ذئاب بشرية(منقولة_ليبية)

حلقة 30

رواية بعنوان ..
#ذئاب بشرية ...
..
كتابة #ميمي

حلقة ..{ 30 }..
.
________________________🚫✔
..
...عند نيروز ..
قيس - غسان مريض بالسرطان في الراس و رفض العلاج ...
..
الدنيا لعبت بيا زي ماتبي ....كل شي كنت نتوقعه يصير الا الشي هدا...علاش ! علاش بعد مالقيت سند ممكن بنفقده في اي لحظة...بعد مالقيت القوة بعد مالقيت الحب و احساس جديد عايشته مع خوي الكبير...كل شي بيريح منى ...كلماته نزلت عليا زي الصاعقة...هدتني و ماخلتش فيا حيل..تبسمت لا شعوريا..رفعت راسي ...مش مصدقة ...نضت وقفت مقابلته...رفعت صبعي في وجهه انبه فيه...
....
نيروز - قيس رد بالك تكون تكدب عليا ولا تبصر والله نمشي معاش تشوف وجهي..مستحيل يكون اللي تقول فيه صح وله !!
( وقف شدني من اكتاافي..عيونه مدمعين..يتكلم بصوت مخنوق.. )
قيس - مانبصرش غسان مريض...مش انتي بس رفضتي القصة حتي اني زيك وياما صار فيا 💔...لكن اللي يوجع القصه ماسمعتهاش من عنده...هو مكانش بيقول لي حد و لا حتى مبين ...اني رفضت تماما الخبر هدا...و بكيت هلبا توجعت هلبا...تحسابيني نكرهه ! تي امتي جيتي انتي تي انتي عرفتيه تو انه هو خوك..لكن اني ! اني وياه فتحنا عيونا على الدنيا مع بعضنا..
قرينا و خدمنا و طلعنا و ولعبنا اللي تتخيليه كله في راسك مع بعضنا...اي صح 8 سنين معادين بعضنا وصلنا حتى للموت وصل يقتلني ونقتله وصل خدالي املاكي ودار اللي مايندارش لكن قعدت نعدر فيه و ساكت كان ليث اللي ديماا يهدد فيه و اني ساكت على خاطر حاس بي وجعه ...لكن كل شي توقعته غير يكون هو راجل راسيل... كل شي جاني مع بعضه ماعرفتش نلومه نعاركه...اللي وقفني مرضه ....نيروز انتي الوحيدة اللي لازم تقنعي غسان...اني عندي حل نخليه يجيك هني يقعد بحداك ايامات وانتي لازم تقنعيه... و ردي بالك تبيني دموعك او ضعفك قدامه مانبيكش تعطيه طاقة سلبيه...دكتور قال لازم عمليه و بعدين يبدا في الدواء و نخلو الباقي على ربي...هدا كله لازم تقنعيه بيه... اني حاولت و فشلت
...
....
(هو يتكلم و اني في عالم تاني الاي في راسي ...مانخسراش بعد مالقيته..هزيتله براسي باهي جبدت روحي..قعدت عالسرير...قلبي ضايع...الكلام هرب مني...كل شي جاني مع بعضه... فوت يده على شعري ... )
قبس- صغيرونتي اني بنخش اندير دوش بعدين ننزلو نفطرو...
.....
هزيتله براسي...تبسملي و طلع ...تلكمتت على روحي حطيت راسي على المخدة...مستحيل نسلم فيه ...غمضت عيوني نزلت دمعة تحرق على خدي..يا ربي ماتحرمنيش منه ماتقهرنيش عليه يا ربي اشفيه ...كل مانتخيل ان هو ممكن تصيرله حاجه و يمشي و يخليني نحس بنخصه في قلبي...نسمع في التلفون يرن...تقعدت شويه ...رميت يدي على التلفون رفعته نلقى واحد من رجال قيس هو المتصل...قعدت نفكر نرد ولا لا..في الاخير رديت...نسمع فيه يتكلم....
..
هو - سيد قيس ماقلتلناش شن نديرو في نسرين...
( خديت نفس نهدي في روحي سمعت اسمها عيوني بدو ناار...نسمع في عياطها ..عرفته عدبها...تنهدت ...)
نيروز - أقتلها..
هو - مدام نيروز !
نيروز - قتلك اقتلها..
هو - لكن سيد قيس قال...
( نضغط على التلفون في يدي نتكلم و نرص على سنوني.. )
نيروز - و مرت قيس قاتلك اقتلها و هدا مصير الي يفكر يفرقنا اقتلهااا و نبي قدام عيوني باش نتأكد من موتها...
هو - حاضر..
( كلمنى فيديو...فتحت الخط و نشوفلها..كيف تفرفط بين ايديهم و هو رافع سلاح في وجهاا....)
نيروز - قرب التلفون ليها خليها تشوفني نبي نتكلم معاها...
( قعدت تشوفلي مرعوبة...جسمها ازرق من الضرب...وجهاا تشوه من الكفوف اللي وكلاتهم.. )
نيروز - صحة محلاك بلوك الجديد..سامحيني بنقتلك و نفد وعدي ليك انتي تجرأتي و تحديتني...و هدا مصيرك ..الله غالب..لازم تكوني عبرة لغيرك لو فكر يفرقني على قيس...اني نبهتك مرتين و ماسمعتنيش جا الوقت الي بنقصلك فيه تذكره لجهنم...باي باي... 🖐🏻
..
( شاورتلها بيدي...في لحظة رصاصة بين عيونها ...اول مرة مانخاافش نشوف منظر هكي ...يمكن لازم نتعود على خاطر مزال يحارب فيهم اكيد ماازل يسيل هلبا دم...💔 )
..
صكرت الخط ...تكيت لتاالي....نشوف فيه جاي...تبسملي و مدلي يده ...حطيت يدي في يده و نضت...نزلنا لوطا نلقى مراه كبيرة...تبسمتلها...و رجعت شفتله ...دور يده على كتفي ...
قيس - هادي .حسنية ..بتهتم بيك و بامورك كلها لين نرجعو ...
( هزيتله براسي...نشم في ريحة تهبل شفت الطاولة نلقى الخيرات السبعة..قربت و قعدت ناكل بسرعة...)
قيس - بالشويه لا تشرقي كولي بشويه مافي حد يجري وراك...
( حسنية قربت لعندي مسحت على شعري... )
حسنية - كولي كولي صحه بنتي تشتهى اي حاجة قوليلي و اني نطيبهالك...
نيروز - خاطري في مكرونه حاارة نبيها حارة هلبااا......
حسنية - يا بنيتي مش باهيلك الحار هلبا..
( شديتها من يدها... )
نيروز - خالتي حسنية والله خاطري فيها طيبهالي الليلة في العشاء..
قيس - نيروز علي الاقل مش حارة هلبا ..
نيروز - لاا نبيها حاااره هلبا خاطري فيها 😡
حسنية - حاضر تو نديرهالك كيف ماتبي ..
...
( هي تتكلم واني نضت نجري .للحمام قيس استغرب جي واري ...حسيت مغص غريب في بطني .وبديت نرجع في لي كليته كله ..قيس بعدلي شعري ع وجهي واني غسلت وجهي ..حسيت بدوخه ..)
قيس - حبييي خيرك ..
نيروز - مش عارفه بس مره مره يجيني مغص في بطني ..
قيس- خديتي دواء اليوم ..
نيروز - لالا..
قيس - نرفعك نعاينك حبيي
نيروز - االالا تو ناخد دواء نولي تمام ..
قيس - باهي تركبي لي غرفتك ترتاحي ..
نيروز - لااا مليت ماخاطريش .. هيا مش قلت عندك ليا مفاجأة..
( فوت يده على شعره ..)
فيس- ههه مستعجله...
نيروز - امممم
قيس - مش تو ..تو ارتاحي في الليل...لما تكملي المكرونه متاعك..😉
( غمزني و رفع مفتاح سيارة جي طالع وقفته... )
نيروز - ااالا يسو وين ماشي وبتخليني بروحي ..
قيس - اول شي مش بروحك..وتاني شي عندي مشوار مهم...ثالث شي ممنوع تفوتي الباب و ممنوع تطلعي للجنينة...الا بوجودي معاك و رابع شي بري اقعدي ارتاحي و تو نكلمك على تلفون غسان... 😏
..
( فتحت عيوني على وسعهم منين عرف هدا...
تبسم على جنب وطلع...فوتت يدي على جبيني..و تلفتت لعند خالتي حسنية هزيتلها بأكتافي... )
..
نيروز - شفتي في شن نعاني ديما هكي😡 ...
ضحكتلي وتلم في الطاولة...قربت نعاون فيها ماخلتنيش...محلاها لمراه باين عليها طيبه هلبا ..مشيت فتحت تلفزيون مافيه شي لين لقيت فيلم ...تمديت قعدت نتفرج لين غفيت...مانعرفش قداش فات وقت...حسيت بيد تمسح عليا...قعدت نتململ لين سمعت صوته فتحت عيوني على وسعهم...نشوفله..طنترت عليه حضنته بكل جهدي... ❤
...
نيروز - غسان يا روحي انت ...
غسان - خيرها اختي الصغيرونة شن في...
( قعدت نحضن فيه مكبشه فيه كأنه بيهرب...)
غسان - بتقعدي هكي هلبا خانقتني..😄
( جبدت روحي عوجت فمي على جنب... )
نيروز - امممم خنقتك اه باهي تو معاش نقربلك بكل🙄...
..
( جت عيني على خشمه طالع منه شوي دم وهو مش حاس...رفعت يدي بااسيف فوتت صبعي على الدم...شافلي بعدلي يدي... جبد منديل مسح خشمه ويهرب في عيونه مني ...)
غسان - تمام...غير حراره نزف خشمي عادي..
نيروز - لا مش حراره ...غسان اني نعرف كل شي...شوف سلم خوي لازم ادير العمليه و بعدين تبدا في الدواء...الدكتور قال في امل و لازم عزيمة مانبيكش تيأس من رحمة ربي...
( حط يده على خدي يتبسم  )...
..
غسان - مش وقته الكلام تو...بصراحة من لما خشيت و اني نشم في ريحة حلوه مكرونة وله !
( هزيتله براسي...تلفتت نشوف فيهم خاشين...ضحكت من عيوني من كثرت الفرحة... ميساء و ليث و امي و وامي هدية ...و في يديهم هدايا...وراهم بوكي ورد كبيييييييييييير في الاحمر و الابيض...و امبااايل🎈 قلوب كبار...❤
تدكرت اليوم عيد ميلادي 😍 اي عيد ميلادي كيف نسيته...اني نسيته لكن قيس حبيبي عرف اليوم عيد ميلادي بالرغم ماقلتلاش عليه بكل ...ياا روحي و تقولو علاش نحبه هههه 😍❤
..
قربو كلهم سلمو عليا ...وغسان قعد حااضني عنده..رفع من فوق الطاولة اوراق و جبد بيرو من الجاكيت متااعه...شافلي بنظرا مافهمتهاش...
....
غسان - نيروز وقعي هني...من غير الاملاك الي كتبتهملك... هادم املاكي نقلتهم بإسمك كلهم...هادم هدية عيد ميلادك العشرين...نتمنى تقبليها.. 💜
نيروز - نبي هدية تانيه اني ...
غسان - من عيوني اللي تبيه اني نجيبهولك...
نيروز - نبيك تعيش...تمشي تعالج و تعيش وتكون معايا ماتخلينيش...و املاكك هادم يقعدو ليك مدامك عايش...اني مانبي شي قتلك اني مانبيش منكم شي...نبيك تكون معايا و بس غسان...هادي الهدية اللي نتمنى تقدمهالي في اقرب وقت... ❤
..
(قعد يشوفلي وجي بيتكلم قص علينا قيس ..)
قيس- احمممم احممم موجود اني ...
( شفتله بخبث و نتكلم بصوت عالي... 😌)
نيروز - خالتي حسنية جهزتي المكرونه جعت اني ..
حسنية - اي بنتي هيا تفضلو تعشو...
( كلهم قربو للطاوله...جيت بنمشي جبدني من يدي دورني ليه...يتكلم ويشوف لي فمي 💋)...
قيس- كملي كولي مكرونتك...و تو نتفاهمو بعدين... 😉
( جبدت روحي منه ورفعت من عنده الامبياال .. )
نيروز - شكرآ حبي لكن الهدية ناقصه راهو..خيرك ماجبتليش كيوي ...
قيس - انتي ماقتليش اصلا...
نيروز - انت تعرف نحبببه مفروض كل يوم تجيبه المهم جيبلي تو تصرف...خاااااطري فيه
( تلفتت عطيته بضهري...نضحك في سري...سمعته كيف طلع و طربق الباب...قربت لعندهم نلقااهم كلهم يشربو في ميه بلهفة الا ميساء عجبتها ... شافلي ليث يتكلم و يمروح على فمه... )
ليث - هدا جزائنا جيناا نعيدو عليك ...علاش شن درنالك... 😣
ميساء - بالعكس مش حارة تهبل من الاخير ..😍
...
جبدت كرسي قعدت جنب غسان..قعدت ناكل عبيتها 😂
...
.....كملناا سهرية وقيس ماجاش بديت ننشغل عليه.. كلهم ركبو رقدو وقعد معايا غسان...مش من عوايده يتأخر هكي ..ونتصل بيه مايردش ...وبعدها بدا خارج التغطيه ...قلبي نحس فيه بيطلع من مكانه...ونحس وجع في بطني من الخوف...نمشي و نجي من الخوف ...تلفون في يدي نتصل و نعااود شي...
...
غسان - تي اقعدي ماتخافيش تو يجي...حتي انتي مالقيتش شن تطلبي ...باعثة راجل عقاب ليل.. طريق تخوف راهو..
..
نيروز - بالله عليك سلم خوي زيد اتصل بيه بلكي تحصله...
....
( غسان قعد يتصل لقاه مقفل ..قلبي مش قايلي خير...رفعت طاسة ميه بنشرب يدي رعشت طيحتها تكسرت ...ناض غسان شدني من يدي و قعدني عالكنبه... )
..
غسان - اقعدي واهدي صدقيني بخير تي في الخلا رانا اكيد التغطيه بتكون ضعيفه ...واكيد تلقيه قاعد يدور عالكيوي متااعك...😒
نيروز - يا ريتني مابعته .هيا نطلعو ندورو عليه ..
غسان - خيرك هبلتي ...قتلك تو يجي..و اصبري تو نبعث رجال يلحقو عليه واكيد السيارة فيها جهاز تتبع تو نعرفو وينه ..
..
( هزيتله براسي ملهوفة دمعتي على عيني...
طلع مع رجال...فاتت قريب ساعة ...رعد و برق و عاصفة الجو انقلب مره وحده....قريب الفجر و مافي ولا خبر حتى غسان مارجعش...رفعت تلفوني اتصلت رد علياا صوته مخنوق يطلع في كلام بالسيف... )
..
نيروز - غسان وينكم شن صار وينه قيس..
غسان - نيروز .لقينا السيارة لكن قيس مش موجود و حتى تلفونه طايح في الارض مكسر...
...
حسيت الارض دارت بيا...تركزت بيدي عالحيط...ناخد في نفس بالسيف...نسمع فيه يتكلم و ينادي و اني معاش قدرت نجااوبه ..الكلام هرب عليا...تفكيري في قيس شن صار معاه شن صار لراجلي...اني السبب اني اللي بعثته للخطر بيدي...كان تصير لقيس حاجه اني من بيا انا كيف بنقدر نعيش في الدنيا هادي من غيره ...فوتت يدي على وجهي... 💔
..
صكرت الخط ...فتحت الباب و طلعت ريح قويه و مطر تصب...و اني مش حاسه بي ولا شي ...شفت لواحد من رجال قيس ..
نيروز .. - ارفعني للفيلا في****
هو .. - مدام نيروز لكن ....
..
عطيته نظرت رعب... قربت لباب السيارة فتحته ...
نيروز - هيا قتلك ارفعني للفيلا متاع *** توا..
..
ركبت في السيارة ..طول جي في بالي هو ومن غيره يديرها...معااش في راسي شي غير نكون مع راجلي يانعيشو مع بعضنا يا نموتو مع بعضنا 💔
مافيش حل ثالث...نيروز تغيرت اي اني تغيرت هلبا تمردت...تمردت على الدنيا و ناسها..
اني عايشة بين انياابهم..لكن هماا طلعو ضبوعه و اني الديب...
لي امتي بنقعد نعاني في المااضي متاااعهم..هما يغلطو و جيت اني نخلص...اي اني اللي قاعدة نخلص...حبيت و عشقت راجل في راسه الانتقام و القتل
و طلع عندي خو نفس الطينة و البو خليني سااكتة خير
...اني اللي جيت في الواجهه و اني اللي لازم نصد و ندفع ثمن غالي في مكانهم ...علاش يا دنيا...لي امتي بتقعدي عاطيتني بضهرك..💔
لكن اني لازم نحاربك زي ماتبي انتي...لكن انتي شديتني من اليد الي توجعني...قيس... 💔
تكيت راسي على روشن و قلت اسمه...غمضت عيوني ندعي ان شاء الله يكون بخير...
غسان يتصل و يعاود و اني مارديتش...كان بنقوله وين ماشيه تو يوقفني...لكن لازم نواجهه بروحي...طريق طويله و الجو بدا يصفى شوي...و اليوم كيف بدا يضوي...لكن مانعرفش اخرته كيف بتكون...☠🖤
...