رواية بعنوان #ذئاب_بشرية
كتابة ..#ميمي
الحلقة ..{ 41 }
...
في مفاجأة 😍👇 في حلقة اليوم🔥
......
عند نيروز ..
كملت دوش و طلعت نشوف فيه يتحرك في السرير ...قربت لعنده عاارق هلبا مش طبيعي و يتمتم بكلام مش مفهوم ...فوتت يدي على شعره انوض فيه...
..
تنطر من مكانه مخلوع و خلعني معاه....ياخد في نفس بالسيف...عطيته يشرب....شرب شويه شافلي مش عارف كيف جبدني من يدي حضني...مسحت على شعره من تاالي ...
...
نيروز - خيرك يسو شن في ...
قيس- كابوس مرعب تم خلاص ...
نيروز - كابوس شن احكيلي...
قيس - مانبيش نتكلم فيه...كابوس و مشى على حاله المفيد انتي معايا مانبيش نبعد عليك بكل...
( زاد ضغط عليا اكثر بسته من رقبته ...)
نيروز - باهي ياروحي نوض دير دوش تو ...و اني خليني نجهزلك الفطور..
( هزلي براسه لا....)
قيس - ندير دوش بسرعه و بنطلعو نفطرو لبرا ونفوتو اليوم كله برا ...
( صفقت بيدي ...)
نيروز - حي حقه يسو..باهي ترفعني لي مدينة الألعاب !! 😍
( ضحك بصوت عالي ....ووه على ضحكته اللي سحرتني من اول يوم...فوت يده على شعره...)
..قيس- ههههه اي نرفع بنتي للملاهي ليش لا هيا عندك ساعة جهزي روحك فيها نعرفك تقعدي سنة تمكيجي قدام المراية😂
(شفتله من فوق لي لوطا )
نيروز - صقع عليك جمالي مايستحقش مكياج...😏
..
تبسم ...و باسني من جبيني...و ناض خش للدوش... نضت جففت شعري...رفعته كله فوق ...لبست سبور ...وطاقيه وسبيدرو في الاصفر...💛
..ودرت روج خفيف ...رشتين برفاان ... 😌
..
طلع يسو لابس ومنضم اموره ... شافلي ...يتبسم
..
قيس- محلاك صغيرونتي...
نيروز -😍🙈
..
شد يدي وطلعنا ..اني ركبت في السيارة ..وهو جاته مكالمه...قعدت نستنى فيه...نشوف فيه يتكلم بي التلفون...وجهه مايتفسرش...طلع جنبي ولع السياره وطلعنا ...
...
وصلنا للقهوة ..
طلبت عصير فراوله 🍓طبيعي..
بس مانعرفش علاش ماخطريش في شي تو نبي فراوله 🍓 وبس
...كملت الطاسه الاولي و زدت الثاانية....و الثالثة...حط يده عالطاسه جبده لعنده ...
قيس -يا روحي خلاص مشاء الله خيرك مش باهيلك هلبا وانتي ماكليتي شي...
(خديت منه الطاسه وشربتها كلها 😂...)
نيروز - اممم يهبل مش عادي والله...😍
قيس - باهي صحة تو كولي حاجة ..
نيروز - يسو نبي ناكل حاجة حارة توا ...
قيس - ليك ايام مش طبيعيه بكل ....كل صبح حار..معدتك مشت خلاص ...تو حبي كولي حاجة حلوة وبعدين اصلآ بنمشو نتغدو وبعدها نمشو للملاهي ...
...
جيت بنجاوبه...نشوف في القرصون ...رافع طبق فيه طاسه كبييييره فراوله و بجنبها طاسه كيوي...عيوني ولو قلوب... 😍
نضت من غير مانشعر...قربت لعنده رفعت الطاسه...
..
هو - مدام هادم مش ليك ..!!
نيروز - نعرف برا جيبلهم واحد تاني ...
قيس- نيروز هبلتي...رجعي الطواسي ...😠
نيروز - مهأه نبي نشرب من هادم...و تو نخلصوهم يمشي يجيبلهم واحد تاني...
( يتكلم و يرص على سنونه...)
قيس - نيروز ياسر من لعب الصغار رجعي الطواسي 😡
نيروز - مهأه...😢
...
شربت طاسة الفراوله مره وحده .😍.وطاسة الكيوي شربت منها شويه و رجعتها ....
تلفتت نشوف في الناس كلهم مركزة معايا و احني واقفين في نص القهوة...قربت مني مراه كبيرة تتكلم بالامريكي مافهمت شي..تلفتت لعند قيس...
وجه احمر بيطربق...تبسم للمرا بالسيف ...تبسمتلي و مشت...😂
جبد فلوس خلص ..وشدني من ايدي وطلعنا ...ركبني في السياره ..ومتعصب عالاخير😬
..
و اني ولا كأني .....تكيت راسي على الروشن وقعدت سارحه مع الطريق لين وقف السياره ...شافلي ...
...
قيس - ماتتحركيش من هني باهي عندي صاحبي داخل نخش نشوفه بسرعه و نرجعلك...
( تلفتت نشوف للبناية عاالية.... رجعت نشوفله)
نيروز - باهي خليني نمشي معاك ..
قيس - نيروز مش معطل
..
هزيتله براسي ...باسني من خدي و نزل...رجعت الكرسي لتالي تكيت نفوت في يدي على بطني جعت علاخير...
تفكرت اللي صار ضحكت على روحي مش متعوده نتصرف هكي..حشمت راجلي ههه...لكن مش مني مانعرفش حسيته حلووو علاخير كان يجيبولي برميل فراوله الا مانشربه كله 😍🍓
...
حسيته عطل عليا...جبدت التلفون نتصل بيه مايردش...نفخت بعصبيه...جيت بننزل نلقاه مسكر عليا السياره...فوتت يدي على شعري بعصبيه...مافهمتش شن ايدير هدا كله مع صاحبه ولا مش عارف منهو..
...
_________________________✔
