ذئاب بشرية(منقولة_ليبية)

حلقة 11

رواية بعنوان
#ذئاب_بشرية
.
{الحلقة 11 }
...
..
طالع من غرفتي ...ونشوف في فهد طالع من غرفة ميساء ... ....
ستغربت شن كان يدير عندها هدا .. قربت عنده ونار تطلع من عيوني ...🔥
ليث شن دير هني اه .. !!
فهد -كتت ندور عليك غلطت فلغرفه
ليث - ومن لقيت هني ؟
فهد - حد ..
..
مصدقتاش فتحت الباب ملقيت حد .. وسمعت ميساء باين انها فدوش... رجعتله ..
ليث -تستناني لوطه فلمكتب ممنوع تقعد تلود في حوشي هكي... 😒
..
هزلي براسه باهي ومشينا.... عطيته لوراق متع عملية أمس باش يكمل المهمة واني بنمشي نوري ال*** غس قدره
...
طرت صاروخ عنده وصلت شديت فرينوو قوي لين سمعوه لي داخل...
نزلت وبنخش واحد من رجاله وقفني طيحته ببونية....👊
وقت يتعلق الموضوع بخوي مانعرف حد... كملت خشيت نلقاه فلجنينة...
..
حاط طاولة مشكلة قدامه وحده *** بجنبه قول عليه يحتفل بانجازه .... شافني وتبسملي بخبث يعرف علاش جيت....
..
غسان - عجيب امر هل الخوت... تضرب واحد يجيك الثاني وهما لما يتقابلو ميشوفوش لبعض.... 🙄
..
قربت شديت ال** من يدها دفيتها طاحت علكرسي لي جنبه... شديت ضربته بونية لين خشمه سال دم...
..
طلعت المسدس وحطيته في راسه وضاغط عليه نبي نخلص عليه ونرتاح... لكن لا مش وقته نشوف في رجاله دارو عليا وطلعو سلاحهم...
..
ليث -ههه لدرجة هدي متخبي ورا رجالك ومتقدرش تواجه !!
غسان -اني منتخبا ورا حد
ليث -وعلاش الخوف مالي عيونك مالا
غسان -منيش خايف....
..
شاور لرجاله نزلو سلاحهم واني ... تفكرت كلام امي هديه جبدت روحي...
غسان -مني الي خايف تو😏
..
كلامه استفزني ضربته بلفرد على راسه لين طاح علارض
.
ليث- كان تصير حاجة لي قيس ولا ترجع تحوم علينا الا ما نشرب من دمك وتفكر كلامي مليح....
...
طلعت من عنده مشيت للبار متاعي دخلت للمكتب نستنى في تيلفون من امي هديه باش نعرف قيس شن صار معاه... نمشي و نجي في المكتب على اعصابي.... رن تيلفون فتحت لخط بسرعة نتكلم بلهفة...
..
ليث - امي هديه...خوي اكويس..
هديه - اكويس اكويس....ليث ...
ليث - نعم
هديه - مداب انت ماتتحملش في خوك دڨت الشوكة علاش العداوة هادي كلها ... علاش هكي بتقعدو تعدبو فيا معاكم خوت متفرقين و مشمتين الاعداء فيكم...
...
تنهدت من قلبي مافي حد يعرف الحقيقة بيني و بين قيس.... مافي حد فاهم شي... و زياده وجعني اكثر لما رفع نيروز من عندي ..منقدرش نسألها عليها.....طول عمرها تعرفني نعشق ميساء ...لكن حت هيه ماتعرفش ميساء شن دارت وكيف ضرتني و كيف غدرتني....
....
خذيت نفس نتكلم .
ليث - امي...لما ينوض قيس بسلامه ارجعو لتونس...
هديه - مش راجعين علاش باش تكمل لي داره الواطي.... انت مش ليث الي ربيته مش ليث .... مستحيل تكون انت...
...
صكرت لخط عليا ..
زادت حيرتني وجعتني اكثر....و نيروز مبتش تتمحى من بالي...وماتطفى ناري لين نشوفها...و نحاسبه عليها
..
..رفعت جكيت متاعي و رجعت للفيلا ....نحس في روحي ناقص نوم و معاش نشوف في شي و راسي رزين...
وصلت للفيلا دخلت نلقا ميساء قاعده عند تلفزيون تتفرج ...
..
شافتني ناضت بسرعة حضنتني.....للحظة كنت بنضعف عليها لكن جا مابين عيوني المصيبة الي دارتها كارثة كبيرة مستحيل نسامحها ولا نغفرلها عليها...
...
دفيتها بكل قوتي....قربت لعندها شديتها من شعرها ونتكلم بغل ....
ليث - ميساء ردبالك تقولي ان نسيت ...لا مانسيتش و عقابك بيكون اكبر من هكي غير مش فاضيلك تو... بعدي عليا خيرلك هلايام.. ننصحك ماتستفزنيش اكثر...
..
دفيتها مخليتها تقول ولا كلمه....مانبيش نسمع منها شي و كلامها يزيد يعصبني اكثر.... طلعت لي غرفة نيروز...ترميت عالسرير ....ورقدت ...
....
عند نيروز ..
فاتو يومين ....و اني لاهية بيه...حتى الممرضه مشت ...خالتي هديه لاهية بتطييب و اني من جنبه ماتحركتش ..نوكل فيه و نشرب فيه دواه ...
في يومين نسيت ليث ...
{ اصلا اني محبيتاش ...اني حبيت مرة وحده و تحرقت ..لكن تقدرو تقولو تعلقت بيه لكت لو جيت حبيته ...راهو مش هكي مع قيس....وكل لحظات لي عشتها مع ليث كانت غصبن عني زي الامر لان كنت خايفه منه .. لكن قيس معاه نتصرف بي راحتي لان هو مش غصبني ع شي .. }
...
نشوف فيه يحاول ينوض... قربتله شديته من كتفه و رجعت لتالي...ستويتله لمخدة ...ونتكلم ..
نيروز - لا ارتاح ماتتحركش قولي شن تبي و اني تو نجيبلك...
تبسملي و شاورلي بيده عالابتوب...
قيس - هاتيه ...
مشيت جبتهوله ...فتحه و حط فيلم...جيت بنمشي شدني من يدي...
قيس- اقعدي جنبي تفرجي معاي فيلم حلو ...
نيروز - لكن...
قيس - لا لكن لا شي اقعدي ..
..
قعدت جنبه...نتفرج لكن مش مركزه... و هو يضحك ويتفرج... بعد شويه نشوف في خالتي هديه داخلة بي سفرة... نضت رفعتها من يدها... حطيتها على طاوله...