ذئاب بشرية(منقولة_ليبية)

حلقة 4

ا

رواية بعنوان
#ذئاب_بشرية
....

{ لحلقة 4 }

.
ليث - حاول هليومين ..
هو - باهي ... حقك غدوة يتصبلك في المصرف.. جوك باهي..
ليث - ههههه عللاخير جوي باهي... طير توا...
.
ليث قاعد فلجنينة وسارح... يتفكر قداش كان فرحان... الارض مش سايعاته في هداك .اليوم .. لكن في دقيقة كل شي تقلب... والفرحة ولت حزن.... اجمل يوم في حياته بدا ابشع يوم ... مايبيش يتفكره اصلآ
.
.يبي ينساه بكل... يبي يمحيه من حياته... علاش يا ميساء... علاش حرقتني.... هدا حق الحب لي حبيتك !! تي عشقتك مش حبيتك...لكن انتي شن درتي.. انتي دمرتيني وحرقتيلي قلبي.... تنهد من من قلبه... تلفت جيهت غرفته...
يشوف في نيروز  واقفة وسارحة... مزال لابسة التوته مع انه نبه عليها معاش تلبسها ... باين الحزن في عيونها... تشوف لي سماء...
. بنت ضعيفه  والدنيا لعبت بيها.... مشت ورا الحب... الحب لي لوحها وسط الوحوش...
.
نيروز شافت ليث يشوفلها... تلبكت وبعدت على روشن... قعدت فوق سرير تحاول ترد النفس.... تذكرت كلامه على توته... رجعت للروشن تشوفه ملقاتاش. اكيد يكون جاي تو... ناضت تجري دور على حاجه تلبسه... سمعت حركه ورا الباب...
لقت كاب معلق لبساته..
ليث فتح الباب وخش... يشوف فيها وشاد الضحكة... منظرها يضحك وهيه تحاول تغطي توته...
.
ليث - مش كانه جو نو ليوم !!
نيروز - ااه.. لا لا اني حاسة جو صقع ..
ليث - بلاك مريضة... نكلم دكتور .. !!
.
ليث قرب منها يلمس في راسها ..
ليث .- معندكش حراره... مش كأنه الكاب سخون عليك
نيروز -لا... لا
.
ليث مشي فتح دولب وطلع منها قطعة باش تلبسها... عيونها تفتحو مش مصدقة.... خيرا هادا!!
نيروز - هادا ليا اني .. !!
ليث -مالا ليا اني ؟؟
نيروز - لا مش قصدي... لكن اني نقدرش نلبسه ..
ليث -شفتيني نسأل فيك !! اني بنخش ندوش.. لما نطلع نلقاك لابستيه ...
ليث حطهولها في يدها ودخل يدوش....
نيروز شادته في يدها تقلب فيه... روب ساتان... شفافة من جيهت لبطن....
ماتبيش تلبسه بس خايفه منه .. هو مرته ومرحمهاش بيرحمها هي !! بعد دقايق تفكير بدلت ولبستها...
.
نيروز واقفة قدام لمراية تشوف في روحها...في شخص كان جت مرته ولا لبستهاله... كانت بتعيش أحلى ايامها...
نيروز - اااه يا رواد الحقير.. نحسايب روحي مرتك لقيت روحي نتباع ونتشرى...
. دمعة سخون نزلت من عيونها... 💔 سمعته بيطلع مشت تجري دخلت للسرير.... دارت جهة الروشن.. متحشمه علاخير... دورت راسها شافته جاي...
.
لابس شورط ومن لفوق عريان...صدره لعريض يجنن.... رجعت دورت راسها...
ليث مدير روحه ميندريش ... دخل للسرير يلقاها على الطرف سرير قريب طيح... دور يده عليها وجبدها عنده... صدره لاصق في ظهرها..
نيروز . قلبها بيطلع .... خايفة ... خايفة ... لكن في وسط خوفها مستحلية الاحساس هادا... مستحلية حضنه والحنان الي عنده...
ليث دخل راسه في رقبتها وباسها... نيروز جت بتتكلم سكتها
ليث - سسسس ارقدي خير ما ندير فيك حاجة 😒....
.
دخل يده تانية تحتها وضغط عليها.... يحس اعصابه هدت ومرتاح علاخير.... غمض عيونه ومغطس راسه في رقبتها... مايبيش يفكر... يبي يرقد ويرتاح...
...
نيروز تبي دور و تشوف وجهه... تبي ترجع تركز في ملامحه.... حاولت تتحرك...لكن قاعد ضاغط عليها.... نفس متاعه في رقبتها...غمضت عيونها .ومش عارف كيف خدها نوم... رقدو ومعاش حسو على شي.....
.
ليث فتح عيونه بالشويه... يتململ...شعرها كله على وجه ...يديها فوق بطنه... نفس متااعها هادي عللأخر...باينة مرتاحة... بعدلها شعرها .. يمسح بيده على خدها.. قرب خشمه لخشمها... شفايفه فوق شفايفها... جا بيطبع بوسة .....💋
نيروز تفتح عيونها على وسعهم...😳
ليث جبد روحه فيسع... 🙊
فوت يده على شعره...تكلم بصوت مبحوح بالنوم...
.
ليث - صباح الخير...
تهرب في عيونها منه... جاوبته بالسيف
نيروز - صباح نور...
ليث - نوضي بدلي ولحقي عليا باش نفطرو و نطلعو...
نيروز - علاش طالعين و وين ..
..
ليث عقد حواحبه ... نطر الملحفة و ناض...
ليث - ممنوع الاسئلة... تسمعي لكلام وبس أخر مرة نبه عليك .....
نيروز هزتله براسها... و ناضت دخلت للحمام...غسلت وجها ...تشوف في روحها في المراية ...
.
نيروز - مستبد ...متعجرف ...شن يحسايب روحه هاد...
دق عليها باب بالقويه...
ليث - شن تهدرزي بروحك هبلتي
تلبكت و سكرت لمياء...وفتحت لباب و طلعت...
نيروز - لا شي شي..
ليث -باهي البسي حاجة مستورة ولحقيني فيسع...
.
.نيروز واقفة قدام دولب تشوف ومحتارة... كل ماتبي تاخد لبسة تخاف ماتعجباش ...
ليث فتح الباب ودخل مشي جهتها...وصل بحداها نيروز وخرت شوي خايفة منه... جت بتتكلم اشرلها بايده اسكتي...
ليث قاعد يمشي في صبعه عالبسات وبعدها جبد وحدة... شافها من جهتين...و مدهالها ومشي وخلاها.....
.
نيروز شدتها تشوف فيها... تصرفاته غريبه مافي حد ميقدر يتوقعها....شدتها ومشت للحمام باش تبدل.... ماتعرفش يمكن يهد في اي لحظة عليها ...
.
ليث قاعد يستنى فيها... قعدت ميساء مقابلته.. مش معبرها بكل...
يهز في رجله ويشوف مرة فلساعة ومرة جيهة دروج...
للدرجة هادي مهتم بيها هي وانا معاش نهمه !! ..
.
.سمعو صوت طقطقت كندرة عاالية تلفتولها زوز يشوفو....
قفطان اسود مسنترة على جسمها ....
ليث يشوفها....حاير شن يدير معاها... الي تلبسه كله يطلع يهبل عليها.... عيونه مرشوقين فيها... يتبع فيها بالخطوة... جت بطيح في دروج ناض بسرعة بيمشيلها.... تنهد لما شافها شدت روحها.....
.
نيروز....وهيه نازله من دروج نشوف فيهم زوز بياكلوها بعيونهم.... ميساء عيونها تطاير شر مالغيرة... تشوف مرة فيها ومرة في ليث ... وليث حت هو عيونه بيكلوها ..
نيروز توترت حتى من لمشية .... كيف بنطيح شديت روحي في اخر لحظة.... ليث ناض مفجوع... وميساء نظرتها تقتل... باين من عيونها قداش تحبه... وقداش غايرة عليه.... ليث قدملي ومدلي يده باش ننزل.... حطيت يدي في يده وضغط عليا.... ماشي بيا جهة الطاولة... جيت بنقعد فلكرسي جبدني عنده... قعد وقعدني في حجره.... ناضت ميساء من مكانها ودموع في عيونها...
.
ميساء -شني المسخرة هادي مطولة !! وانتي يااا*** عالاقل احترمي الناس لي معاك.... اهوني الكرسي اقعدي فيه....
.
جيت بوض ليث.. ضرب يده على الطاولة بغل.... ويده تانية ضاغط بيها على جنبي لين وجعني....
.
ليث -نيروز مكانها هني.... لم نكون موجود بنقعدو هكي .. ولي معجباش يقدر يمشي...
..
قال الكلمتين هادم ودخل راسه لرقبتي باسني.... ميساء تعصبت ومش عاحبها لي صاير.... ضربت الطاولة ومشت.... جيت بنوض ليث حاوطني بيديه
ليث -اقعدي هني متتحركيش...
.
ليث بدا يفطر وانا مصدومه فيه وفي تصرفاته  ... برود عمري ما ريت زيه... شافلي وبعدها بدا ياكل ويوكل فيا معاه... نقدرش نرفض... كلمة لا معاه ماتمشيش ... ولي يقولها بيخلص حقها.... عاجبتني رجولته معاي.... الامان لي نحسه معاه... حضنه الدافي.... واهتمامه بيا.... الاهتمام لي تمنيت لو جيت مرته مش عشيقته .. لكن ماعندي حل غير ان نقبل وفمي مسكر.....كملنا فطرناا...وقفت .شدني من يدي و طلعنا في سياره...طريق كله ساكت..لين وصلنا لي لمحلات ... دخلنااا القسم الملابس.. اني قعدت نشوف مش فاهمه...
ليث - اختاري الي يناسبك..واحسنلك الضيق لا.. 😒
.
أني هزيتله براسي... و بديت ندور نختار جتني بنيه لي تخدم في لقسم لاملابس رفعتني.. لي وين يقيسو... قست الدبش كله...عجبوني هلبا حاجات ... خلص و طلعتنا...
قعدنا ندورو...لين حسيت رجليا وجعوني.... تركزت علي ليث ... شدني من يدي..
ليث - خيرك .. !
نيروز - شي غير رجليا وجعوني من لكندره..
ليث - باهي اقعدي ارتاحي شويه ..اصلآ بنشرو سبيدروات...
قعدت ع الكرسي نشوف فيه... محلاه و محلى ستيله و لبسته راقي و شيك.. لكن ديما عاقدها يالطيف... كل مرة بوجه....
احني هكي..و يجي واحد من اصحابه...يشوفلي و يتبسم...عض على شفته ويتكلم...
هو - اهلين ليث...اا شني بضاعة جديدة نار هدي يا صاحبي..
ليث عقد حواجبه حط يده على كتفه وضغط عليه...
ليث - خاطيتك هادي مش منهم ...برا على حالك تو نكلمك...خليني مليح معاك خير... 😐
.
صاحبه تبسم و مشى..ليث .تلفتلي ...رفع لكيسات بسرعة...
ليث - هيا نروحو ...ساد هكي..
هزيتله براسي و قعدت نتبع فيه...لين وصلنا للسيارة...ركبت ..
ليث - هالروج و المكياج معاش ديريه ... و شعرك ديماا لميه الفوق... 😠
.اني قعدا نشوفله و مستغربة خيرا هاد....مهبول باين عليه .. كل مرة يطلع بطلعة ومش عاحبه شي...
...
.ليث ولع سياره وطلعنا ..و كل شويه يشوف فيا... نظراته دخلوني بعضي.... بعد شوية شد فرينو بلقويه لين راسي ضرب لقدام.... ليث تلفت بسرعة يشوف فيا...
اني حطيت يدي على مكان الضربة نتوجع.... شفتله جيت بنتكلم ...
ليث قرب مني بسرعة ..اني. وخرت راسي شويه لتالي لكن هو شدهولي بيده بقوه وقرب مني.... حط فمه على فمي 🙊
..اني قعدت متجمده في مكاني بعد عليا شويه و..حط يده ع فمي ..ومسحلي روج بقوة ... .
وبعدها جبد روحه مني ... شافلي وتبسم ... ورجع لمكانه ولبسمة راحت ورجعت ملامحه المعتادة....
..
ليث -تعاودي تحطيه روج هدا .... ماتلومي غير روحك...اهو نبهت عليك وكلامي نقوله مرة وحدة.....😒
.
...وصلو للفيلا ...دخلو حطو لكيسات في لغرفة...وليث طلع و سكر الباب.. نيروز تاخد في نفس بالسيف... تفوت في صوابعها على شفايفها ...
رقدت عالسرير...تحس في روحها فااشلة.. تسمع في الباب يدق... كبست روحها و تكلمت...
نيروز - ادخل...
دخلت الخدمه .... مدام تفضلي الغدي جاهز..
.
نيروز هزتلها براسها... بدلت دبشها و نزلت... تلقا ميساء بس على طاولة ... طبست راسها و قعدت... بدت تااكل...و مش معبرتها بكل ..
ميساء حطت الطاسة بقوة ... تشوفلها بعيون كلها شر.. تركز مع شفاايفها..لانها شافت ليث جنب شفايفه شوي روج...
ميساء - قداكش واطية تعرفي !
نيروز شافتلها مستغربة...
ميساء - ماتتحشميش على روحك قاعدة مع راجل متجوز.. و زياده تتمعشفي معاه و تباتي معاه ...قداش مسخة... رخيصة.. بالله وين ..عايلتك وينهم ااا ولا بنت حرام ..
.
هني نيروز الناار ولعت فيها...نطرت لكاشيك و ناضت وقفت قدامها ...طبست عليهاا ...حطت يديها العكرسي ..
.
نيروز - الوسخ الي تحكي عليه ...انتي الي عايشة فيه و رخص انتي غارقة فيه... ليث معاش يبيك علاش مزلتي رامية روحك... كرامتك مسح بيها لارض قدامي... اني صح تو عشيقته اما على قريب بنولي مرته... انا مكانت عندي نية لهذا... لكن انتي توا جبرتني... تحملي لي بيصير قدام عيونك..و بالنسبة لي عيلتي.. اشرف منك... 😏
..
تبسمت على جنب و جبدت روحها..مسحت يدها بالمنديل و مشت .. مانعرفش كيف تصرفت هكي او منين جابت الجرأة هذي كلها... يمكن لان ميساء نزلت فيها هلبا و جعتها بي الكلام...
.
نيروز دخلت للغرفة وطربقت الباب ورايا... اعصابي تعبت وفديت علأخير.... خيرها هادي وبي اي حق تتكلم عليا وعلى اهلي اه...
نمشي وننفخ نحس في روحي بنطربق ....
.. دخلت لدوش عبيت البانيو ودخلت فيه..... نحاول نسترخي.... غمضت عيوني نحاول ننسى كلامها.... مش غير كلامها الي مضايقني.... وضعيي كله مش مريحني.... دخلت في طريق مش عارفة وين بيوصلني.... افكار ترفع وتحيب ...خداني النوم... غفيت من غير مانحس على روحي....
.
معاش فقت غير لما حسيت بي حد رفعني وطلعني من لبانيو.... فتحت عيوني بسرعة.... لكن متجي شي قدام الخلعة متاعه....
ليث مشى في باله مت ولا صارتلي حاجة.... حطني علأرض ويمسح على خدي...
ليث - صارلك شي!! كيف تحسي روحك تو !!
.
لهفته عليا وخوفو عمري ماشفتهم عند حد.... نحاول نستوعب الي صار... نجاوب وشفافي يرعشو.
نيروز .. -ااا... اي اكويسه....
.
ليث تنهد ومسح على وجهه... نحسه رتاح وخوفه راح.... رجع شاف في وجهي وبعدها نزل عيونه يشوفلي.... في لحظه هدي تذكرت ان اني مش لابسة شي ..فوقي منشفه صغيره فقط ..
ليث حط يده على شعري ..ونزلها علي خدي .ورقبتي وكتفي ...
شديتله يده .... رجع شاف فيا دموعي ينزلو وجهي احمر ...
ليث فاق بعدني من حضنه طول وجا بيطلع... عطاني بظهره وتكلم...
ليث -البسي الكاب ولحقي عليا نستنى فيك.....
.
ليث قعمز عسرير ويحاول بنسى المنظر الي شافه ..وهو فسط تفكير ..رفع راسه يشوف في نيروز جاية ترعش كلها... نيروز مشي في بالها مش ح تلقاه في الغرفة ... رجعت خطوة تالي...ليث ناض بسرعة قرب منها جبدها من يدها لسقها ليه ....
نيروز رفعت راسها تشوف لعيونه... حمر ..نيروز خافت ...جت بتتكلم... ليث غرق في شفاايفها
.. باسها 💋
🙊... لين حس نفس تقطع عليه جبد روحه شويه يرد في نفس شدها من وجها وبدا يتكلم...
.
ليث - هبلتني نيروز .... علاش تعدبي فيا هكي.. قولي منين طلعتلي... شن جابك لطريقي...
مخلاهاش تتكلم رفعها و حطها عالسرير ...
نيروز غمضت عيونها و سلمت امرها لي ربي معندها علاش بتقااوم ...
هي خاسرة من يوم الي تبااعت و نشرت...
دمعتهاا نزلت تحرق على خدها... ليث غاطس في شفيفها .. وكيف بينحيلها الكاب سمع شهقتها ...بعد يده وناض يشوف فيها...
نيروز حطت يدها على وجها تبكي...
ليث فوت يده على وجه بعصبية... في لحظة حس بندم... غريزته سيطرت عليه.... مقدرش يتحكم في روحه... طلع من الغرفة من غير ما يتكلم ...
.
نيروز جامدة في مكانها متحركتش....
.وهو طالع قابلته ميساء ...مشي وخلاها وقفاته بكلامها...
ميساء - خلاص شبعت !! شبعت روحك وماشي تو!! ولا تكلم و لا تسأل!!
ليث رجع شوية لي عندها.... قرب منها لين لصقها فلحيط ... عروق رقبته طالعين وزادت هي استفزاته بكلامها.... خلاته يحس روحو حيوان جاب بنت باش يغذي غريزته بس... شدها من شعرها وضغط عليها...
.....
ليث -لكلام هدا يعاود يطلع من فمك نكسرهولك.... بندير روحي مسمعت شي.... لكن المرة جاية تشوفي وجه تاني...
ميساء. توجعت وغمضت عيونها... جت بتبكي سيبها وكمل طريقه.... لازم يهدي روحه ويمشي بعيد على خاطر كان بيقعد في الحوش بيدير حاجه ...
.
نيروز قاعدة في مكانها كيف ما خلاها... صوت شهقتها ينسمع لي برا... مغطية وجها وتبكي.... دموع ... قهرة... حست روحها رخيصة.... **** جابها باش يدير معاها شن يبي وبعدها يلوحها...
و. الي حباته وباعها شن تستنا منه هو اه!! ....ناضت بشويه تحاول تهدي روحها.... مسلمة امرها علي خاطر معندها مدير ولا وين توصل.... تكتب عليها تتعذب لازم تصبر.... ناضت لبست ورجعت دخلت في سرير... تبي ترقد.... تبي تنسى الي صار... تبي تمحيه من ذاكرتها بكل... رجعو دموعها غلبوها... بكت لين تعبت ورقدت......
...
ليث رجع للفيلا يلقى الخدمه تلم في الطاولة...
ليث . - تعشو!!
الخدمه -اي مدام ميساء تعشت ..
ليث - ونيروز !!
الخدمة -لا سيد ليث مدام نيروز لا تغدت ولا تعشت
شافلها مستغرب .. -كيف متغدتش !!
.
الخدمة .. -هي... هي تعاركت مع مدام ميساء وطلعت من غير ما تاكل
ليث تنهد . ميساء مش حتخليها في حالها.... بتقعد وراها لين ديرلها شي....
ليث -باهي حضري سفرة وجيبهالي للغرفة ...
الخدامة - حاضر
ليث -والمرة جاية كان شفتيهم يتعاركو ومشت من غير ما تاكل ارفعيلها للغرفة تاكل... وكلامي منعاوداش
الخدامة - تمام .. حاضر
.....
ليث... ركب للغرفة فتح الباب وخش .. ضي طافي... فتح سهاره يشوف فيها مكمشة وراقدة..
.. ندم علي لي داره معاها... قرب منها قعمز بحداها.... فوت ايده على خدها مصقع.... المخدة كلها دموع...💔
. رجع مسح على شعرها.... قرب منها وطبع بوسة على خدها....
....
نيروز فتحت عيونها تشوف فيه قريب منها.... جت بتنوض شدها يتكلم معاها... دق الباب..
ليث -ادخل....
دخلت الخدمه حطت السفرة وطلعت.
ليث... رجع شافلها....
ليث - نوضي كولي
نيروز اشرتله براسها لا... ليث عطاها نظرة تخوف ...رفع سفره و حطها قدامها... وبدا يوكل فيهاا و هي تفتح في فهماا بالسيف... كمل وكلهاا..ورفع سفرة حطها على طاولة
.. يشوف فيها...عيونها حمر و منفوخين .وباين عليها متوترة ... وقف حول تجكا...و رجع تمد جنبها عالسرير جبدها عنده ويتكلم ...
ليث - سامحني..
.
نيروز قعدت تشوف فيه مستغربة ماتوقعتش منه يطلب منها السمااح ..ليث. خذا نفس و كمل يتكلم..
.
ليث -انتي مش فاهمة شي...و متعرفي شي... اني مش هكي بكل... لكن القدر حطك في طريقي... في ظروف صعبة..... نبيك تنسى الي صاار ليوم ...ارقدي توا وارتاحي و ماتفكري في شي باهي..
.
نيروز - كيف تبيني مانفكر في شي و اني مش عارفة اخرتها شني معااك... عندك علم اني متجوزه ! الي باعني ليك راجلي اني مزل على ذمة راجل و تو راقدة في حضنك... ؟؟
.
ليث جبد روحه شوية... وشافلها وقرن حواجبه .. وتكلم بعصبية ....
.
#يتابع 💔

#ميمي
.
رايكم
دعمكم ليا سر نجاحي 🌸