ذئاب بشرية(منقولة_ليبية)

حلقة 16

رواية بعنوان
#ذئاب_بشرية

..الحلقة {16}

.
"" مش مصدق الي يقول فيه ...
..
..من غير مانشعر ..طرشقت بضحك... لين حسيت جنابي وجعوني... صكر تيلفون .... كلام قعد يتعاود في وذني..سلمت عليه و طلعت طول للفيلا...
.من لما كنت دمعتي في عيني..الفرخة خلتني نضحك و ننسى كل شي ... نجري...لازم نلحق عليها قبل ماا تقتلها...
..
شديت فرينو قوي و نزلت.... ركبت من دروج نلقى زوز من رجالي يدقو في باب ...واحد منهم يحاول يخلعه...جبدته من كتفه...وقعدت نسمع فيها شن تقول عيوني وساعو مش مصدق ههههه 😂
....
.
عند نيروز ...
بعد مادخلت للفيلا... رميت الكندرة.. قعدت نمشي حفيانة دخلت للكوجينة...شربت ميه نسمع في واحد من رجال قيس يتكلم ..
..
هو - مدام نيروز في وحدة تبي ...
هو مزال يتكلم .و نشوف في شخطورة داخلة تتمايل... لابسة سروال كله تقطيعاات...فخذها كله عريان ..توب قصيييير ...بطنها على برا... شعرهااا قصير احمر ..شفايفها مديرتهم بروج غااامق.....كندرة طول كعبها زوز ميترو... فتحت فمي مصدومه ...اصلا ذوقها منحط كيفها...شن هالمنظر...
حطيت طاسة على طاولة قربت لعندها نشوفلها من فوق لي لوطا...
..
نيروز - نعم منى !!
"" تحكي بتشقليع ...كسرتلي رقبتي ""...
هي - سويا هني...
نيروز - من سوياا يا انتي...
هي - سويا قيس...هو كل يوم الاحد عاطيني موعد في لوقت هدا نجيه هني...
..
""فوتت يدي على شعري بعصبيه...""
نيروز - اي يستنى فيك الفوق تفضلي معاي ... 🙂
.
بدت تمشي قدامي و اني نتحلف فيهاا...اكيد رابحة دعا شر طاحت بين يديا...😈
.
دخلتها للغرفة و سكرت الباب بلمفتااح...تلفتتلي..
هي - وينه سويا...
نيروز - سويا ! اممم سويا قلتيلي امالا...
""نشوف في مقص فوق الزيانة رفعته و قربتهولها... ".
.
هي - شن ديري يا مهبولة اااه سويااا يا ماما....بتقتلني...
نيروز - والله بنشرب من دمك...شفتي وجهك الي كله بوتوكس نشلطهولك بي المقص هدا كان مزال تجي هني...والله نقتلك كان مزل تكلميه ...
.
هي تعيط و نسمع في باب قريب يتهد بدقان و واحد من رجاله يتكلم ..
هو - مدام نيروز افتحي لباب لو سمحتي و سيبي للبنت...
نيروز - مدخلكش انت...وننصحك برا احفر قبر في جنينة....على خاطر بنبعثلكم جثة تو...
هي - ااه ااه لا لا بالله عليك ... باهي باهي معاش نجي معاش نكلمه سويا...
..
شديتها من شعرها قعمزتها على الارض..وقعدت فوقهاا...
.
نيروز - قاعدة تقولي سويا. هاللسان بنقصهولك راهو .
هي - تي هو عاطيني موعد كل يوم احد متعودين هكي...
نيروز - هو مالا اه اي اي هو جااييه دور...بندفنه معاك...بنقتله سويا متااعك...
..
جت بتتكلم ضربتها كف....
نيروز - اسس صوتك مانسمعاش... تي شوفي حالتك..اااع كيف قيس يتكلم معاك اعيي عليه و عليك زوز زبالة...والله لما نقتلك..
هي - تي سيبني يا مهبولة مني انتي اصلا ماهو اكيد كيفي جايبك هني ...
..
"" زادت عصبتني بي كلامها..... طبست عليها اكثر ...نشوف لعيونها ونضغط على سنوني ونتكلم.."
.
نيروز - اني مرته...انا حبيبته و كل شي في حياته ...وهو متاعي انا وبس....سمعتي ...
..
وطحت فيها ضرب وهيه تعيط شعرها ريشتهولها ..😈
رفعت راسي نشوف فيه واقف قدامي .. 😳
...
.
....نضت من فوقها...رميت المقص...نفضت يدي...
..
نيروز -اطلعي من هنيا...
..
وقفت قربتله جت بتتكلم...جبدتها من شعرها...
نيروز - شن قتلك اني اه يا قنينة تبي نديرلك خريطة في وجهك... بري اقلبي وجهك اطلعي ...
..
"" رفعت شنطتها و طلعت تجري...جيت بنخش للحمام... جبدني من يدي بالقوه لين...لصقت فيه...
قيس- شني الي درتيه هدا نيروز ؟؟...
نيروز - شن درت ... 😒
قيس- امالا بتقتليني و اني زبالة...
..
من غير مانشعر لفيت يدي ورا ظهره حضنته بكل قوتي...
نيروز - مه...قتلك...انت متاعي اني بس...
..
"" منعرفش كيف درت هكي .و علاش تصرفت هكي .. كاني عشقته بي رسمي...اااخ يا نيروز هالورطة... انتي تورطتي مع راجل...لا يرحم في اسلوب العشق... جبدت روحي شويه...قعد يشوفلي ويتبسم ... عوج فمه على جنب ..
قيس: اممم لدرجة هدي تغيري عليا ...تخوفي انتي يا بنت.
.
انا: اممم مدام اني ملك قيس اكيد بنكون نخوف...يسو اهو بنبه عليك الاشكال هادي تبعدها من  عليك فهمت... مش من مستواك اصلا... 😒
..
قيس: ياا قلب يسو ...تي راك فرختي راك بنيتي...نسمع كلامك اكيد...
نيروز - اني مش بنتك...😤 يسو قداش بينا فرق لعمر...
..
" رفع حواجبه بمعنى مستغرب...من سؤالي..."
قيس - امممم 18 سنة بضبط...
..
فوتت يدي على لحيته ....
نيروز - والله لو يبده 100 سنة بينه بتقعد حبيبي وليا غصب عن نااس كلها...
..
قيس - نيروز..شوفيلي في عيوني و جاوبيني...
.
" شفتله عيوني في عيونه "
قيس- .صغيرونتي قوليلي مش نادمة أنك معاي...
..
" رفعت يديه..حطيتهم على لحيته ... "
نيروز - لا مش نادمه لكن خايفة يا قيس..خايفة لو الدنيا تاخذك مني...خايفة لا فرحتي اتم ...خايفة لا تخ....
..
" قص عليا حط يده على فمي.."
قيس - اسسس ردي بالك تقوليها...ردي بلك تفكري فيها...عمري مانخليك ...مستحيل نيروز...انتي حيااتي انتي ربي بعتك ليا باش تعوضيني على كل شي...انتي تو نقطة قوتي و نقطة ضعفي الي مش لازم حد يعرفها و يستغلوني بيهاا... والكلام هدا اخر مره نقوله ..
نيروز - باه 🙈
قيس - هي ننزلو نطيبو حاجة مع بعض جعان عالاخير..
نيروز - باهي انزل انت نغير دبشي ونلحقك ..
.
تبسمتله ....طلع و سكر لباب...نضت فتحت دولاب...جبدت شورط وتشرت نص...لبستهم و لحقت عليه...
..
..
عند ليث ...
نسوق و فكري في حاجة بس...نقتله و نريح البشرية منه ...صوت تلفوني يرن...مانبي نرد على حد تو.... شديت فرينو قوي قدام الشركة.... رفعت الفرد ...
حطيته ورا ظهري و نزلت.... دخلت زي ثور الهايج الموظفين كلهم يشوفولي ...اصلا يعرفو ما نجي هني الا فيه مصيبة...
شركة هادي اصلا متاااعي اني و قيس لكن هو ال** غدرنا...
فتحت باب المكتب عليه بقوة.....و سكرته بقوة قريب تكسر... وقفت مقابله بضبط...عيوني تطاير شر.... يشوف فيا و يتبسم...
وقف و قرب عندي... جا بيسلم غدرته ببونية... ...يمسح في خشمه من دم...
..
ليث - غساااان شن نبهتك اني اه...مش قتلك قيس خط احمر... ماشي تقوله تعرف القااتل و ساكت سنين هادي كلها يا كلب.
""..قربت لعنده شديته من سوريته ...لصقته للحيط... حطيت مرفقي على رقبته..قريب نقطع عليه نفس""
...
ليث - طينتك شني انت...الي قتلوها تكون منك حتي انت ...كيف مش حاسس عليها كيف...كيف نسييت صغرنا...لكن انت اصلك واطي و كلب..ااه لا سامحني الكلب اوفى منك... افتح فمك تكلم منى القااتل ...
..
وجهه احمر لين عروقه بانت ...يطلع في الكلام بسيف...
غسان - كيف عرفت ان اني تكلمت مع قيس...
..
"" تبسمت على جنب...زدت نزلت عليه اكثر.. ""
ليث - رجالي في وسطكم ...قتلك الف مره مايخفى عليا شي...اني نعرفك تكدب و متعرفش القاتل...غساان هذا ثاني تنبيه ليك مافيش ثالث... قيس تبعد عليه وتبعد عليا اني..واضح...كان هدا نحسب ربي ماخلقك...
..
جبدت روحي منه ...يفوت في يده على رقبته ويرجع في نفس ...
غسان - تو لما تحب خوك لدرجة هدي خوك ليش زي ديوبة مع بعضكم...شنو جو لي ديرو فيه هدا...
..
رفعت صبعي نبه فيه...
ليث - حاجة ماتخصكش...و ننصحك تلفت ع جنابك ديما على خاطر بنكون زي خيالك...
..
طلعت من لمكتب ...خديت نفس نهدي في روحي...فوتت يدي على بطني...مكان الحرقة...كبست عليها...نحكي و نرص على سنوني ...
ليث -والله مانشوية و نحرقه .. بي نار الي حرقناا بيها..نوعدك مايطلع عليه نهار ..
.
.... اليوم معاش نبي شي يعكرلي جوي طلعت في سيارة ولعت ومشيت وبين عيوني هدف واحد تو ميساء مرتي وحب حياتي نبي الليلة نطلعها نعشيها في جو رومنسي نبيها ترتاح وتنسى خاصة بعد المرض والحادث نفسيتها تعبت حتى من لون وجها متغير وذابل..
. وردتي قاعدة تذبل قدامي يوم بعد يوم واني مدرت شي... 💔
يمكن اني سبب في تعبها كله مننساش الي درته فيها ولا نظرتها ليا لما تشوفني مع غيرها..
. كنت نعدب فيها لكن قلبي كان يتحرق بشوفتها هكي ...تو ليها اسبوع في سرير متحركتش واني مهتم بي ماكلتها وشربها وحتى دواها نشربهولها بسيف... ولما نطلع نوصي شغالة عليها وكل شويه نكلمها ونتأكد كان تسمع في لكلام ولا لا...
...تو حالتها احسن شويه قلت نطلعها تغير جو نعرفها تكره قعدة الحوش كلمت رجالي حجزولي ...واني فايت بي سيارة شفت قفطان سهرة ... يهبل تخيلته عليها لابسته نبي نشوفها لابسته نبي ليلة هدي نعيشها اميرة ونسيها في اي شي مر عليها ..
. مشيت شريته وراجع فرحان معاش نبي نبعد عليها ساد هكي... ..
..
..
عند ميساء ....
غفيت شويه ونسمع في صوت لباب فتحت نص عين نشوف في رجلين راجل... مشى في بالي ليث جي لكن دكرت هو يخدم ومش حيجي تو قالهالي صبح لما سألته... ...غمضت عيوني رجعت فتحتهم مش مصدقة نحك فيهم نحاول نتأكد الي نشوف فيه صح!! اي هو جاي عندي وبكل صحة وجه... شن يبي مني توا... قرب عندي وقعمز على حافة السرير جيت بنوض مخلانيش... حط يده على يدي... حاولت نبعدها زاد ضغط عليا لين وجعني مخلانيش نبعد عليه...نتكلم معاه بغل نبيه يفهم اني منحبااش نبيه يبعد عليا مانبيش نشوفه ومنبيش ليث يشوفه ويشك فيا.....
..
ميساء -شن تبي مني... علاش جاي
فهد - خيرك خايفه مني!!
ميساء -لا علاش بنخاف منك... اطلع برا تو يجي ..
فهد -اي اي فهمنا تو يجي ليث متاعك وخايفة يشوفني معاك... ماهو هدا لي نبيه اني نبيه يعرف ان اني نحبك
ميساء -لا اكيد هبلت مش بعقلك انت...
فهد -اي هبلت هبلت بيك ونحبك
ميساء -حط عقلك في راسك اني متجوزه تو وليث راجلي شن تخرف انت
فهد -هههه اي راجلك..راجلك الي كارهك وبعيد عليك... وانتي قاعدة ترمي في روحك عليه.. وتقولي عليه راجلي
.
"" كلامه وجعني.... صح الي يقول فيه لكن لما نسمعه من غيري نحس في روحي اعيي... قويت روحي وشفت فيه نظرة كلها حقد وغل ...""
.
ميساء - يكرهني يقتلني يدير فيا الي يبيه هو راجلي وبيقعد راجلي والانسان الي نحبه... وانت معندك ولا دخل .. وتو امشي على حالك وانساني... انساني وعيش حياتك افهم ان اني نحب ليث ..ليث وبس .. وعمري مانحب غيره افهم.....
.
""قرب عندي شدلي وجهي بين يديه جيت بندفه مقدرتش.. ""
فهد -اني حياتي نعيشها معاك انتي وبيجي يوم وتكوني معايا ونذكرك بكلامك ..
..
"" سيبني وناض طلع... اوووف مصدقت مشى وارتحت ندعي ميكونش ليث شافه ولا سمع الي هو كان عندي والله يدبحني ...
تيفوني يرن لي توا مزال مصدومة والخوف فيا مديت يدي ترجف نشوف منى... اي ذكرت صارلي مدة مامشيتش نعرف مقصره لكن الله غالب ليث مخلانيش نتحرك لكن لما نرتاح ونعوض الوقت لي ضيعته واني بعيدة...
رديت قاعدة نتكلم لين نشوف لباب تفتح بقوة من فجعتي وخوفي معرفتش كيف صكرت لخط وحطيت تيلفون جنبي نشوف فيه نار تطاير من عيونه....

..
..
#يتابع ..
#ميمي❤