ذئاب بشرية(منقولة_ليبية)

حلقة 18

رواية بعنوان ..
#ذئاب_بشرية...

.
الحلقة .. { 18 }
..
عند ليث
درسة السيارة قدام المبنا...المبنا هدا كان بالنسبة ليااا اني وقيس مشروع العمر مشروعنا بروحنا ...مش من فلوس بابا...8 سنين واقف المشروع و كل حد فينا شد طريق...
كل واحد اختار طريق غير طريقه ....
ماافيا..علاش ماافيا بالدات..
.علاش خشينا في الحرام بالرغم بابا كان طول عمره معيشناا بالحلال..
..لكن الي صار...قلب كل الموازين....حياتنا ولت جهنم.... احني خسرنا كل شي..💔
."ولعت دخان ...ونزلت من السيارة ...دخلت للبناية...ركبت من دروج...قعدت نركب لاخر دور....طفيت دخان ....غمضت عيوني ...خديت نفس ... رجعت بي ذكرتي ل8 سنين التاالي......
..
{ .. قاعد في لمكتب ...خش عليااا الضحكه مالية وجهه...ترمى عليا حضني..جبدت روحي شويه ...
ليث - شن في ضحكناا معاك مسيو قيس... 😉
قيس - خلاص وافقو بيعطونا الفلوس و نبدو في مشروعناا ... 😍
..
من الفرحة...ترميت عليه نبوس فيه...لين طحناا....قعدنا نضحكو و نتكلمو ...
ليث - هههه الحمدالله ...قداش ستنيت هاليوم قلت لي بابا... قيس- لا مزال...تي جيتك نجري حرقته الكياس...و زياده كلموني و اني في الاجتماع خليتهم و طلعت ههههه و هداكا عمي يغلي قريب يطربق... 😂
ليث - بالله عليك اخطاني منه وجه البومة...😒 هيا نوض نحتفلو... 😍
قيس - بترفع ميساء !
ليث - لا لا ليلة بروحنا و فراقها صبح... 😎....}

فتحت عيوني ....حسيت بيد فوق كتفي...جيت بنتلفت لكن عرفته هو من ريحة. البرفاان ...وقف بجنبي ...
..
قيس - 8 سنين تو ...المشروع هذا يشهد على حب الاخوة يشهد على حب ولاد بن**** شن جيبك هني ليث ؟؟ ...
.
"تلفتت لعنده...وقفت قدامه حطيت يدي في جيوبي "
ليث - جيبني ال جابك هني ...
..
" تبسم على جنب...زاد قربلي اكثر... "
قيس - نبي نكمل المشروع هدا..
ليث - و حتي اني ...لكن بعد مانلقى القاتل...تركيزي كله عليه تو...
قيس - المشروع هدا لما يكمل القاتل بيجي برجليه...
..
"" عقدت حواجبي مستغرب من كلامه ""
ليث - يعني ! شن تقصد...
قيس- خلينا نكملو المشروع و تو تعرف...لكن قبل كل شي... راهو مزال ماعطيتنيش حقي...
.
" فوتت يدي على لحيتي..."
.
ليث - تاخد علاش لا ههههههههه
ترميت عليه حضنته ❤ ..
ليث - شني عجبتك لقطه.. المافيوزي مات... 😉
.
" جبد روحه شوي هزلي براسه.."
قيس: خاصة رسالة " L G A"" ههههه
ليث - ههههه😂 ... لكن بصراحة ماعجبتنيش منك خطفت نيروز يا خوي .. وجعتني منك علاخير...
.
حط يده على كتفي..
قيس - ماتبداش عاد انت عمرك ماحبيتها... انت تعشق ميساء وبس...و نيروز كانت مجرد عقاب لي ميساء على لي دارته معاك... انت استغليتها البنت...
ليث - علاش مخليها لي توا عندك...
.
"تبسم و حط يده على قلبه "
قيس - اني عشقت يا ليث ...
ليث - يعني صراحة نيروز تخليك تعشقها بسيف عليك... 😂 ربي يهنيك خوي .. خلينا في المهم غسان الواطي...تعرف كان مبعتليش رسالة كنت ماشيله اصلآ ...
"" نشوف فيه جبد صورة صغيرة من جيبه...باسها ""..
قيس - استااحشتهاا هلبااا 💔..شوف ليث .. علاش حرمونا منها...
..
"" كبست على يدي..كل مانتذكر هديكا الليلة قلبي يبدا دم...خديت صورة من يده نشوف فيها ... ""
ليث - والله لما نقتله بيدي...نحرقه ونعدبه و قبل هدا كله نعدبه كيف ما عدبها...اغتصاب...
..
"" نشوف فيه كيف قربلي عاقد حواجبه عرفته استغرب من كلمه الي قلتها ...
قيس - شن تقول ...تقصد ....
ليث - اي اي نقصد و نزيد نقصد...لازم يحس بوجعها..... هو لازم يدوق بتفصيل الي دوقهولها..... مانيش ليث بن **** كان منخليشي يتمنى الموت قبل هدا كله و ميلقاشي....غير بإشارة مني...
..
""جا بيتكلم ..قص عليه صوت رنة تلفون ...جبد تلفون فتح الخط..وعيونه مانزلوش من علياا...حسيته مصدوم من لي قلته..فتح لخط يتكلم من غير مايشوف رقم... للحظات و وجهه بدا احمر و يتبسم ... ""
قيس - باهي اهو جاي تو نجيبلك كل شي...
.
"صكر لخط...حط يده على كتفي... "
قيس- كلمت المقاول باش يكمللنا البناية كيف ما حبيناها تكون...غدوة يبدا ..لكن تو هيا معاي للفيلا... و كلم سواق يجيب ميساء...
..
ليث - علاش شن في امي هدية اكويسه ...
قيس - امك هدية كان تعرف الي خططناله كله تو تقتلناا بعكازها...بصراحة ضربته تقتل هههه... 😂
ليث - يعني...مش لازم تعرف نقولولها تصالحنا و بس..قيس احني لازم نكملو الي بدينا مهما كاان و مهما صار..👌
.
" هزلي براسه و حضني... طلعنا من البناية... مشى بيطلع في سيارة ...وقفته ..."
ليث - شن رايك غدوة نمشو للمزرعة.. نرجعو اياماتنا...
"سكر باب سيارة و قرب عندي... "
قيس - باهي لكن على شرط نرفعو معانا البنات ...منقدرش نخلي نيروز وهدية بروحهم ...
ليث - اوك...مالا خليني نمشي تو نتقابلو غدوة من غير مانمشي معاك تو للفيلا..
قيس - باهي على راحتك... 😉
.
طلعنا في سيارة...وكل حد شد طريقه... تبسمت على جنب...تدكرت نيروز..طلع يعشقها مسيو قيس...قيس اللي عمره مااحب ولا عشق...جت هالفرخة هبلته هههه.... اصلا قيس يستااهل كل خير....هو دنيا كلها ...هو قوتي و سندي...و نقطة ضعفي زيادة ...مافي حد يقدر يضره في وجودي...بالرغم هو اكبر مني لكن مرات نحس روحي اني الاكبر... طبيعة قيس الطفولية لي توا فيه...لكن بعد الحادث تغير هلبااا...لكن نيروز تو بدت ترجع قيس الطفولي..
..
عند فهد ...
نفتح في عيوني بالسيف...شمس ساطعة فيا...مانعرفش قداش رقدت ..البارح شربت هلبا ....منعرفش شن صار بالضبط...
تلفتت على جنبي اليمين...نلقاها راقدة بجنبي......فتحت عيوني على وسعهمم....حطيت يدي على كتفها نفيق فيها ...فتحت عيونها تبسمتلي ...قربت عندي وحضنتني ... ..
نسرين - فهد صباح نور...
فهد - نسرين شن دير هني .. شن صار ...
.
""شافتلي مش عارف كيف ... حطت يديها على لحيتي ..""
نسرين - خيرك نسيت...انت البارح اعترفتلي بحبك ليا...و كانت احلى ليلة في حياتنا...
.
""نطرتلها يديها... جبدت روحي و نضت من السرير ..""
فهد - شن تخرفي انتي .. حب شني و ليلة شني... نسرين فكني من الهبال متاعك ...مجبتكش هني باش نحب فيك و تحبي فيا...انتي هني لمهمة كلفنا بيها الجنيرال...الحب اللي تتكلمي عليه لازمك تعطيه ليه هو... مش ليا اني ..
.
"" نشوف فيها...عيونها دمعو ..ناضت وقفت قدامي...وتتكلم بصوت يرعش غالبته البكية...سخفتني علاخير و تمنيت نحضنها...لكن في حاجة منعتني.... ""
.
نسرين - يعني الي صار البارح نعتبره ولا كان ولا صار...يعني انت كنت تتخايل فيا ميساء قدامك...و اني زي الحماره طاوعتك...تبني نحبه هو..انت و جنيرال تحكمتو حتى في قلبي... علاش فهد درت فيا هكي علاش ... تعرف حاجة قداش كرهتك...ومن اليوم بيناتنا خدمة لا اكثر...لكن الي صار بتخلصه ثاني و مثلث يا فهد..كان مجاش صبعي تحت ضرسة و جنيرال ومهددني ...راهو ماتتصورش شن درت فيك تو.
..
"" .تبسمت على جنب و مشت للحمام ...فوت يدي على شعري بغل...طلعت وقفت في البالكونه ناخد في نفس نهدي في روحي...اااه يا ميساء شن درتي فيا جرتك جرت هوسي بيك حطمت البنيه معندها ولا ذنب...
......تلفتت نشوف فيها بكاب...قربت عندي ... ""
نسرين - نكمل نلبس دبشي...و نلقاك جهزتلي معلومات عليه ...من غدوة نبدا خدمتي من غير مانضيع الوقت..
فهد - مش على كيفك...امتي يجينا تلفون وقته نبدو لخطوة الاولى...