رواية بعنوان
#ذئاب_بشرية
..
.
{الحلقة 15 }
.
فتحت عيوني على وسعهم لما شفته قاعد على الكرسي ... يتبسم و مولع دخان ....
غسان - صحة نوم ...رقدتو مليح انشاء الله نكون مدرتلكم ازعاج بس... .
نطرت الورغان من فوقي...نضت بسرعة و جبدته من سوريته ..
قيس - شن دير في حوشي هبلت انت شن تبي مني ...
.
"يشوف لايدي و يضحك... "
غسان - اهدا اهدا..خيركم الاخوة زوز عصابيين اكثر من اللازم...
قيس - انطق شن تبي ...
غسان - نبي ..
..
نشوف فيه تلفت لي نيروز ..يعض في شفته...من غير ماترددت ولا لحظة....ضربته بونية قريب كسرتله فمه👊 ... جبدته من سوريته نخض فيه و نتكلم ...
.
قيس- غسان انت تعرف مليح اي حد يحاول ولا حتى يفكر في حاجة ملكي ننفيه من الدنيا...قولي شن تبي ...
.
غسان - هههه سؤال غبي هدا...زعمة جاييك هني على سواد عيونك ...نبي كل شي تملكه يا قيس ... مقابل تعرف القاتل...
..
يدي ترخفت عليه طول...حسيت روحي فشلت الواطي يعرف المجرم و ساكت سنين هادي كلها...
فوتت يدي على وجهي بعصبيه...مش عارف شن ندير بالك يطلع يكدب...و ممكن يكون يعرف .... لا غسان خبيث منقدرش نوثق فيه بكللل
.....
..
عند ليث ..
فوتت ليلة كاملة يجنبها نتأمل فيها.... حالتها مسخفتني علب الاخير وخايف عليها... وهي راقدة في سابع نومة.... باين عليهاا تاعبة لكن متبيش تبين...
.
ماصدقت ربي وافقت تقعد الليلة فلمصحة ورقدت.... هي من صغرها تكره حاجة اسمها دكتور مصحة ودوا...
.
وزياده لما ماتت امها ماتت تحت العملية... زادت نقمت عليهم اكتر واكتر.... كل واحد يلبس بالطو ايض متحباش..
. متبي شي يفكرها بيهم ولا بموت امها.... ااااه يا ميساء وين كنا ووين صرنا... علاش هكي درتي علاش... علاش دمرتني ودمرتينا ... خداني نوم و رقدت واني قاعد علكرسي...
نسمع في صوت يناديلي من بعيد.... صوت ينادي باسمي... بديت نفيق بشوية لين سمعتها.... نضت مفجوع..
.
..ميساء -😭😭
ليث - خيرك شن يوجع فيك ..!!
ميساء - لا شي..
ليث - مالا خيرك تعيطي ع صبح تبي حاجة !!
ميساء -اي نبي 😢....
" وقعدت ساكتة "
ليث - باهي فهمت عليك.. تو نكلم دكتور ونطلعك لكن لازم ديري تحاليل قبل ..
ميساء - لاااا نبيش ابرة تعرفني نخاف منهاا😣
ليث - ميساء خيرك ماكش صغيرة باش تخافي 😠
"سكتت ونزلت راسها..."
.
ليث-كان مش ضروري منهم تعرفيني نقولك مش لازم... لكن شوفي حالتك
ميساء - باهي نديرهم ونطلعو طول ..خلاص تخنقت معاش نبي نقعد اكتر هني ..
ليث - باهي نديرو تحاليل ونطلعو .. اليوم
ميساء -توا
ليث -باهي قلت
..
طلعت مشيت للدكتور ...
..
عند ميساء
نشوف في لباب تفتح مشى في بالي هو رجع...رفعت راسي ....عيوني تفتحو ع وسعهم نشوف فيه ماشي و يقرب...
فهد - مفرحتيش بشوفتي ..!!
ميساء - انت شن دير هني !! كان يشوفك ليث الا ما يقتلك
فهد - يعني بنخاف منه ليث متاعك .!!
ميساء - فهد بالله عليك امشي منبيش ....
..
شديت بطني حسيت بوجع قوي....غمضت عيوني ...حسيت بيديه على يدي نطرتها ...
فهد - خيرك ميساء تكلمي ..
ميساء - لا شي غير موجوعة شويه... بالله عليك اطلع قبل ما يرجع...
فهد - باهي لكن على خاطرك بس ..ونوعدك ح نرجع.. وميهمنيش فيه ليث متاعك ..
.
طلع وخلاني شاده بطني ... موجوعة لكن مانبيش ليث يلاحظ على خاطر بيخليني هني واني نبي نطلع .. ...
.
نشوف فيه داخل ومعاه لممرضه تمشي وتتدلع قدامه .. كان مش مريضة راهو نضت نتفتلها شعرها وكركرتها برا...
..
ميساء -شن تبي هادي علاش جايبها معاك.. 😠
ليث-جت بتاخد منك دم للتحاليل ..
ميساء -باهي بسرعة هيا وامشي على حالك .. 😒
ليث - خيرك تتكلمي هكي ..مع لبنت ..!!☹️
ميساء -لا شي نبي نكمل بسرعة باش نطلع
ليث -باهي ..هي ::
