ذئاب بشرية(منقولة_ليبية)

حلقة 22

رواية بعنوان ..
#ذئاب_بشرية ...

.
الحلقة { 22 } .
..

..
عند نيروز ..
واقفة قدام المراية...جنبي امي و اختي الصغيرة...نشوف في روحي بلبسة البودري ...محلاني ...والمحرمه فوق راسي...وجهي مغسول ..لان في سبرنا ليلة الحنة مندروش مكياج لعند يوم العرس 🙈...زغرتت امي ...حضنتها بكل قوتي ....فرحانة علاخير خاصة هي مش زعلانه مني و راضية عليا... ❤
كملت جهزت روحي و طلعت من الغرفة نشوف في ميساء واقفة في الدروج تستنى فيا و معها بنات باش ننزلو مع بعضناا...نزلنا و قعمزنا في صالة لمة نسائية..
..
.الدرابيك و زغاريط و ريحة البخور الفايحه...الرقص و جو التقليدي قداش نعشقه...
والحناية بدت تحنيلي في يدي و اني دموعي نزلو .. لان قبل تمنيت نعيش لحظات مع الواطي رواد ... الحمدالله معشتهمش معاه .. تو احلى لحظات في حياتي مع حبي الرجل الاربعيني الي جنني بحبه و عشقه ...فاتت السهرية تهبل....واني وميساء مقعمزين بجنب بعض ونشوفو في حنة بعضنا و نهدرزو ...
..
نيروز - تعرفي فرحانة عالاخير ..
ميساء.- و حتي اني ماكنتش نتوقع بندير عرس من اصله ...تعرفي هالجو منحباش لكن خديت بخاطر امي هدية و تو الصراحة عجبني هههه 😅
نيروز - ههه باهي. مليح ... لكن محكيتليش شن صار قبل ..
""تنهدت و تبسمت.. ""
ميساء - خلي يتم العرس و نحكيلك كل شي في وقته ..
...
"" هزيتلها براسي باهي... نشوف في وحدة تتمخطر شفتلها معجبتنيش حتى لبستها...قربت لعند ميساء باستها من خدها ...و تباركلها عرفتها نسرين صاحبتها..حسيت نار ركبتني .. ناقصتها اني توا و خاصة من نوع قيس الي كان معاهم قبل .. ربي يستر والله نقتله 😒 ... قعدت مقابلتنا ...حسيتها مش متحملتني وتقلب في عيونها ....شعور متبادل وخيتي... 🙄 عطيتها نظرت موت و لفتت وجهي عليها... فاتت الليلة وكل واحد شد غرفته ..رقدت من تعب ماحسيت بي شي..""..
..
يوم جديد شمس ساطعة في كل ركن في الفيلا ... اليوم عقد القران 😍 ...قلبي في الالف وصل..❤
لكن نحس في روحي مش فرحانة كالعاده نحس في قلبي مقبوض ربي يستر 💔 ...مزال يوم بس عالعرس .... استاحشت قيس ياا ربي 😭 ....وقفت في البلكونه نشوف فيه خش و معاه شيخ الباين ..
وهو لابس بدلة عربية قداااش يهبلللللل فيها ياا حليلي يقتل راهو 😍 ...
...
و اني لابسة البدلة الكبيرة في البيج ...
و كالعادة مش مديرة شي في وجهي ...دخلت من البلكونه ...نمشي ونجي في الغرفة ...نستنى امتي ينادولي...فات شويه وقت..جتني امي و ميساء وهدية ونساوين كبار ..لبسونا وغطونا ..ودارو قدامنا بالمرايات ...
و نزلونا واني بنموت من الخوف خايفه نطيح ع وجهي منشوف في شي قدامي .. وزوز نساوين وحده شدتني من اليمين وحده من اليسار ودورونا 7 لودات ..... 😂
لين دخت هكي عادتنا وتقليدنا ..💛
...
درنا جو يجنن .. و ناس كلها مركزه مع كل خطوة نديروها 🙈 محلاه الاحساس .. وبعدها بدو يزغرطو ..خلاص عقدو القران .. وبديت مرت يسو واخيرآ .. ❤
..
..ومن الفرح والتوتر بديت نحس في وجع مرة يقوى ومرة يخف حاولت مانبين شي... منعرفش قداش فات وقت..
ناس بدت تروح ...و اني نحس في روحي عرقت كلي وتعبت...ناديت لميساء بيدي..جت بحدايا..
...
نيروز - ميساء هيا نركبو معاش فيا حيل و زياده موجوعة شويه من غير ماتقولي لحد ..
ميساء- لا خلي نقول لقيس..
نيروز - لا لا عندي دوايا هيا بالله عليك..
..
شدتني من يدي و طلعنااا.. نحيت البدلة خنقتني و لبست بيجاما ستان في الموف.. تمدبت عالسرير و ميساء عطتني شربت دواي..ماقدرتش نتكلم ولا كلمه نحس في روحي مخنوقة .. 💔
..
ميساء - نيروز الفيلا فضت و ليث و قيس اكيد طلعو ومشو للفيلا الثانيه لانه امي هدية حرمت عليهم الطلوع هههه المهم شن رايك ننزلو نتمشو شويه في الجنينة ...
..
هزيتلها براسي... نضت لبست كاب متااعي و حطيت وشاح على راسي...و طلعنا بالسرقة ... قعدنا نتمشو ...تقول غابة مش جنينة زدت تكمشت على روحي صقعت...ميساء اكيد تعرفه مليح المكان يعني مانريحوش...
ريحة الياسمين تهبل....غمضت عيوني و نستنشق فيهاا... نستمتع بيهااا.....🌸
..
نيروز - ميساء تهبل الريحة ..اصلا حسيت أعصابي هدت... هيا نقطفو شويه ياسمين نروحو بيه..
...
استغربت مجاوبتنيش ..فتحت عيوني ملقيتهاش جنبي..تلفتت ورايا نلقااها دايخه وراجل رافعها بين ايديه و يضحك ..
قلبي خض وسط صدري من الخوف  عليها
نيروز - منى انت خيرها سيبها سيبها ...
جيت بنقرب لعندها... حسيت بي حد شدني من تالي قعدت نتفاارع معاه و نعيط لين حط قماشة على خشمي ...فقدت الوعي و ماحسيت على شي..💔
...
....
عند قيس ..
من لما كتبت كتابي و روحت اني وليث رقدت طول على خاطر غدوا يوم طوويل ...
غدوا عرسي وسهرة للصبح...دوب ماغفيت ...فيقني صوت تلفون..رميت يدي رفعته ... نتكلم بالسيف غالبني النوم... دوب ماسمعت شهقات ام نيروز و امي هدية تتكلم مافهمت شي..
او بالأحرى ماستوعبتش اللي تقول فيه...تنطرت من السرير...دخل عليا ليث وجهه يرعب .. صكرت تلفون و قربت لعنده...
قيس- اللي قالته امي صح ! البنات وين عندهم يمشو في نص الليل ...
ليث - ياريتنا ماخليناهم بروحهم حتى رجالنا مش غادي كيف  استغبينا لدرجة هدي ..هيا نمشو للفيلا ..
..
هزيتله براسي...لبست تشرت و سبيدرو و طلعت... كل حد فينا طلع في سيارته....طرت ...شديت فرينو قوي قدام الفيلا كلمت رجالي يدورو في الغابة اللي جنب الفيلا ... ...
.
دخلت نلقى امها تبكي و امي هدية وجها اصفر حالة... قربت لعندها بسرعة ..
قيس - كيف يا امي يطلعو من غير ماتشوفوهم تعرفي قداش الوقت تو 4 الفجر راهو..
هدية - هما طلعو يمكن قبل ساعتين لان مشيت نطمن عليهم مع ساعة 2 .. ملقيتهمش قلبت عليهم الفيلا مالقيت حد...
..
فوتت يدي على وجهي بعصبيه ...مستحيل يكونو بعدو من هني شن مطلعك يا نيروز ...
نشوف في ليث جا... عيونه مدمعة ..يتكلم..
..
ليث - اني بنخسر مرتي وولدي مرة تانيه ياا قيس معاش نقدر نتحمل نفس الوجع ..
..
"" قربت لعنده حضنته... ""
قيس - ماتخافش اكيد بنلقوهم ..
..
اني هكي نتكلم و تجني رسالة من رقم غريب ...فتحت نقرا فيه... من كثرة الغل الي ركبني درت كسرت المرش متاع الطاولة بيدي ..دم يقطر و اني مش حاس بي شي...
..
قيس - الواطي ****...
ليث - شن في .
قيس - بعتلي رسالة ... اقرا
..
{ الرسالة ..
مرتك عندي راقدة بجنبي زي الملايكه و سلم على ليث وقوله مرتك نحتفل بيها الليلة الجاية .. }
..
ليث - مني هدا وشن يبي مناا..
قيس - الواطي ...والله لما نقتله بايديا... ليث كلم صاحبك قوله يشوفلي رقم هدا و يخبرني بي مكانه بسرعة ...
...
هزلي براسه ...و طلعنا... قابلني واحد من رجالي في يده كاب نيروز ..
هو - مسيو قيس لقينا هدا في الغابة... و معاه التوكه هادي ..
خديتهم من عنده هدم متاع نيروز صغيرونتي... نشم في ريحة الكاب ..رفعته معايا و طلعت في السياره...والله الا مانشرب من دمه كان تصير حاجة لمرتي..علاش مانفرحش يا ربي علاش كل مرة مصيبة ملاحقتني...اني السبب نعرف طريقي غلط
وصلت روحي لهني و عرضت عيلتي للخطر...ياا ربي احفظلي مرتي ياا ربي معاش نقدر نتحمل خسارة تانيه ... خسارة رسيل هدتني و كسرتلي ظهري ...سادني معااش عندي حيل تعبت...💔