتمه بيااا ...في هلبا حاجات تغيرتي ميساء نبي نبشرك حبناا بيولي رماد كان بتقعدي انتي هكي ....وتخليني نرجع زي قبل ....
..
( تبسمت على جنب...)
ميساء -بتجيب عشيقة ! زي نيروز وله..شوف ليث من لاخير اني نبي نعيش بروحي بعيد على هدا كله ...
..
ليث - شن تقصدي... !!
ميساء - خلينا نرجعو لي ليبيا ولانقعدو هني لكن نشرو حوش صغير و نعيشو بروحنا مرتاحين خليناا بعاد على همهم و مشاكلهم...
..
ليث - تتكلمى على عيلتي راهو !! ...
ميساء - ماقتلكش اقطعهم قتلك نعيشو بروحنا و كان تبي نتجمعو مرة في الاسبوع...
..
( ضغطت بونية يدي نهدي في روحي بالسيف ..🔥.)
ليث - يعني هدا هو السبب اللي خلاك انتي تغيرتي...
( هزتلي براسها اي...)
..
ميساء - وجود نيروز مضايقنى...يعني صح وليت نحبها زي اختي لكن مستحيل ننسا انه هيا كانت اكبر وجع ليا....و اني لحد الان نشوف في نظرتك ليها و تحن عليهاا و مهتم بيها...
..
( تبسمت بتمسخير...)
ليث - قداش قلبك اسود...نسيت نيروز شن دارت على خاطرك ....اسمعي مليح ميساء انتي تعرفي انه اني نحبك و تغيرت على خاطرك و رجعنا تمام ...من غير ماتفسديها تو و كاان بتفسديها راهة انتي اللي بتخسري ...واضح! و تعرفي ليث ما في حد يقدر يلويله دراعه..
...
لبست التشرت متاعي وطلعت خليتهاا واقفة في مكانها ...كلامها وترلي اعصابي...نزلت مالقيت حد شفت للوقت مزال بكري ماينوضوش تو و ميساء طالعه على ابصبح ....نفخت بعصبيه وخشيت للكوجينة...
..
درت قهوة ولعت دخان ..قعدت على الرخامة....عقلي يرفع و يجيب معاش عرف كيف نتصرف معاها شعوري متناقض بين مد و جزر ...
...
تكيت راسي لتالي غمضت عيوني تذكرت اول بوسه مع نيروز تبسمت على جنب فرخة صغيرة لعبت بينا زي ماتبي ...
...
سمعت صوت خطوات...كانه صوت سمرة تتكلم...طفيت دخان و بزعت القهوة وتخبيت ورا الباب اللي يطلع على الجنينة...
..
مانعرفش علاش درت هكي لكن البنت هادي غريبة الاطوار...مافي حد فينا ماتقبلها مافهمتش غسان كيف مرتاح معاها...نسمع فيها تتكلم بالتلفون ...قلبي وقف من اللي سمعته...الدم جمد حسيتالدنيا وقفت...
....
سمرة - اطمن اليوم تموت السم اهو عندي...نيروز الا منقضي عليها الا مانخليهم يحسو بي وجعنا زي ماتوجعنا ع اختي تو نكلمك بعدين و نعطيك البشارة...و كان ماصار شي نفد الخطة اللي بعدها..
..
#يتابع ..😈
..
رايكم وتوقعاتكم ..!!
..
تفاعل ضعييييف مش معقولة المنشور يوصل لي1000 شخص ..والتفاعل ضعيف..💔..
..
علق بي 10 ملصقات ✔
