ذئاب بشرية(منقولة_ليبية)

حلقة 35

.رواية بعنوان
#ذئاب_بشرية..
كتابة ..
#ميمي
الحلقة ..{ 35 } ..

.
نيروز - مبروك عليك الشريكة الجديدة..اللي هي اني مسيو قيس...
....
( يشوفلي من فوق لي لوطا ...جي بيتكلم قص عليه ليث صاافحني )...
ليث - مبروك نيروز واهلين بيك...
...
( تبسمتله ورجعت نشوف لي قيس....وجهه احمر بيطربق..حسيته متلخبط وركز بيده على الطاولة...شافلي مش عارف كيف اول مرة نظرته مافهمتهاش...... )
قيس - نيروز غدوا ورقة طلاقك توصلك...
...
(حسيت بنخصه في قلبي...مابينتش وجعي و الاحساس اللي حسيته...تبسمت على جنب...قربت منه خطوة ...مانعرفش كيف طلعت مني الكلمة...)
نيروز - فرحتني اصلا مانبيش نقعد على ذمة قاتل ولدي و مريض زيك ...
( عيونه حمر علأخير...رفع يده بيضرب...شده ليث )...
ليث - قيس هيا نمشوو...
قيس - ومن قال ولدي اه ! اكيد ولد حرام زيك من عشيقك...نفس اللي دارته امك درتيه انتي... تعرفي نيروز...الا مندفعك ثمن غالي على كل شي....واهو طلعتي على حقيقتك...بعد اللي صار تو..بنتعبك حطيها في راسك...
...
كمل كلامه و طلع...لحقو عليه...تركزت بيدي عالكرسي...نرد في النفس ....كلامه خلاني ننقم اكثر...و اندير اللي ماكنتش بنديره...و اليوم قبل غدوا...خديت نفس و طلعت...خديت تااكسي......تكيت راسي عالروشن...قعدت سارحة مع النااس...عمري ماكنت نتخيل نوصل اني وقيس لي هني...كره حقد و تهديد...لكن هو غصبني...هو خلاني نكون هكي بعد اللي شفته في الفيديو...اسخفت عليه و نقمت عليه في نفس الوقت...لكن كلامه ..زاد شجعني نحطمه و نقتله عرق بي عرق...وصلت..خلصت التاكسي ونزلت...قعدت نشوف في البناية...خديت نفس وخشيت....ركبت طول لي مكتب رئيس التحرير...دقيت الباب وخشيت...وقف يتبسم مدلي يده ...
...
سامي - مدام نيروز اهلين بيك..
نيروز - شكرآ سيد سامي...سامحني جيتك من غير موعد...لكن اللي تكلمنا فيه بي التلفون الغيه بكل...المرة هادي جبتلك خبر بيقلب البلاد..و بيدمر قيس بن***
..
سامي - مدام نيروز اني بصراحة .....
...
( قصيت علي كلامه عرفته شن بيقول...جبدت شيك من الشنطه...)
نيروز - تفضل الشيك هدا اكتب المبلغ اللي تبيه...الخبر هدا نبيه ينزل في القنوات كلها و الجرائد و التواصل الاجتمااعي...نبي العشية نفتح التلفزيون نتفرج عليه ...و ماتخاافش على روحك...اني نضمن مايصيرلك شي على خاطر نعرف الخبر هدا حساس هلبا و يمكن تولي قضية رأي عام...
....
( هزلي براسه...تبسمت على جنب....اني اللي بنقضي على الشيطان...)
....
__________________________✔
....
عند قيس ...
وصلت للفيلا ركبت لي غرفتي شربت الدواء...مانعرفش علاش شربته اصلا تو...يمكن باش مانزيدش نغلط و نضرها اكثر...مانعرفش علاش تكلمت معاها هكي...لكن هي استفزتني بكلامهاا وافعالها الزفتة...الفرخة تغيرت كأني مانعرفهاش... واللبسة اللي لبستها ..كل شي على الشارع... البنت هبلت خشت في حيط .. نموت و نعرف علاش دارت هكي ..علاش شن صاار عقلي بيطربق ....اني قتلت ولدي بيدي...اني قتلته..
..
ضربت اللي قدامي كله ....فرغت اعصابي كلها في تكسير...حسيت روحي بديت نفشل...جسمي ترخف...عرفت الدواء بيرقدني...ترميت عالسرير...غطست في النوم....مانعرفش قداش فات وقت...فتحت عيوني على صوت التلفون... .نلقى هلبا اتصالات ..ورسايل ..تركزت على يدي و نضت نشوف شن في ..فتحت الرسايل نقرا مصدوم...خش عليا ليث...وجهه مقلوب واصفر
....
ليث - استريحت تو استريحت اه....فضحتناا...في جرتك بنخسرو كل شي حتى اللي عااقدين معااهم صفقاات بيجبدو رواحهم....قيس والله كان يصير شي من هدا كله نقتلك فهمت...سر سنين كله امكشف...جاي دور عليك بعد اللي درته ....
...
ضرب الباب برجله و طلع...فوتت يدي على وجهي بعصبيه...نضت غسلت وجهي...لبست الي جي قدامي و طلعت...نزلت نلقى امي هدية و ميساء يشوفو في الخبر...في التلفزيون ...تلفتتلي ميساء تشوفلي من فوق لي لوطا ...
...
ميساء - تعرف قيس كنت نحترمك هلبا و نقدرك و نقول انت ارزن من ليث و بعقلك و مش زيه....لكن طلعت غالطة...انت طلعت واطي اوطى منك مافيش اني فرحانة هلبا ان نيروز ارتااحت منك و من همك مسكينة كان قعدت معاك شن يصير فيها اا ولا صار و تم يامريض ....
....
كملت كلامها و ركبت و اني نسمع و نبلع .... مافي حد سئلني و قاال علاش...تلفتت لامي هدية ...
....
( هدية...تبكي...وتتكلم ..)
هدية - انسى ان عندك ام اسمها هدية ...
...
تركزت على عكازها و ناضت...نسمع في صوت سيارات الشرطة تبسمت على جنب...قربت فتحت الباب...نشوف فيهم نزلو من سيارتهم...قربلي واحد منهم...
....
هو - قيس و اخيرا بتشرفنا...
قيس - شفت و اخيرا..
هو - لكن المرة هادي بطول القعدة عاد...
قيس- اي خليني نغير جو ...حتى اني فديت من نفس الروتين...
هو - شني مش خايف...
قيس - علاش بنخاف من اشاعة طلعت و انتم جيتو تتجاارو ...تعبكم قيس عاد...
هو - قلت اشاعة ! تو نشوفو اشااعة والا لا...
....
قربت للسيارة ركبت و مخليتلاش فرصه يلبسني الكلبشات...هدا اللي ناقص...صحاافة قدام باب الفيلا قالبين الدنيا...عارف روحي بنمشي و نروح بسرعة...مش خايف غير على عيلتي...
و اقرب ناس ليااا مفهموش و مسألوش اصلا صح و الا غلط الخبر...لكن عادي كل شي تو ينكشف وفي الوقت اللي نقرر اني ...اللي يهمني تو نعرف من اللي عرف هالسر وبيدمرني بالطريقة هادي...غير نلقااه و نوريه التدمير على صح...
.....
__________________________✔
....
عند ادم ...
سكرت التلفزيون...نتصل بيها ماتردش متعصب عالأخير ...نمشي و نجي في الحوش...سمعت صوت الباب...نلقااها خشت قربت لعندها بسرعة...كنت ناوي نعااركها على اللي دراته من غير ماتعلمني لكن لما شفت حالتهاا سكتت ... عيونهاا منفوخين و وجهاا اصفر شااحب...جبدتها عندي...حضنتها ...
...
ادم - نيروز علاش درتي هكي شن صاار...علاش حالتك هكي...
نيروز - بالله عليك مانبيش نتكلم تو ...
ادم - باهي امشي ارقدي ارتاحي و نتكلمو بعدين ..
....
هزتلي براسها... و خشت للغرفة سكرت على روحها... فوتت يدي على وجهي نهدي في روحي...ترميت عالكنبه...رفعت التلفون ...متردد نكلمه والا لا...لكن كأنه حس بيا...تلفوني رن في يدي...فتحت الخط ..
....
ادم - سيدي...
الجنيرال - ادم بعد اللي صار اني بعتت الملفات كله و اكيد قيس بيتعاقب بالاعدام ... وماتنساش رجال قيس البرا و نيروز في خطر...تصرف كيف ادير معاها و لازم ترجع امريكا جمعة هادي عندك مهمة جديدة...
...
ادم - سيدي مانقدرش نخليها بروحها وقضية العيلة هادي مزال ماتمتش انت تعرف يقدر يطلع منها زي الشعرة من العجين...
الجنيرال - ادم اللي عندي قلته...
....
صكر الخط ...تكيت راسي لتالي كل شي زاد خش بعضه من اللي دارته ....لكن مستحيل نخليها بروحها مهماا يصير....لازم نلقى حل و متأكد قيس مايفوتش يومين و يطلع...خديت نفس و خشيت للكوجينة نجهز حاجة ناكلوهاا...نسمع في صوت التلفون ...رفعت الخط نسمع فيه يتكلم..
.صكرت الخط طول ....خشيت لغرفتي بسرعة رفعت الفرد...دقيت عليها الباب فتحتلي دايخه بالنوم...
...
ادم - البسي دبشك بسرعة لازم نمشو من هني.....
نيروز - شن في شن صار...
ادم - قتلك البسي بسررعة..
....
هزتلي براسها طلعت نستنى فيها في صالة...دوب ماطلعت شديتها من يدها و طلعنا نجرو ركبنا في السيارة...نشوف في سيارة تلاحق فيناا عرفته هو....زدت في السرعة اكثر...نزقزق باش منخليهمش يحاصروني...
..
نيروز - شن في ادم تكلم بالله عليك ..
ادم - اسكتي تو ....نزلي راسك لوطا...
...
صوت الرصاص يخبط....معاش حسيت بي السيارة تقلبت....و عيوني بدو يتسكرو....
....
مانعرفش قداش فات وقت نفتح في عيوني بالسيف راسي رزين علأخير...مانعرفش كيف صار هكي تقلبت السيارة.. بنوض نتقعد شويه ماقدرتش...نشوف فيه كيف خش عيوني وسااعو...شن يدير هني و وين اني اصلا.... نطلع في الكلام بالسيف مش قادر حتى نتكلم...
....
ادم - سيدي..
الجنيرال - ارتاح حضرة العميل ادم..
ادم - وين اني نيروز وين شن صار...
الجنيرال - نيروز بخير تفطر لوطا...
(عقدت حواجبي مستغرب )
ادم - تفطر !!!
( هزلي براسه ... )
الجنيرال - تو فات اسبوع عالحادث...
ادم - شنيييي !!!! ماتقولش احني في امريكا تو!!
( هزلي براسه و قرب لعندي )
الجنيرال - تعرف مايصعب عليناا شي طلعناكم بطيارة خاصة ... انت تو لازم ترتاح اكويسس باش تكمل مهمتك من هني قيس طلع و قالب الدنيا على مرته...و اكيد بيعرف انه هيا هني
ادم - مستحيل يعرف..
الجنيرال - بيعرف...لازم يجي لحد هني برجليه
..
( ..تقعدت شويه ...مانعرفش علاش حسيت ان الجنيرال شاد فيه علأخير مش من عوايده اكيد في سر ورا هدا كله... )
..
ادم - لكن حتى كان جي مانقدروش نحبسوه هني...لازم في ليبيا...
(تبسم مش عارف كيف... )
الجنيرال - خليه يجي هنى و مايهمكش في الباقي...
....
هزيتله براسي...غير نرتاح شويه و لازم نعرف شن مخبي عليا ....تكيت راسي لتالي...شميت ريحتها الحلوه ...تبسمت نشوف فيهاا قربت لعندي...وجها مخبش شويه و رقبتها...و ايديها...حطت يدها على يدي ..
.....
نيروز - الحمد الله على سلامتك...خفت لا تخليني حتي انت ماقعدليش غيرك...
ادم - ماتخاافيش...مانخليكش مهما يصير...بطبوبطتي ..
نيروز - انا خايفة الجو هني مش مريحني...
(خديت نفس .. )
ادم - غير فتره صغيرة و كل شي ينتهى نضن كملتي انتقاامك وله شوية وقت و تبدي حياة جديدة...
..
نيروز - صح انتقمت وبسرعة ماطولتش لكن اهو طلع منها زي الشعرة من العجين...
ادم - حاجة طبيعية قيس راهو... نيروز اسمعيني مليح...
( شافتلي مش عارف كيف ... )
ادم - انسي الانتقام وانسي ليبيا و انسى كل حااجة تربطك بيها ... وحياتك الجديدة بتبدا من هني ...الحاجة الوحيدة اللي شديتها على قيس انتي طلعتيها وخلاص معاش عندك شي تحاربيه... انتي تسرعتي هلبا نيروز ..مانعرفش شن صار بينكم هداك اليوم لكن تسرعتي و مش بعيد يكون هو ورا الحادث...
...
( هزتلي براسها لا... )
نيروز - لا مش قيس ابراهيم كان يبي يقتلني باش مانكشفش سره...لكن تأخر شويه ...اني البارح نزلت كل شي عالانترنت و البلاد مقلوبة ...
..
ادم - شنى !!!
( هزتلي براسها اي و تبسمت على جنب... )
نيروز - طلبي الوحيد منك تجيبلي غسان و شهد عندي طلعهم من غادي اني نبي نبدا حياتي الجديدة معاهم... بالله عليك ادم جيبهم عندي..
..
ادم - نيروز راك مازال على ذمته مش بيسلم فيك بكل سهولة...و اكيد عرف انتي السبب ورا الفضيحة هادي...
نيروز - معاش يهمني تصرف و جيبهم لعندي...
ادم- و امك !
نيروز - امي ! ماعنديش ام و انت تعرف علاش...
...
(هزيتلها براسي...باين عليهت خدت قرارها...تبسمتلي .. و جت طالعه رجعت تلفتت لعندي ... )
...
نيروز - حضرة العميل ارتاح بسرعة لازم نطلعو نغيرو جو ...
ادم -تتدللي...
...
تبسمتلي و طلعت...معاش عارف صح من الغلط...كل شي خش بعضه و تعقد اكثر من قبل كان صار و قيس جي لهني بتصير مجزرة... نحس في روحي فاشل...عيوني بدو يتسكرو بروحهم غفيت ماحسيت على شي.....
.....
تو فاتو يومين بديت احسن ...قاعدين نفطرو...جتني رسالة...تبسمت على جنب ...حطيت التلفون شربت ميه ونضت ..
..
ادم - نيروز نمشي المشوار و نرجعلك نطلعو باهي !
نيروز - باهي ماتعطلش...
..
هزيتلها براسي لبست الجاكيت و طلعت...وصلت لعنده...خشيت للقهوة نشوف فيه قاعد على الطاولة ...شاورلي بيده قربت لعنده وقعدت مقابله ..
.....
ادم - مرسي دجو
دجو - صاحبي راك...هيا شد هادي صورة بنته توفت ليها عامين
ادم - كيف !
دجو - لقوها مشنوقة في غرفه وجسمها كله مشوه بالضرب...و في الحيط مكتوب "شيطان" ..☠
....
ادم - ايواه هدا علاش هو شاد فيه ...يبي ياخد بي ثار بنته...
دجو - بالضبط
ادم - لكن غريبة شن مجيبه لبنات امريكا مكفااشي بنات تونس و ملقى غير بنت الجنيرال..
دجو - مااعتقدش كان يعرفها بنته على خاطر بنته تسهر هلبا ... يمكن عرفها في بار...
ادم - اي لكن علاش قتلهاا علاش يقتل بنفس الطريقة ...
دجو - سر هدا ما يعرفه الا هو...
ادم - شكرآ دجو نخليك تو كان في حاجة جديده كلمني.. وما تنساش هداكا الموضوع نتمنى غدوا يكونو عندي...
دجو - اطمن تكلمت معاه و كلمت المدير غاادي و نضمت كل شي غدوا ضيوفك يكونو عندك
ادم - منوره معاك هيا انستو ..
...
هزلي براسه تبسمتله و طلعت...نسوق والصورة في يدي...درست السيارة قدام الفيلا خبيت الصوره و خشيت لعندها... نلقااها قاعدة تتفرج...دوب ماشافتني وقفت قربت لعندي حضنتني استغربت حاوطتها بيدي
......
ادم - شن في ...
نيروز - لا شي لكن حسيت احساس مش عارفه كيف حبيت نحضنك بس..
ادم - متأكدة..
نيروز -اممم...
( شديتلها وجها بيدي..... )
ادم - باهي هياا نمشو ولا غيرتي رايك !
( هزتلي براسها لا..)
نيروز - اصلآ جاهزه هيا...
( شديتها من ايديهاا و طلعنا...طريق كاملة و هي ساكتة...حطيت يدي على يدها ضغطت عليهاا )
..
ادم - نيروز شن في ..
نيروز - شي ادم علاش
ادم - حاسك مش عارف كيف مش كالعادة كان في شي قوليلي ماتخبيش عليا...
نيروز - :لا لا شي غير خايفه شويه مانعرفش علاش ربي يستر ..
نيروز - ماتخافيش معاك اني ...
..
تبسمتلي ...وصلناا درست السيارة...نزلت شديتها من ايديهاا و خشيت للغابة ...حسيتها خافت لكن هي تبي تجي لهني ديماا تتفرج فيها و تستمتع بيها ف قلت نجيبها ...
..
ادم - شن خفتي..
نيروز - اه لا لا عادي...
ادم - راهو مش احني بس هني راهو فيه هلبااا ناس ماتخافيش...
نيروز - باهي رسمي في روح في الغابة هادي..
( طربقت بالضحك ... )
نيروز - قصدك تصدقي في التخاريف...
( ضربتني على كتفي.. )
نيروز - مش تخاريف بالرسمي وتكلمو عليها ناس هلبا ...
ادم - تي اي اي امشي امشي قال روح...
...
شافتلي على جنب و مشت قدامي خشينا وسط الغابة ...معاش في ولا صوت وقفت في مكاني... ناديتلها تلفتتلي عيونها وسااعو رفعت صبعها مافهمتش لي من تأشرلي...عقدت حواجبي مستغرب...
....
ادم - خيرك شن في ماتقولليش شفتي روح...
( سمعت صوته من تاالي يتكلم...)
قيس- شافت الشيطان... 😈
.....
#يتابع ❤
#كتابة_ميمي ..✔