ذئاب بشرية(منقولة_ليبية)

حلقة 32

رواية بعنوان ..
#ذئاب بشرية ...
..
كتابة #ميمي

حلقة ..{ 32 }

_____________________🚫✔
...
...
عند نيروز ..
( طلعنا من العاصمة بكل مكان جديدة محلاه كله عمارات...و تحتهم محلات واسواق ..ادم درس السيارة ...وشافلي ... )
ادم - هيا انزلي ...
( هزيتله براسي و نزلت ...نزل الشنطة وقف بجنبي شدني من يدي يمشي فيا معاه...ركبنا في الاسنسير...حسيت بي خاطري دار اتخنقت ماتحملتش ...
..طلعنا طول قدام الشقة ..جبد المفتاح فتح الباب...خشينا ...شقة حلوه و اثاثها ضخم هلبا وراقي ..رمى المفتاح على الطاولة ... )
...
ادم - بتقعدي هني و اكيد اني معاك و كل مانطلع نرفعك معايا يعني بتكوني زي خيالي...ومافي حد يعرف الشقة هادي كوني مطمنة ...المهم اهوني زوز غرف اختاري وحدة فيهم و تلقى مفتااح متاع كل غرفة في الباب...باش تكوني مرتاحة اكثر لما ترقدي سكري على روحك...نبيك تااخدي راحتك باهي بطبوبطه!
..
( قربت لعنده شديته من ايديه .. )
نيروز - من غير رسميات  اني عندي ثقة فيك ادم...بصراحه عندي طلب صغير..
( ضيق عيونه يستنى فيا نتكلم... )
نيروز - بصراحة نبي نمشي اندير ايكو نشوف البيبي لان ماحسيتش بي الاحساس هدا اعطوني تحاليل طول تقدر ترفعني ...
ادم - باهي لكن مش اليوم اكيد ابراهيم قالب عليك الدنيا هو والسيد راجلك...يا والله علقة ..كنا نعانو في رواد و قداش نصحتك تبعدي عليه و انتي شن درتي اه هربتي معاه وباعك بالرخيص ..و وليتي بيع و شري بين الاخوة ...خليني نقول ذيوبة... و انتي رميتي روحك باش تعرفي من بوك اي اهو عرفتي شن ربحتي بالله عليك ! شن ربحتي من العيلة هادي !! غير اللي في بطنك مسكين طاح في عيلةا يديهم امسخة بي دم ناس..
..
( جبدت روحي منه و قعدت عالكنبة نبكي على حظي المنحوس...قعد جنبي جبدني ليه حضنى...يمسحلي على شعري ... )
ادم - ماتبكيش نيروز مافي حد فيهم يستاهل...اني بنكون معاك ديما ..شويه وقت و كل شي ينكشف قدامك و انتي قرري ...
..
( رفعت راسي نشوفله نترجى فيه بعيوني يقول اللي مخبيه عليا.. مسحلي دموعي... )
...
ادم - قريب يتم كل شي وتعرفي
( زاد جبدني ليه اكثر...حاوطني بيديه قداش استاحشت حضنه لما كنت صغيرة ديما نلجأ لي حضنه ...وكنت حتي ناكل كفوف من عنده لما يعرف إني نقابل في رواد ...كان اكثر من اخ..كانو في منطقتنا يقولوله يا ادم راهي فرخة صغيرة شن جيبك ليها ...و طلعو هلبا كلام فينا و هو مااستسلمش ...حتى نتذكر خطيبته كانت تغير مني...بالرغم اني صغيرة مازال نقرا...في الاعدادي ..... قعد يمسحلي على شعري لين غفيت عنده و رقدت... )
....
__________________________🚫✔
. .....

عند آدم ..
نشوف فيها رقدت محلاها بطوبطي ..رفعتها و دخلتها للغرفة غطيتها ...
وقربت قعدت جنبها نشوف لي ملامح وجهه ..🌸
نركز فيها قداش استاحشتها .. 💔
ريحت شعرها خدرتني...غمضت عيوني نستحلى فيها...في لحظة جبدت روحي
...مانبيش نضعف...هي مازال على ذمة راجل لازم نحترم الشي هدا... وهي عشيرتي وصديقتي و ع اساس زي اختي . ههه ♥️ ..
مايجيش هكي عيب هي كبرت معاش صغيرة...كبرت ولت انثى كاملة..🚀 .و انا مهما يكون راجل و انحس ☠
...
...نضت من جنبها.. و سكرت الباب وطلعت..خشيت للدوش وقفت قدام المراية نحيت سورية متااعي...نشوف في الاتار في صدري...
تبسمت على جنب نتفكر يومها نبصر معاها لابس ماسك و هي خافت شلطتني بي الموس 🔪☹
..
.. تركزت على رخامة بيدي نشوف لي روحي
...اني ادم...
عمري 32 سنة ...☠
عشقت بنية صغيرونه في وقتها مانعرفش روحي حبيتها لانه كنت ديماا معاها يمكن كنت نغير مانعرفش بالرغم وقتها خاطب و نحب خطيبتي المهم الفتره هديكا شعوري متناقض وكيف نحب بنيه صغيييرة...
هكي كنت نفكر ولما كبرت شويه تعرفت على الواطى واحد في المنطقة .. لكن هي كانت معمية قطوسه مغمضة و غاطسه في حب المراهقة متاعها..لين رفعها للهاوية...🔥
.....
اني عميل في #الانتربول...كيف و امتي مانقدرش نقول تو...اكبر عصابه بين ليبيا...وتونس ..والجزائر ... و اللي يحرك في الخيوط كلهم هما عيلة بن****
ولاد بلادي ماقدرتش عليهم تحولو للانتربول مره وحده ... و كنت اني في المرصاد...و تلاقيت بي نيروز بعد عامين بالضبط من غيابي..
و من وقتها زدت كبشت اكثر في مهمتي و إنه نطلع نيروز منهم مهما كلفني الأمر...👌
...لكن لما شفت عشقها لقيس و شفت حبه ليها ماقدرتش ندير ولا خطوة لين تجي الفرصة المناسبه..✔
...اني مش نيتي نفرقهم..لا باللعكس و نعرف هو يحبها...🖤
لكن حبه بيتحول هوس و دمار يمحي نيروز بكل 🔥...
قيس مافي حد يعرفه قدي ... درسته مليح و درست ماضيه... هدا علاش نيروز لازم تبعد ...لازم يطلقها و نسفرها لبرا تعيش معاي ...
مايلزمهاش تكون معاه ولا هو يكون معاها ....سر قيس في يدي وب الدليل...لكن مش توا بنكشفه و مش اني اللي بنكشفه بنخليها هي تكتشف بروحها باش ماتقولش ادم كدب عليا...خديت نفس .
.........درت دوش سخون 🔥..دخلت للغرفة لبست شورط ترميت عالسرير رقدت نضت على عياطها ....تنطرت نجري خشيت لغرفتها...نلقاها فوق السرير مكمشة على روحها و "جوني" 🐶 الكلب متااعي جنبهاا يلعب معاها و هي خايفه ترعش تذكرت انه هيا تخاف منهم هلبااا...قربت لعندهاا رفعت #جوني عندي بسته و طلعته من الغرفة ... ورجعت قعدت جنبها ...
..
ادم - لي توا ماكبرتيش 😒 ماتخافيش مايديرلك شي واصلآ مش من الكلاب المتوحشين متاع شعبيتنا هههه تو تتعودي عليه ...
نيروز - لا نخااف منهم هلبا..😢
ادم - قتلك ماتخاافيش عاد هيا ارجعي ارقدي شويه ليلة كاملة مرقدناش راهو...
...
هزتلي براسها تبسمتلها و طلعت رجعت لغرفتي...
تمديت عالسرير ...دوب ماحطيت راسي عالمخدة بديت ننعس تعب رجع عليا...مانعرفش قداش فات وقت...
فتحت عيوني دخلت للحمام وطلعت البست تشرت متاعي ..... وطلعت خشيت للكوجينة نجهز في حاجة ناكلوها...شويه وحسيت بيها ورايا تلفتلها نتبسم...
..
ادم - صحة نوم بطوبطة...
( تحك في عيونها... )
نيروز - سلمك...شن اطيب..
ادم - اهو قصيت سلاطة و نشوي في سكالوب...
نيروز - الله الله ادم ايطيب ...
ادم - ههه هدا حال العازب لازم نتعلم انطيب بروحي...
نيروز - ادم...
ادم - ممم هاتي من الاخر النبرة هادي نعرفها راهو...
نيروز - نبي نتغدا حوت اني ..😍
..
( ضحكت عليها كيف تتكلم ... )
نيروز - هههه ادللي الاسواق اللي تحتنا عندهم كل شي......ننزل بسرعة نشري و نرجعلك قدامك سكالوب لا ينحرق ...
نيروز - نبي نخش ندير دوش اني و كمل انت كل شي انا ضيفتك راهو ... 🙄
ادم - هههه ماتتغيريش بكل☹ باهي بري الله غالب عليا ....💜
..
..
قرصتني من خدي وخشت للدوش ...كملت شويت سكالوب و نزلت نشرري....ودرت مكالمة ...ورجعت للشقة ....
..خشيت للكوجينة شويتلها الحوتات...نشوف فيها طلعت من الغرفة قربت قعدت...حطيتلها قدامها غطست تاكل ماشافتليش بكل😂 ...اني قعدت على الرخامة مركز معاها نسيت حتى روحي و نسيت إنه اني جيعان اصلا..❤
...
____________________________
#كتابة_ميمي🚫✔
.....
......