رواية بعنوان ..
#ذئاب بشرية ...
..
كتابة #ميمي
حلقة ..{ 31 }
.
________________________🚫✔
..
...
عند قيس.
اللي صار كله كنت متوقعه...لكن اكثر شي كنت خايف على نيروز لا يوصلولها...يبو الملفات ... ومافي حد تجرأ من رجاله ومد يده عليا...كان نموت اني من بيرجعهلهم الملفات...مش مصدق قاتل اختي الثاني قدامي و اني ماقدرتش نديرله شي...
بعد ساعات...هدو رجال علي المكان وفي ايديهم. سلاح
..
...استغربت...مانعرفهمش مش رجالي...واحد فيهم قرب لي عندي قطع الحبل اللي مكتفيني بيه.....
هو - مسيو قيس تقدر تروح ...
قيس - من بعتكم... ؟
هو - ماتسألنيش من فضلك هيا نوصلوك وين ماتبي...
قيس- نبي سيارة تو نروح بروحي...
هو - حاضر ...تفضل معايا...
...
قربت من جمال...شفت في عيونه ...
قيس- مستحيل نفوتهالك بالساهل ...ملتقاانا قريب...
..
تبسمتله و طلعت خديت من عندهم مفتاح السيارة طريق كله نفكر في نيروز زعما شن صار في غيابي...ضربت عالدومان مبعدها الفيلا ..
.قويت في السرعة...مانعرفش قداش فات وقت...وصلت درست السيارة..قابلني غسان من الباب وجهه مقلوب معاه الجماعة كلها...
غسان - وين كنت شن صار قلبنا عليك الدنيا...
قيس- تو نحكيلك وين نيروز ...
( نشوف فيهم كلهم شافو لبعضهم... )
قيس- وين مرتي...خيركم ساكتين...
آدم - مرتك معايا...
سمعت صوت من ورايا تلفتت مستغرب...نلقااها شادته من يده متركزه عليه وجهاا اصفر ...قربت لعندها جبدتها لي عندي حضنتها ..
قيس - نيروز خيرك شن صار وين كنتي..
نيروز - تعبت شويه قتله يرفعني لي اقرب مصحه و الحمدالله ماتخافش...انت وين كنت شن صاار ...خوفتني عليك..💔
قيس- خشي ارتاحي و تو نحكيلك...
( هزتلي براسها و خشت...قربت لعنده...حطيت يدي على كتفه.. )
قيس - شكرآ ادم لكن مفروض رفعت معاك رجال انضني ماكنتش تقدر تحمي مرتي بروحك...
( تبسم مش عارف كيف )
ادم - انضني مرتك روحتلك بخير سيد قيس.
...
( هزيتله براسي و خشيت...ادم شاب اكويس لكن مانعرفش علاش حسيت بحاجة غريبه لما شفتهم مع بعضهم...قعدت شويه مع الجمااعه ...
...و طلعت للغرفة لحقت عليها...نلقاها قاعدة على حافة السرير ...حاطة ايديها على بطنها ....قربت لعندها...تكيت ع السرير وحطيت راسي على حجرها حسيت بيدها تمسح على شعري...♥️ خديت نفس )
قيس - مانبيكش تبعدي عليا مهما يصير نوعدك كل شي بيتم ..و نعيشو مرتاحين...المهم ماتخلينيش كوني معايا...ماعندي حد غيرك ...اني نحبك هلبا ...
نيروز - قيس نبي نقولك حاجة .. ..
قيس - نعم ياروحي قولي ..
نيروز - اني ..
...
( سكتت لماا تلفونها رن..رفعت راسي شفتلها ...فكيت التلفون من يدها ...نشوف فيها وجهاا احمر علاخير...خديته من عندها..
....
مش مصدق اللي نشوف فيه...جمال مات .. جريمة بشعة زي اللي صارت لي راسيل بالضبط..رميت التلفون.. و طلعت طول من غير ولا كلمة...رجعت عشت نفس اليوم...نزلت دروج نجري...وقفني ليث عيونه مدمعين باين وصله نفس الفيديو...وغسان قاعد وحاط يده على راسه...طلعت للجنينة نشم في شوي هواء...رفعت راسي نشوف للسماء... )
..
قيس- مانعرفش من اللي دار هكي و علاش بعث الفيديو لينا كلنا...تمنيت لو اني خديتلك حقك بيدي سامحيني راسيل ماكنتش عند وعدي ...لكن في الاخير مات بنفس الطريقة...عمري ماننساك يا راسيل انتي ديما في قلبي توا نبيك ترقدي وانتي مرتااحة الله يرحمك ياا اختي... ياقلبي💔
..
( نزلت دمعة تحرق على خدي...من دمعة ولو دموع ماقدرتش نشد روحي.. بكيت دموع 8 سنين كاملين مابكيتهمش عييت و فشلت....قعدت عالارض...شديت راسي بيدي...يوجع فيا علاخير...حسيت بيد تحطت على كتفي...رفعت راسي نشوفلها..قعدت جنبي تتكلم... )
..
نيروز - قيس لازم نتكلمو...
قيس- تكلمي نسمع فيك صغيرونتي...
نيروز - نبي نطلق...
( اطربقت بالضحك شن هاليوم اللي فات عليا فوتت يدي على وجهي.. )
قيس- ياسر من التسهويك يا حبي مش وقته بكلل ..
( وقفت ..شافتلي مش عارف كيف... )
نيروز - مانبصرش قتلك نبي نطلق في اقرب وقت ...
( وقفت شديتها من اكتافها نخض فيها... )
قيس - شن تخرفي خيرك هبلتي شن صار...اللي فيا مكفيني اليوم ماتزيديش عليا انتي بتسهويكك نيروز سمعتي ...
...
( دفيتها وطلعت حسيت نفس تسكر عليا ... كيف تفكر هكي شن القصة اللي طلعت بيها في يوم زي هدا...مسهلها كلمة طلاق عندها..ماقدرتش نزيد نقعد اكثر ونسألها على السبب على خاطر مافيش ولا سبب بيقنعني...
ولعت السيارة نسوق ومش عارف روحي وين مااشي... 💔
...
___________________________🚫✔
..
عند نيروز ...
بعد ماشاف الفيديو وطلع اتصلت بي بابا ...
نيروز - مسرع مش قلت يومين...
ابراهيم - مستعجل نبي بنتي تقعد عندي ..
نيروز - شن يضمنلي لما نطلقو مايصرله شي و مايخشش للحبس... !!
ابراهيم - الملفات لما تلقيهم احرقيهم زي ما قلتي و هكي قيس ماعنده علاش يخش للحبس...واني مش حنخليه يضايقك ...و توا تلقى سيارة تستنى فيك خفي روحك..
نيروز - هيا اهو جاية ...
ابراهيم:. - مرحبتين بي بنتي..
( صكرت الخط و نزلت لعنده..حاولت نقوي روحي مانبينش ضعفي ماعنديش حل تاني غير نحميه بالطريقه هادي ... شفت الوجع في عيونه...حسيت برعشت يديه..حسيت بقهرة قلبه...💔
طلع و خلاني...طلعت طول لميت دبشي..استنيت لين الدور اللوطي يفضا...ونزلت طلعت من باب التلاني ...نلقاه متكي على شجرة ويدخن ...شافلي من فوق لي لوطا).
..
ادم - ناوية تمشي بروحك ...!!
نيروز - في سيارة تستنى فيا لبرا لازم نمشي...
..
( قرب لعندي رفع شنطة متااعي ..شدني من يدي.. )
ادم - انتي بتمشي معايا اني ....
نيروز - شنييي !!! شن تقول هبلت..
ادم - امم تقدري تقولي هكي ... ابراهيم بيستغلك اكثر و ردي بالك تصدقي انه هو بيساعد راجلك باالعكس بيغرقه اكثر ...ابراهيم عنده ملفات متاع تهريب سلاح و مخدرات تابع قيس و خوه...الملفات هادم بس يخلوه يفوت عمره كله في الحبس وهدا كله على خاطر الورث ....لان مايقدر يورث شي الا بموت راجلك و خوه .. و عادي حتي كان يقتل ولده على خاطر الفلوس... 😏
نيروز - ومنين تعرف انت هدا كله .... 😔
ادم - هيا معاي تو تعرفي و ماتخافيش انتي في حمايتي و راجلك اطمنى عليه نوعدك في اقرب وقت نرجعك ليه لكن بعد مايتم هدا كله...
..
( يكر فيا وراه ...طلعنا من باب التاني ...نشوف في سيارة طارقات متاعها مهناش وكلها كحلة .... )
نيروز - خيرها هكي السيارة ومن غير طارقات !
ادم - عادي هيا اركبي وياسر من الاسئلة...
( ركبت وهو ركب جنبي جبد التلفون...يتكلم بي الاجنبي مافهمت شي.. صكر الخط وشافلي يتبسم... )
ادم - ماعمري كنت نتوقع يبعتوني لمهمة و نلقاك انتي مصغرها الدنيا... 🖤
نيروز - مهمة !!!
( ولع السيارة وطلع ....يسوق ويتكلم معاي .. )
ادم - تعرفي قداش طيبه انتي ...اللي بيناتهم انتي ديوبه ...حتى راجلك...وراه هلباا قصص...تحبيه وله ؟
( هزيتله براسي...ضحك ... )
..
ادم - اي حتى هو يحبك...لكن بحبه ليك بيضرك اكثر لا اصلآ ضرك...نيروز الاخوة الزوز و بوك مش كيف ماتعرفيهم انتي ...انتي كنتي في فيلم يا نيروز تفرجتي و استمتعتي لكن خلاص تم تو جي الوقت باش تشوفي اللي صار ورا الكواليس..🚫
...
فوتت يدي على رقبتي نحاول ناخد نفس نهدي روحي حسيت من كلامه في هلبا حاجات بيوجعوني و يزيدو يكملو عليا ...حاسة انه كنت عايشة في كدبه...كدبه عشناها ناس كلنا من اول ما بدت قصتي ..💔
..
___________________________🚫✔
....
أنت تقرأ
ذئاب بشرية(منقولة_ليبية)
Acciónجيت.. بنطيروكم الي سااابع سماااء بتعيشو معاااي في اروع قصة #حب ❤ . رواية تشمل 🔞⚠️ مطااردة عداااوة مااافيا شرطة حزن عشق التمرد السلطة . #رواية بتعيشو معاااها لحظة بلحظة😉 . #ملاحضة .. ⚠️ الرواية .. لا تمثل بلدنا ..وليس له علاقة بي الواقع الي...
