رواية بعنوان #ذئاب_بشرية..😈
كتابة ..#ميمي.
الحلقة ..{ 40 }
_____________________________✔
عند قيس...
تو فات اسبوع ...جهزت فيهم اموري...قررت نرجع للبرازيل خلاص ...
..ركبت من الدروج نجري...خشيت عليها للغرفه...نلقااها شادة بطنها وجها اصفر قربت بنتكلم معاها دفتني و خشت للحمام تستفرغ...لحقت عليهاا نبعدلها في شعرها...غسلتلهاا وجها ......
...
قيس- صغيرونتي خيرك خليتك في الصبح تمام...
نيروز - مانعرفش خيرني ...
قيس - باهي تعالي ارتاحي...
...
هزتلي براسهاا رفعتها عندي و حطيتها فوق السرير...غطيتهاا...
ونغير في دبشي و نتكلم في نفس الوقت...
...
قيس - يومين تانين وبنسافرو....نضمت اموري كلها غادي...خلاص جي الوقت اللي بنهتمو فيه بروحنا ...
..
نيروز - مانقدرش نخلي غسان بروحه في الحالة هادي...
( تبسمت على جنب...تمديت جنبهاا...)
قيس- غسان مش بروحه افتحي عيونك مليح
( رفعت حاجبها...)
نيروز - سمرة!!
قيس- اممم مانعرفش ليش لما نشوفهم يعجبوني مع بعضهم...
نيروز - قيس...ماتنساش غسان مرته عايشة...و مرته تكون اختك...
قيس - تعرفي اول شي بنديره لما نوصل للبرازيل...بنمشي نحط ألالاف المهم نمحي اسمهاا من جسمي...زي مامحيتها من قلبي و حياتي و كان ماوعدتكش راهو ..قتلتهاا بعد اللي صار..
..
نيروز - لازم نتكلمو مع نظال...و نفهمو منه القصه حسب ماقال ليث مايعرف شي على ماضي راسيل و هو لما تعرف عليهاا القي اسمها مرام...يعني في قصه ورا الموضوع هدا...
...
(خديت نفس...نهدي في روحي...متأكد في شي صار قبل 8 سنين لتالي...لكن معاش نبي ندور في المااضي...تعبت منه ....يكفي....نبي ننسي و نعيش حياتي...نيروز تقعدت شويه بتنوض شديتها من يديها...)
...
قيس - وين ماشيه ارقدي ارتاحي ..
نيروز - تعرفني نرقد هكي باللهي...نلبس حاجه خفيفه و نرجعلك...
قيس - باهي ...
...
...قعدت نستنى فيها لين ترجع...مانغفى و نرقد ألا و هي في حضني...
عيوني تفتحو على وسعهم ....نشوف فيها طبست ادور على حاجه .. وروب الابيض الخفيف ينااديلي ..كل شي واضح...نبلع في ريقي بالسيف...😍
..
نحيت الغطاء ...ونضت قربت لعندهاا حضنتها من تالي...بستها من رقبتهاا نشم في ريحتها ...
...
قيس - ناوية تهبليني الليلة...شن تبي اه...
(تحاول تفك روحها مني و اني زدت ضغطت عليهاا اكثر...دورتها لعندي...نفس متااعها داخل بعضه...قربت شفاايفي لشفايفها ...)
قيس- نعشقك..نحب كل حااجة فيك...
( حسرتها مع الدولاب...فوتت يدي على كل قطعة في جسمها...)
قيس - هدا من ممتلكات قيس...هدا من حقي اني و بس...
...
بستها من شفايفها .....دفتني بيدها و خشت للحمام تجري...سكرت الباب...ندق عليهاا نسمع فيها تستفرغ...فتحتلي الباب وجهاا شاحب...جبدتها لعندي ....
..
قيس - بنرفعك للمصحه تو حالتك مش عاجبتني...
نيروز - لا تمام غير اليوم كليت حار هلبا ...هدا علاش تقلقت...تعبانه نبي نرقد تو...
قيس - نيروز قتلك ...
( حضنتني..)
نيروز - نبي نرقد عندك وبس ...
قيس - باهي...
..
رقدتها عندي قعدت حاضنها ...نمسح على شعرها...لين غفت....تبسمت و اني نشوف فيهاا ...تفااصيل وجها زي البيبي بالضبط...عمري ماكنت نتخيل نعشق للدرجه هادي عشقت بنت اصغر مني بعشرين سنة...
..
طفلة خلتني نرضخ لاوامرها كلهم...خلتني نبكي من فراقها و عدابها..
.كل شي نفكر فيه تو ان نعيشو مرتاحين بعيد عن الناس كلهم...عيلتي على راسي و نحبهم هلبا ...لكن هما السبب في المشاكل كلها كل مره واحد فيهم يطلع بقصه ...
..
كل مره قصه تحطمنا و نرجعو للصفر....لكن اني لازم نفكر في مصلحتي و مصلحة مرتي ..لازم نعيشو مرتاحين... سادني منهم....
..
بستها.. قداش نحبهاا و روحي فيهاا هالفرخة...زدت حضنتها عندي و رقدت....❤
.
....
_________________________✔
..
عند غسان ....
فتحت عيوني على صوت الرعد...شفت للساعة 7 الصبح ...الجو ليوم مثلج علأخير
..
...نضت خشيت للحمام غسلت حالتي ولبست ...يعجبني الجو هدا و خاصة نعشق الجري فيه
... نجري و قطرات المطر نازلة و بعدها تولي اقوى و اقوى⛈ ....
..
نزلت لوطا نلقا ليث طالع للخدمة ...وميساء في يدها بنتهاا تلعب😍...
نيروز تااكل غاطسة كلها في صحن هريسه على الصبح و قيس يعارك فيها.😂
....تبسمت محلاهم مع بعضهم...❤
وشهد قاعده تفطر .. وسمرة مش موجودة...عقدت حواجبي مستغرب...قربت لميساء نتكلم معاها...
...
غسان - صباح الخير...
ميساء - صباح النور...
غسان - سمرة مزال راقدة..؟
ميساء - لا طلعت امبكري شويه قالت ماشية تخدم...
غسان - شني .. !!!
( هزتلي باكتاافها...)
ميساء - مانعرفش هكي قالت...
غسان - باهي باهي...
...
رفعت مفتاح السياره و طلعت....ندور بعيوني عليها...حتى تلفون ماعندهاش...ليها اسبوع معايا ...ماقلتليش على موضوع الخدمة...
...
شديت فرينو قوي لما شفتها واقفة قدام القهوة..درست السيارة و نزلت... قربت لعندها بسرعه...جبدتها من يدها ...
..
غسان - خيرك انتي...مش قتلك بطلي الخدمة...كيف تطلعي و ماتعلمنيش !!
( نطرت يدها مني....)
..
سمرة - سيد غسان اول شي شكرآ و كثر خيرك انك قبلتني عندك وفي حوشك ثاني شي اني نتحمل مسؤوليتي...و مانبيش نكون حمل ثڨيل على حد...ثالث شي اني جيت هني باش نتكلم مع مديري يرجعني نخدم و نشوف حوش نأجره ....و نزيد نقولك شكرآ على كل شي..
