ذئاب بشرية(منقولة_ليبية)

حلقة 24

رواية بعنوان ..
#ذئاب_بشرية.
.. الحلقة هذه مشوقة ..😍☠
مع ميمي ماتقدرش تغمض عينيك 😂💪
..متابعة طيبه ..😉❤
..
الحلقة { 24 }
..

..
غسان - قيس ..
..
تلفت نشوف فيه جاي ...وراه رجالي يحاولو يطلعوه...رفعت يدي اشرتلهم باش يسيبوه و يطلعو...تبسمت على جنب قربت لعنده ..حطيت يدي على كتفه نتكلم..
...
قيس - ياأهلين اهو جيت لعزرائيل بروحك ... باش نقبضلك روحك اني ليوم ...
"شديته من رقبت السورية نكر فيه ورايا و امي هدية تنادي عليا...
هدية -قيس سلم ولدي برحمة الغاليه سيبه ...ماتوسخش يدك سلم وليدي...برحمة الغاليه...
...
كركرته ورايا للجنينة...مانبيش نيروز تفيق من عياطنا...ماصدقت رقدتها باش ترتااح ... و خاصة هي روحتلي بخير ....
..
دفيته عالارض...حطيت رجلي فوق صدره ""
.. قيس - شن ندير فيك اه يا ياواطي ر** تحط في يدك على مرتي .. مرتي يا غسان هدا  وين وصلت بيك... لا وتكون اختك زياده يا امسخ قولي شن ندير فيك اني تو اه ..
...
غسان - قيس اني جيت بنطلب سماح من نيروز و نمشي على حالي... معاش نجي جيهتكم .. المهم هي تسامحني
..
تبسمت على جتب ..نزلت عليه اكثر برجلي ...
قيس - ملا قتلي المهم هي تسامحك تبيها تسامحك !
..
"هزلي براسه "
قيي - باهي نخليها تسامحك بشرط.. الشركة الي خديتها والفيلا الهاي اللي ساكن فيها و سيارتي الي قيمتها 700 ألف الي خنبتها في موتت اختي ...كله ينقلب بي أسم نيروز مرتي كله ...👌
..
...
عند فهد ...
حاولت نرقد ماقدرتش ...بعد الي صار اليوم فيلم هندي شن هالعيلة ... جبدت التلفون نلقى رسالة من عنده ...نفخت بعصبيه و نضت لبست دبشي و طلعت...
..
.. ...تفكرت ميساء كيف حاضنه ليث ...للدرجة هدي تحبه ...اصلا كسرها غير هو...
اه .. قدش نعشقها و نتنفسها... لكن اني كنت نقدر نحرض نسرين تفرقهم هما و تجيبلي الملفات من عند ليث...لكن الراس الكبيرة قيس ...هو الي عنده المصايب كلها... لازم تكون معاه هو باش تقدر تاخدهم منه ..سامحيني نيروز ههه خدمة الله غالب...😈
..
وصلت قدام الفيلا ...جيت بنخش  للمكتب متاعه وقفني واحد من رجاله ...
هو - لحظة جنيرال يتكلم بي تلفون ..
قعدت واقف شويه وبعدها دخلت لعنده .المكتب مظلم...نستنى فيه يتكلم ... و ياليته ماتكلم طيحلي كل شي في الارض...
..
الجنيرال - فهد مهمتك تمت معاش حاجتنا بي عيلة قيس...
فهد - .. نقدر نعرف علاش.. !!
جنيرال - لا و هادي اوامر جتني من الفوق لازم توقف كل شي و طلع نسرين من ييناتهم...
فهد - نسرين لا خليها عن طريقها نوصلو لي هلبا حاجات...
جنيرال - باهي خليها تموت على يد قيس...
فهد - مستحيل اصلآ من نوعيته المفضلة ... سيدي نستأذن منك تو لان المهمة بنكملها في السر ... اني تهمني ...
..
طلعت من غير ماستنيته يتكلم نعرف كان حد يطيح كلمته يطيره ...لكن أني مش ح يديرها معاي علي خاطر يعرف و متأكد اني شني لان عرفته مني اني... هو توا خاف على روحه مني😏
....
....
....عند نيروز ...
فتحت عيوني راسي رزين علاخير ...شفت للوقت قريب 2 نص ليل ..تركزت على يدي..تقعدت شويه.....حسيت الباب تفتح بشويه فتحت عيوني نشوف فيه خاش لعندي...قرب عندي قعد مقابلني جبد سلسلة من جيبه ...مرصعة بي لألماس ..💎
قربلي اكثر لبسهالي ...باسني من جبيني ...😍
قيس - حبيت نلبسهالك تو ... سلسلة هادي غالية عليا هلبااا...شريتها لاختي قبل ماتتخطف بيوم ..كنت بنلبسهالها في عيد ميلادها..ردي بالك تنحيها من رقبتك مهماا صاار ردي بالك.
.هزيتله براسي...دموعي نزلو طول ...حضنته نبوس فيه من كتفه "
قيس- شني ديما تبكي انتي يا صغرونتي
نيروز - مم دموع الفرحة.. 💛
قيس -لا نبي نشوف ضحكتك بس اني ..
" زدت حضنته اكثر...بسته من خده جبدت روحي شويه "
..
نيروز - يسو جعت اني ..
"قرصني من خدي ...شدني من يدي"
قيس - بنيتي جيعانة هي هيا نوضي ننزلو كولي حاجه..
..
نزلنا وكلهم في سبات عميق ...دخلنا للكوجينه رفعني حطني فوق الرخامة🙈 ...بدا يطيب و اني مركزة مع كل تفاصيله اني عشقته اني وليت مهووسة بيه الرجل هدا الي يشوفنا يقول بنته .. لكن هو راجلي و حبيبي و بادن الله بيكون بو صغاري عندي احساس بنجيب ولد يشبهله 😍...