ذئاب بشرية(منقولة_ليبية)

حلقة 5

رواية بعنوان 
#ذئاب_بشرية
.
{ الحلقة 5 }
.
.
ليث جبد روحه شوية... وشافلها وقرن حواجبه .. وتكلم بعصبية ....
ليث - تو هداكا تسمي فيه راجل ! ر** ....** .مزال حسابه معاي ..
نيروز نزلت دمعة تحرق على خدها... 💔
.
نيروز - نبي نطلق و نرجع لي أهلي ورسك ساعدني نطلق منه و خليني نروح من هني ...
.. ليث في لحظة حس روحو فشل... كل شي توقعه الا تمشي و تخليه..هو صح بيطلقها منه بأي طريقة ... لكن مش ح يخليها تبعد عليه من مستحيلات السبعة... 🔇
.
ليث خذا نفس يهدي في روحه... رجع جبدها ليه باسها من راسها ...
ليث - باهي ارقدي و ياسر من البكاء وتنقنيق غدوة نمشو للمحامي و نضمو الامور كلها وبعدها ماعليك فيه الواطي...
.
.
نيروز غمضت عيونها...حست بالامان في حضنه
.
ليث..ليله كاملة مرقدش قعد يشوف فيها ...و خاايف تبعد عليه... في يومين بس حس بي حاحة تربطه بيهاا...حسها قطعة منه ...و مستحيل يسلم فيها ...
.
ليث ناض من نوم....طول يتفقد فيها بجنبه .... الليلة لي فاتت كانت غير....نيروز دايرة عنده و مدخلة راسها في صدره ورقده.... تحسها بنوته صغيرة دور على حنان وحضن دافي...❤
.
ليث يحسها جزء منه... هو صح جابها باش تكون عشيقته و يقضي معاها وقت باش يحرق قلب مرته... لكن السحر انقلب على الساحر.... تو يحس قلبه نربط بيها... كلمة نمشي خلاته يتخيل حياته من غيرها... حس بفراغ كبير .... في يومين خلاته يتعلق بيها وقلبت موازين حياته ....
بعدلها شعرها من على وجها يتأمل فيها .. كل شي فيها يهبل اصلآ....
.
نيروز بدت تتململ بتفيق... فتحت عيونها تلقى روحها غاطسة في حضنه... تبسمت متعرفش علاش لكن شعور محلاه حست بيه.... طلعت راسها تلقاه نايض وقاعد يراقب فيها... تحشمت وجت بتنوض.... ليث جبدها عنده وحاوطها بيديه...
ليث -الناس تصبح قبل مش تهرب ...
تبسمت ... -صباح النور...
ليث -محلاها من فمك...
نيروز نزلت عيونها... تحشمت..
ليث .... حضنها وباسها من راسها... وبعد عليها ناض
.
ليث - جهزي روحك فيسع بنفطرو ونطلعو مع بعض ..
نيروز -وين بنمشوو ؟ ...
ليث - مش تبي تطلقي منه .. ال*** !!
نيروز -اي نبي.... قالتها بنبرة حزينة
ليث -مالا جهزي روحك اهو بنكلم المحامي يلحق علينا
.
ليث دخل للدوش... دوش عالخفيف وطلع .لقاها لبست فيسع .....شعرهاا لامته الفوق ... ولابسه سبور .. قعدت عالسرير لبست سبيدرو .. رفعت شنطه .وقفت تشوف فيه لاف منشفة على نصه.. تبسمتله
.
نيروز - صحة ...
فاتت من جنبه فتحت لباب وطلعت تستناه لوطه.. وصلت مالقت حد قعدت عالطاولة مبتش تاكل لين يجي....بعد شويه . تشوف فيه نازل ...
.
. ريحت البرفان متعه ضربتها من بعيد دوختها.... تشوف فيه وسارحة فيه .... كل شي فيه انيق وجداب... وحتى مشيته.... وقف مقابلها يدور على ميساء مهناش .... شاف لي الخدمه وسأل عليها وين....
.
الخدمه -مانعرفش وينها سيد ليث شفتها طلعت بسرعة قبل شوية.....
.
ليث قعد عالكرسي فطر وبعد شويه كملو وطلعو ركبو في سيارة .... ليوم بيحررها من ال*** رواد وتبدا ليه هو...
.
بعد شويه درس سيارة و دخلو للبار ..فاضي . فيه المحاامي يستنى فيهم بس... ليث قعمز و نيروز قعمزت جنبه و بدا يتكلم مع المحامي..
.
ليث - شن صار !! ..
المحامي - سيد ليث بصراحة ...
ليث - انطق شن فيه ..
المحامي - المدام مش متجوزه اصلا كل شي مزور .... السيد الي تتسمى تزوجت بيه هو مزور كل شي و شهود وكل شي... و هكي مافيش حالة طلاق...
.
ليث حس بي دنيا مش ساايعته ...طلعت مش متجوزه اصلا... .تلفت يشوفلها ... يلقااها تبكي ...دموعهااا لقو طريقهم على خدهاا... حط يده على كتفها..جي بيتكلم ...جبدت روحها و ناضت ... يشوف فيها مشت قعدت عالبياانو ...
.
نيروز غمضت عيونهااا شفاافيها يرعشو...
.
شن شاافت من حيااتها ...صغيرة و بين الوحوش طااحت ...عمرهاا 20 سنة و صااارلها هكي...شن مزال مخبيتلهاا دنيا اكثر... خدت نفس عمييق ..وبدت تعزف تحرك في صوابعها بي رقه... تغني بصوت ...قمة في جمال.. صوتها عكس ملامحهاا 
صوتها القوي الي زعزع المكاان الي خلى ليث يقشعر ...ينمل.... يرعش كله من صوتهااا ...
.
تغني و تبكي نفس الوقت..مكانش يعرف انها بالموهبة هادي... وين كانت مخبية طاقة هادي... قعد على حرف طاولة وقعد يشوف فيها عيونه مااتحركتش من عليهااا... غرق في عاالمها..عالمها ! بالنسبة ليهااا عالم مظلم مافيشي نور....
.
قاعد على الطاولة ويتأمل فيها.... سارح معاها ومع صوتها.... صوتها الي رفعه لعالم تاني.... عالمها هي وياه ومفي حد غيرهم.... حس حد قعد جنبه....
.
تلفت يلقاه هو {خو ليث } وفي لحظة ملامحه تغيرو ونظرته كلها شر وحقد....
.
ليث -شني هالمناسبة السعيدة يا.... خوي الغالي.... نورت
خوه - قريب صدقتك... ريفت عليك وجيت نشوفك هههه... 😏
ليث -امم اي صدقتك.... هات من الاخير....
خوه -نبيك تصلح الي صار وترجعلي حقي ولا...
ليث -ولا شني اه.... متعبتش !! ساد ريح روحك وخليني نرتاح من شكلك .....
.
نيروز علت شوية في صوتها... صوتها العذب الي يخليك تركز معاها بسيف عليك....خوه نسي شن كان بيقول وسرح معاها....
. ليث يشوف فيه ضيق عيونه...معجباش نظراته ليها... بنسبه ليه ممنوع .حد يشوفلها .. ليث.. شافله .... وقرن حواجبه وتكلم.
ليث .. -رد بلك تفكر ..حتى مجرد تفكير انك تجي جيهتها.. فهمت!! هدي تابعتني ولي يقرب جهتها نمحيه....
.
خوه -ههه خوفتني تعرف.... بنجيك من لاخير تو.... الي تابعتك عجبتني.... وريني شطارتك تو....
.
.عطاه غمزه ... ومشى وخلاه يغلي ....
ليث مشالها شدها من يدها بقوة خلعها... نوضها من ع البيانو وكركرها وراه للسيارة وطول للفيلا ....
....
...
. .. ..
في مكان تاني ..
دخل للمكتب ..متاعه ... حط سلاحه عالطولة ..قعمز عالكرسي... تكى راسه لتاالي..
{ قيس } ...هدا الرجل الاربعيني الي تدوب في عشقه انثى...كبيرة او صغيرة... رجولته طاغية بأتم معنى الكلمة... الرجل الاربعيني... المغرور و المتسلط ...قاعد قعدة الملوك... و هو فعلا ملك في العااالم متااعه... شد سلاح في يده يلعب بيه... عروق يده كلهم بارزين ...صوابع يده كلهم وشم ....لابس سورية لبطم متاعها مفتوحه ...صدره العريض ...عضلاته المفصلين.. يتفكر فيهاا ... عنده ضحكه تسحر ...تقتل .... لحيته المليااانة شيب ....عيونه صغااار و مجبودين شويه... شعره ناعم و فيه خصلات شيب .
..
..لكن طبعه .....طبعه صعب هلبا .... غاامض...والعشق بالنسبة ليه حاااجة تاافهة ... شي لي خلاه لي توا مش متجوز ...
......
.....
ليث وصل للفيلا نزل ودار فتحلها لباب وشدها من يدها..... يمشي وهي تجري وراه تحمد ربي جت لابسة سبيدرو كان هدا راهو رجلها تكسرت...
.
. قابلتهم ميساء شافت حالتهم فرحت.... اخيرا متعاركين وهو باين عليه متعصب اكيد ليوم يفركسها .. جت بتتكلم فاتها وكمل طريقه....
نيروز منظرها يضحك وهي تجري معاه.... دخل للغرفة رماها علسرير وصكر لباب بلقوة .. قرب جي فوقها حط يديه فوق السرير حصرها وسطهم.....
....
يشوفلها ونار تطلع من عيونه نظرته بس قريب قتلتها .... خايفة منه بتموت مش عارفة كيف تتصرف...
...
ليث . -اي شني ماشية لعرس انتي !!
نيروز فتحت عيونها على وسعهم تحاول تفهم .... اصلا مش فاهمة شي في لحظة كان فرحان ويضحك وتو متعصب ويعامل فيها هكي .. شاف فيها من فوق للوطة رجع ضيق عيونه
.
ليث -مش قلت الضيق لا!! ....تكلمي
نيروز -اااا..... اي
ليث -مالا علاش لابسه هكي اه!! ولا تبي تكسري كلمتي...
نيروز تهز في راسها ..... ليث غيرته والعصبية مسيطرين عليه..
ليث - مش قلتك متحطي شي في فمك!! حلي ر** فمك تكلمي
نيروز هزت راسها بي معنى اي .... ٠
ليث -مالا شنى لي لابستيه ومفصل على جسمك اه!!
..
نيروز الكلام هرب عليهاا و عيونها كلهم دموع.....
ليث فاق على روحه نحى يديه وناض من فوقها.... .... دموعها ذبحوه بعد عليها وتكلم
ليث - مازلتي تكسري كلامي شوفي شن يصرلك ...
.
ليث دخل للدوش ..... مش فاهم روحه علاش دار هكي وعلاش غار عليها.... تي عنده يومين كيف عرفها وغيرته عليها تحرق فيه ... افكاره ترفع وتجيب فيه ...
..
نيروز قاعدة كيف ماخلاها عيونها مفتوحين ولا حركة دموعها نازلين .... فرحتها تقلبت في لحظة بعد ماكانت فرحانة بتطلق تلقى روحها مش متزوجة اصلا وزيد الي داره ليث كمل على مابيها..
...ناضت بشوية بحركة تقيلة مش قادره تتحرك.... مشت للدولاب تشوف حاجة مستورة كيف ماقال هو... معاش تبي تتعرض لموقف زي هدا لقت قفطان باين مستور لبساته حست روحها مخنوقه وتبي تطلع تشم هوا....
..
طلعت من الغرفة وهيه نازلة قابلتها ميساء وضحكة الانتصار على فمها...نيروز كملت طريقها طلعت للجنينة قعدت على حافة البيسين وحطت رجليها في لميا .. تحس في روحها مكسورة وضعيفة ...
..
ليث طلع مدوش ملقاهاش ضرب يده عالحيط بقوة.... قرب للروشن يشوف فيها قاعدة عالبسين تأملها شوية وبعدها رجع لبس ..
وجهز روحه لازم يمشي يتمم عملية ليوم... نزل لجنينة ووقف بحدا راسها...
ليث - خودي الطقية ..حطيها تو ضرك الشمس.....
نيروز تخلعت شويه لا طاحت فلبيسين....
.
شافتله نظرا كلها لوم ورجعت نزلت راسها....
.حطلها طقية فوق راسها ..
ليث -ماتقعديش هلبا في شمس .. وتغدي ...
نكلم فيك راهو .... نوصل ونكلمك وجربي متسمعيش كلامي.... 😒
.
مشى وخلاها مصدومه فيه.... مرة رايق وحنين ومرة وحش وميرحم حد.....
ليث...قااعد على عصابه...الصفقة جاية 80% يمكن يخسرهاا و تكلفه غاالية هلبا...
دخلو 3 من اكبر رجاال الاعماال في البلاد و في الماافيا 🚫
... قعدو مقابلين بعضهم و كل حد يقول كلمه يعطي رايه ..
...
لكن فيه وحد يبي ليث يخسر بي أي طريقة حت لو يدخله للحبس عاادي...
.
ليث - تقدر عالميناء ..ع ما اعتقد صعبة عليك خليها للكبار اطلع منها...
قيس..ضرب طااولة بي عصبية ...وناض من الكرسي ... حط الورقة قدام رجل اعمال تاني...
قيس- اني وقعت .. وقع انت و نوعدك البضاعة كلها تطلع من البلاد غدوة و مافيش وحد يقدر قيس بن ****** اكيد تعرف سمعتي في سوق ...
...
قيس بتكلم ويشوف لي ليث خوه بنظرا ترعب ..اصلا ماايعتبراش خوه.
..اكبر عدو ليه هو...
ليث يكره كره العمى ...
كل حد فيهم يبي يدمر تاني بطريقته...
.
.
#يتابع ..
.
#ميمي ❤.