ذئاب بشرية(منقولة_ليبية)

حلقة 9

..رواية بعنوان
#ذئاب_بشرية

.
{الحلقة 9 }
....

نشوف في قيس واقف جنبي طلع على حرف السفينة...وجبدني من يدي ...و نقز بيا...بلعت المياا...لقفني طلعني نكح...نتنفس بالسيف...يبعدلي في شعري على وجهي.. ويتكلم ..
قيس - ..كان مادرتش هكي مش حتوافقي تنزلي معاي...ارفعي رسك فوق تو شوي و نطلعو ...
...
هزبتله براسي معنديش جهد نتكلم ...قعدت مكبشة فيه ..حسيت روحي فشلت خلاص...
..
نيروز - خلاص هيا نروحو ... ..
قيس- مزال بكري هيا نطلعو نفطرو نقعدو لحد الغروب وبعدها نروحو ...
نيروز - لا لا نفطرو و نروحو بالله عليك ..
..
هزلي بي راسه .و طلعنا...قعدت نرعش ...لبسني الكاب..خشيت نلقى طاولة جاهزه..قعدت بديت ناكل من غير مانستنااه اصلا حسيت روحي جيعاانه عللأخير
..كانه ليا سنين مكليتش...حسيت نفس تسكر عليا ...تكيت لتالي...نشوف فيه قرب...
قيس - تو راجعين....المهم تكوني انتي مرتاحة...
...
مجاوبتاش ... لفتت وجهي...فات الوقت و وصلنا...للفيلا دخلت طول لي غرفتي... درت دوش و رقدت عالسرير غطست في نوم... منعرفش قداش فات وقت ...نسمع في صوت ضحك...فتحت عيوني بالسيف ...مزل مخدرة بالنوم...نضت.. غسلت وجهي ولبست الي جا قدامي....لميت شعري كعكة ونزلت ....نشوف في مرا كبيرة...متحجبة...عقدت حواجبي استغربت..ومني هادي زياده ...قعدت واقفة متحركتش من مكاني...اول مرة نشوفه يضحك هكي بعلو صوته و الفرحة باينة عليه...يبوس فيها وحضنها ...ويتكلم زي لولاد صغار
...قعدت نتبسم..منعرفش شني احساس الي تملكني اللحظة هدي...
..
..عند ليث ....ليث يحس في روحه تاعب ومكسور قلبه بيطلع من مكانه .... قاعد قدام لبحر يبي يطلع وجع قلبه وينساها لكن مقدرش.... رجع للسيارة وطول للبار....
خش وطلب ..وقعد علحالة هادي طاسة بعد طاسة لين بدا يشوف في دنيا ضباب.....
جا واحد من رجاله ورفعه للفيلا ....
اول مادخل يشوف فيها ومش مصدق.... نيروز رجعت امت !!
يتكلم ولسانه رزين
ليث - امت انتي رجعتي !! وين كنتي !! دارلك شي!! ....
...
يسأل فيها كدس اسئلة وهي ساكتة مردتش..... قرب ليها شدها يهز فيها وهي شي ماقالت ولا كلمة.....
..
قرب وجه لي وجها شدلها راسها من تالي وغطس معاها ...💋
..
وفي نفس لوقت يشم في ريحة برفان غريبة مش الي متعود عليها.... لكن مش مهم لمهم انه عنده وبين يديه شدها من يدها وطلع بيها للغرفة... .
. دخل وسكر لباب برجله مايبيش يضيع دقيقة وهو بعيد عليها.... حطها علسرير وجي من فوقها  فمه على فمها ويتكلم ...
ليث . -قداش خليتي مكااان عليا.... علاش مشيتي.....
.....💋🔞
..
معاش فاق بروحه الا وهيه في حضنه .... وغارسه راسها في صدره وهو وضغط عليها تقول خايفها لا تهرب وحت هيه ❤....ورقدو هكي ...
.....
ليث فقت صبح نحس في راسي رزين علاخير نفتح في عيوني بشوية... نلقى وحدة راقدة عندي... نحاول نتفكر شن صار لكن ريحتها رجعتني لعقلي..
....
ريحتها اي هي ومن غيرها.... ريحتها نعرفها وسط الف ريحة....
شعرها الاصفر نازل على وجها غاطسة فنوم ومرتاحة.... دفيتها ناضت مخلوعة.... بعدتها عليا...
...
ليث -شن ديري هني انتي ...خيرا حالتك هكي...
...
شافتلي مستغربه...حطت يديها على خدي...
ميساء -روحي خيرك احني رجعنا و...احلى ليلة فاتت في حياتي امس ..
...
.نطرتلها يدهاا.
ليث ..-شن تقولي انتي مستحيل اني حالف عليك معاش نقربك...ميساء بعدي عليا لا نتبلى فيك...
...
ونضت طول لدوش.... فتحت دوش وقاعد نحاول نتفكر.... تمنيت نعيط ونلومها لكن حت اني غالط وهي جتها فرصة ومبتش تضيعها..... منبيش نشوفها ولا نتناقش معاها نبي نبعد وننسى....
نحس في روحي خنتها... نحس روحي خنت نيروز برغم الي مافي ولا علاقة تربط بيناتنا لكن منبيش نشوف في غيرها ولا نرقد مع غيرها.....
..طلعت مشيت للشركة متاعي دخلت للمكتب وقعدت علكرسي وفتحت لابتوب..
نبي نشوف تصاويرها وفيديوهاتها.... ت
نبي نشوفها و نحسهاا معايا.....
....
..
عند فهد ....حسيت بخنقة في صدري...نفس تسكر عليا..وجع في قلبي زاد ليا سنين نحساب روحي نسيتها... كنت مداير روحي متنااسي ...نسمع فيه لما نافرها .. و مش طايقها و هي رامية روحها عليه...
زدت نقمت اكثر..يعني لدرجة هدي الحب يذل و يرخص الانسان...
خلت الي يعشقها و يبوس تراب الي تمشي عليه و مشت للي كارها و معيشها في عذاب...
نشوف في ليث طلع ...تخبيت ورا الباب...
رجعت نشوف فيها واقفه قدام المراية وتجفف في شعرها .. دخلت للغرفة و سكرت لباب وراي بلمفتاح... قربت عندها حطيت يدي على كتفها شافتلي في المراية..
.طيحت المنشفة من يدها تلفتتلي...
..
ميساء - ف..فهد...
تبسمتلها بالسيف... زدت قربت منها اكثر...دورت يدي على ضهرها و جبدتها ليا......قربت لي ودنها نتكلم ....
..
فهد - ميساء...الي كانت تدلل وتعفس لي مايعجبها .. ليوم نشوفها مدلولة بأوسخ طريقة..اخيييييي ...تتفكري سنين لتالي لما جيتك شن قلتيلي..و تو العكس صار عليك...محلاه الاحساس اه.
..
.. دفتني بكل قوتها...وجها احمر رفعت يديها تشاورلي علباب...
ميساء: اطلللللع برا ...اطلع فهد..
..
تبسمت على جنب ...عدلت جكيت متاعي..
فهد - مزلنا بنتقابلو هلبا ميساء و نوعدك لما تجيني راكعة على رجليك ... 😏
..
طلعت و طربقت الباب.. طلعت برا الفيلا من وين مادخلت .. ركبت سيارة متاعي رن تيلفوني فتحت لخط ...
فهد - نعم فيه حاجة...
الجنيرال - متنساش المهمة متاعك يا فهد من غير ماتحط الماضي في رسك تو..
..
فهد - باهي اطمن انت تعرفني كيف نخدم...
..
صكرت الخط ...اصلا جنيرال مايفوته شي يعرف ماضي و الحاضر و كان لازم المستقبل متاعي... ولعت سيارة و طول للمركز....
..
عند ليث
فاتو يومين ...على نفس الحالة...الفيلا معااش نبي نبات فيها...و فهد لي توا معرف ولا خبر...كل الي نعرفه في برازيل لكن وين بضبط منعرفش ...راسي بيطربق من تفكير و قلة النوم..
. قاعد نشوف في الابتوب رجعت لتسجيلات القدم ..ستاحشت كل شي فيها...ستاحشت ريحتها...نظرة عيونها...بكاها ...ضحكتها...زعلها...كل تفصيل فيها....
سارح معاها .. دق الباب...سكرت الابتوب ...نشوف في فهد خش...
فهد - اليوم العشيه سافرت مرا اسمها هديه للبرازيل ...
..
تنطرت من لكرسي...قربت لعنده...
ليث - امي هديه سافرت لعنده علاش !
فهد - منعرفش و المشكلة مقدرتش نحدد وين مشت بضبط و برازيل كبيرة..
ليث - تصرف علاش كلفتك مالة اني كان لازم تسافر و دور غادي...
فهد - نقدر نعرف علاش هدا كله شن تعنيلك لبنت هادي...يعني انت متجوز و وهداك خوك لكن لبنت .. !!
..
ليث - حاجة متخصكش...الي نعرفه نيروز ترجعلي و بس...
..
هزلي براسه وطلع... فوتت يدي على وجهي بعصبيه...امي هديه اول مرة تسافر عمرها ماطلعت برا البلاد...شن الي تغير لدرجة هدي قيس يعنيلها اكثر مني...
..
اصلا كنت حاس و نعرف انه تحبه اكثر مني..
.ضربت المكتب بيدي نطرت الوراقي الي عليه كله...نتنفس بالسيف... عيطت بي علو صوتي...
....
..
عند نيروز ...
قربت لعندهم شويه... نشوف فيه وقف قرب لعندي... شدني من يدي و قعدني جنبها... قعدت نشوف فيهم زوز ...قعد على طاولة مقابلنا ..
قيس - امي هديه.. هادي نيروز الي بتقعدي معاها هني..
هديه - محلاها ربي يصونها...مزال ضغيرة
..
.....مسحتلي على شعري...تبسمتلي و رجعت تشوف لي قيس بنظرا مش عارف كيف..
هديه - شن مجيبك ليه الوحش هدا.. لكن متخافيش اني معاك ..
ضحك بي علو صوته وتكلم ..
قيس - اني وحش هكي تو ...راهو تربيتك...
..
هديه - برا انتلف من قدامي خليني اني و هالصغيرونة نجهزو عشاء مع بعضنا...
..
هزيتلها بي راسي و تبسمت...منعرف علاش فكرتني بي جدتي ...لمست يدها و كلامها و تجاعيد الي في يدها و وجها و الوشمة الي في دڨنونتها و جبينها...كل شي كيفها...حسيت براحة معاها علأخير نسيت خوفي و كل شي ساكني..
..
قيس .وقف و رفع تيلفون...
قيس- اهو طالع نرقد شويه لم يحضر العشاء نوضني...
..
.طبس باسها من جبينها و طلع...تركزت على عكازها و ناضت...
هديه - هيا تعالي وريني لكوجينة و نبدو نطيبو ..
..
مشيت معاها...دخلنا للكوجينة...فتحت الثلاجة قعدت تشوف فيه...جبدت الخضرة كلها..جبدت حوت...بدت تتحرك و تتكلم معاي في نفس الوقت...
..
هديه - من امت تعرفي قيس..
..
ستغربت من سؤالها..زعما نقوللها انه خاطفني ولا تعرف و لا شني بضبط..خذيت نفس جيت بنتكلم قصت عليا...
حطت الطماطم و البصل قدامي...
..
هديه - قصي هدم...و من غير ماتقولي شي...انا متأكدة معندك ولا صلة بيه...هو خطفك .. عمره مادرها لكن مدام وصل وجابني لهني اكيد في قصة كبيرة تربط قيس بيك... نبي نقولك حاجة وبس ...في نوعين من ناس ...الصادق لكن غامض و الكداب .. وقيس من نوع الاول... يعني نبيك تفهمي و تعرفي الي داخله...
..
نيروز - اني مايهمنيش في هدا كله نبي نرجع لي حوشنا و بس...مش انتي امه ! اتكلمي معاه بالله عليك خالتي هديه قوليله يسيبني..
...
مسحتلي على شعري...
هديه - اني امه ثانية اني صح ماولدتش لكن ربيته و حبيته زي ولدي هو و خوه مانفرقهمش على بعضهم بكل.. لكن اصبري شويه...اهو معاي و متخافيش اكيد بيرجعك لي حوشكم ...
..
تبسمتلها بالسيف...كملت جهزت معاها العشاء ...حطيت كل شي على طاولة...
هديه - بري نادي قيس..
نيروز - اني ... !!
هديه - اي في غيرك هني.. بري سلم بنتي..
..
...
مشيت بخطوات ثقيلة...دخلت للغرفة...نشوف فيه راقد ع ضهره و نصه فوقاني عريان...عضلاته مفصله تهبلل ...وشم على كبر كتفه محلاه ....
خديت نفس و قدمت لعنده اكثر...ركزت مع الوشم نشوف في شي تحته.. باين اثار حرق... باين حرق قوي ومغطيه بي الوشم لكن قاعد يبان..
..
... ..نادي عليه لكن شي مناضش...
فوتت يدي على الوشم وقعدت نتلمس في الحرق لي تحته و نفيق فيه...مباش يفيق...
 
جيت بنجبد روحي و نطلع... جبدني من يدي جاابني تحته...
عيونه منفوخين شويه من نوم ...رموشه طوال تقول مداير مسكارا ...يتكلم بصوت محجرش بنوم...
قيس - شن كنتي ديري هني...
نيروز - ش..شي شي...
قيس - مالة علاش دخلتي لغرفتي ...
نيروز - امك تناديلك عالعشي ..
..
تبسم على جنب..حاوطني بيديه ....
قيس - عجبك لوشم تتلمسي فيه من بكري..
..
فتحت عيوني على وسعهم يعني هو كان فاايق و حاس بيا ويتسهوك عليا ....
..
نيروز - سيبني بنوض مرزنك ... 😒
جبدت روحي شويه .. هو رفع تشرت بجنبه لبسه..وشافلي ...
قيس - المرة هادي فوتهلك المرة جاية مانعرفش شن ندير فيك..مانحبش حد يدخل لي غرفتي من غير اذني ...
..
دخل لحمام و خلاني...شن هدا هدا ليث ثاني... ضرب في راسي المواضوع اكيد خوات !
اي اي خوات الشبه بينهم غير عادي..و امه قالت عنده خوه..ولما يسمع سيرت ليث يجن...
ضربت راسي بيدي... شن هلعلقه زوز خوت ياربي ..
.نضت من السرير و طلعت نزلت لوطا..نلقا خالتي هديه قاعدة...عطاولة قعدت مقابلتها...
تشوفلي ووتتكلم ...
ظ
هديه - اكيد ماناضش نعرف نومه رزين ديما منشفلي ريقي...
نيروز - لا ناض اهو جاي...
.
شويه ونشوف فيه نازل من دروج ..قرب وقعد ...باس يد خالتي هديه ...و بدا ياكل مشافليش بكل... كاني مش موجودة...
..
قعدت شادة الكشيك في يدي و نقلب فيه في الصحن ماخطريش ناكل ...
.
.قيس- الناس تاكل بيه الكشيك مش تلعب بيه ..😒
..
رفعت راسي نشوفله ..
قيس- كولي وماتنوضيش من طاولة لين تكملي صونيتك ..
نيروز - معنديش نيه صحة ...
..
جيت بنوض شدني من يدي وضغط عليا ...ملامح وجهه باردة عكس نبرة صوته لي تبين العصبية الي داخله ..
قيس - قعمزي ..وكولي مانعاودش كلامي مرتين...كملي كولي وبعدين اطلعي ارقدي ...
..
هزيتله براسي...قعدت ناكل بالسيف نغصب على روحي...نعدي في الماكلة بي لمياه..كملت مسحت يدي بالمنديل و نضت..طلعت لغرفتي ...سكرت لباب...
نسمع في قيس يدق و يناادي... عقدت حواجبي فيسع مالحق عليا شن يبي لمصيبه هدا ...
..
فتحتله البااب...
وقفت نشوف فيه...دف لباب و دخل... فتح القجر ..جبد سلاح و طلع ...فتحت عيوني على وسعهم .... جيت بنتكلم اشرلي بصبعه باش نسكت....
نشوف في خالتي هدية دخلت و سكر لباب علينا بمفتاح و طلع ...
قعدت مصدومه مش فاهمة شي..و ملامح خالتي هديه باردة ماتوحي لي شي...
..
#يتابع ..🔇
#ميمي
رايكم وتوقعاتكم   ..!!
..