ذئاب بشرية(منقولة_ليبية)

حلقة 45الأخيرة

رواية بعنوان
#ذئاب_بشرية..

كتابة ..
#ميمي
الحلقة ..{ 45 } الاخيرة بنستاحشكممممم💔 😭
..

___________________________✔

عند ليث ...
نضت دايخ من النوم...خشيت للحمام تركزت بيدي على الرخامه...نشوف في روحي في المراية لحية و شعري طويل...عيوني ارهاق ..... غسلت وجهي ...
...
" 4 سنين " فاتو في رمشة العين...حياتي اتغيرت...عايش هايم بروحي...بنتي بعيده عليا....مشت اول خطوة من غيري...💔
حب الطفولة هي السبب في هادا كله برودها هو اللي وصلنا للشي هادا..💔
شفت لي روحي تبسمت بقهرة...نشفت وجهي...و طلعت نسمع في التلفون يرن...عقدت حواجبي مستغرب...رقم مانعرفاش...خديت نفس فتحت الخط...
....
ليث - ايو منى !! ...
( دوب ماسمعت صوتها قلبي خض....ماتوقعتش بعد السنين هادي كلها تكلمنى...بالرغم طلبت منها تسامحنى الف مرة لكن رفضت 💔 ....)
نيروز - اهلين ليث كيف حالك...نقدرو نتقابلو اليوم...
( تكلمت بالسيف قاعد مش مصدق.. ليش تبي تقابلني...)
ليث - ب..باهي وين انتي تو نجيك...😔
نيروز - في *****
ليث - باهي ربع ساعة و نكون عندك...
...
صكرت الخط...لبست دبشي...رفعت مفتاح السيارة وطلعت ...وصلت لعندها...خشيت للقهوة...نلقاها قاعدة و جنبها بنوتة صغيرة...تبسمت ..
...
كبرت وبدت محلاها ...تشبه لقيس هلبا....💛
..
قربت لعندها جبدت كرسي قعدت مقابلها...دورت عيوني على وجها كله...قاعده كيف ماهي ماتغيرتش...زادت احلوت اكثر ...تنهدت نتكلم...
....
ليث - ان شاء الله خير ...!!
نيروز - نسيت و انت لازم تنسى...قيس غدوا يطلع من الحبس...نبيك تطلب منه السماح و ترجع لمرتك ساد كلنا تحاسبنا على هلبا اغلاط و الصغار خلصو ...بنتي و بنتك كبرو من غير اب...💔
...
ليث - قيس بيطلع !!! كيف المدة متاعه مازال ماكملتش...
نيروز - ادم حركله القضية...و سقطله الحكم...فاتو 4 سنين ساد...ربي يعلم بحالي كيف فوتتهم ...
...
ليث - للدرجة هادي تحبيه.. وقعدتي تستنى فيه !
..
( تبسمت مش عارف كيف..فوتت يدها على شعر بنتها...)
نيروز - قيس عايش معايا كل لحظة في السنين هادم...❤
..
ليث - تعرفي شي اني حاسد خوي لانه عنده مراة زيك ماسلمتش فيه بكل برغم عيوبه و همه و مشاكله..المهم غدوا ان شاء الله نجي معاك نشوف خوي بعد السنين هادي كلها...💔
..
نيروز - باهي ليث..نخليك تو لازم نمشي
...
هزيتلها براسي باهي و طلعت...كملت دخنت سيقارو...ولعت السيارة وطلعت في نفس المكان كالعادة ساكن فيه ليل و نهار...البااار...دوب ماوصلت قابلني واحد من الرجال ...
...
هو - مسيو ليث مش مازال بكري... !!
ليث - راسي بيتفجر نبي نبدا على بكري حول من قدامي...
..
خشيت قعدت عالطاولة..و بديت نشرب طاسه ورا طاسه...
...
سنين عمري مع ميساء فاتت قدامي...هي السبب في كل شي من اول مشاكلنا...
عيوني ضباب.. معاش نشوف نحس في روحي مخنوق فتحت بطم السورية .. مش عارف قداش فات وقت ..
..
وقفت نتمايل... قرب عندي واحد من الرجال بيشدني درتله بيدي لا وقف وقعد يشوف فيا نمشي ونتمايل ...
رجليا يضربو في بعضهم... راسي رزين عيوني نحسهم بيتسكرو ركبت في السياره حطيت راسي على الدومان
...
جت صورتها هيا وبنتي بين عيوني... اااااه قداش استاحشتها علاش دارت فيا هكي وتخلت عليا وعلى حبنا... 💔
طلعت التلفون حطيت رقمها ولعت السيارة نسمع فيه يرن لين فتحت عليا صوتها مخلط بالنوم ...
. رجعني لسنين التالي قعدت ساكت الكلام حصل في رقبتي نسمع فيها تتكلم..
....
ميساء - الو... الو ليث رد
ليث - كيف عرفتي ..!!😔
ميساء - عرفتك انت من اول يوم كلمتني وقعدت ساكت وكل ليلة اديرها💔
...
( نسوق ونتكلم معاش نقدر نخبي في قلبي... )
..
ليث - استاحشتك ... استاحشت بنتنا ..
ميساء - ليث شارب !! باين عليك سكران وين انت تو ..
..
ليث - اسسسس خليني نتكلم.. تعبت تعبت ميساء... تعبت من البعد... تعبنى .. تعبت من الوحدة... علاش درتي فيا هكي... كيف طاوعك قلبك وخليتيني.. اني ليث... حب الطفوله تخليتي عليا....
عدبتيني حرمتيني منك ومن حبك... حرمتيني من العيلة اللي طول حياتي نحلم بيها... حرمتيني من بنتي وريحتها... حرمتيني من ريحتكم ولعبكم وصوتكم اللي كان مالي عليا الدنيا....
حنيت ميساء.. حنيت... اني انسان وعندي قلب... نحس زيكم واللي نحس بيه تو هو نقص.. اني ناقص من غيركم... حياتي ناقصة فرحتي ناقصة... انتي... انتي سبب وجعي كنتي سبب فرحتي وتو انتي مصدر حزني وقهرتي ..
..
مشيتي من غير ماتشوفي وراك ولا اديري حساب للي اديري فيه... مافكرتيش شن بيصير فيا بعدكم نرقد على صورتكم كل ليلة وانوض على صورتكم... نتخيل فيكم معايا ... انوض اندور زي المهبول انادي عليكم وبعدين نتفكر
إنى كنت نشوف في حلم .... حلم حلو لكن حلمت بيه و موصلتلاش.. تحرمت منه من غير ذنب... علاش ميساء علاش ..💔
..
ميساء - ليث خلاص ...
ليث- لا خليني نتكلم.. تعرفي شن قاعد نحس تو اه!!
...
لعبت بيا السيارة طاح التلفون من يدي... ضي 💡قوي ضرب فيا هربت منه فقدت السيطرة طلعت من الطريق .
..
ميساء - لييييييييييييث ..💔
..
حسيت روحي طاير وبعدها حسيت بضربة قوية السيارة انقلبت راسي حسيته دار ونخبطت في شي... نحس في جسمي كله يوجع وراسي اكثر و عيوني يتسكرو لين بديت نشوف في الدنيا ظلام ونسمع في اصوات تبعد بالشويه وبعدها معاش حسيت بشي.....🖤
.....
_________________________✔
....
عند نيروز...
بعد اللي صار كله...عمري ماكنت نتخيل نعيش بعد الولادة ..عمري ماتخيلت نقدر نقاوم ..لكن قاومت على خاطر بنتي و راجلي..وجعى كان اقوى ساعتها
...بعد ما ارتحت شويه...خديت اول طيارة لي ليبيا...و زرت يسو...لكن ماقدرتش نرفعله بنته ...نبه عليا ماندخلهاش للحبس مهما يصير....
...
فاتو اشهر و سنين...و اليوم نضت على احلى خبر في حياتي...خبر طلوع قيس روحي و حياتي...اول حد فكرت فيه ليث كان لازم يتم كل شي...و نرجعو نلتمو خير من قبل....كان لازم ننسو الماضي و سواده...كلنا تعااقبنا و تحاسبنا على اى شي درناه ...هدا قدرنا و رضينا بيه...
....
قابلته وتكلمت معاه...متغير هلبااا...مش ليث اللي يهد جبل...نظرته كانت باردة...لكن تنهيدته كانت توجع القلب ..💔
حبيت نتكلم معاه و نخليه يشوف خوه و يتصالحو...الدنيا صغيرة و فيها موت...وماتعرفش على ساعتك امتي و ملك الموت امتي يقبض روحك.... 🖤
..
رجعت للحوش الدنيا ليل... بعد ماقبلته خطمت عالشركة...كملت شويه خدمة..ودهورت بنتي شويه..و روحت...حطيت شنطتي على الطاولة...نشوف فيه كيف نازل من الدروج ....مشتله تجري....
...
جوري - خالو غثان ماما قتلي يثو بيجي غدوا من الخدمة ..😍
( مسحلها على شعرها و رفعها يبوس فيها ...)
غسان - و انتي فرحانة وله !
جوري - اي هلبااا... نثوف فيه في الثور بس...عنده هلبا خدمة هو مث زيك انت و عمو ادم...
غسان - اممم باهي امالا يا كتكوته بري اركبي ارقدي و في الصبح تفتحي عيونك تلقى يسو بحداك تفاهمنا!!
جوري - وعد!
( ضحك عليها و باسها من خدها...)
غسان - وعد...بري اركبي توا بحدا لارا وشهد
...
( نزلها وركبت ...قرب لعندي...حط يده على خدي ...)
غسان - و اخيرا بنشوف اختي الصغيرونة فرحانة...
..
نيروز - فرحانة علاخير...غدوا بتصير اكبر حفلة على شرف عايلتنا....قيس رجع للساحة...لكن بنظافة...قيس بيرجع يوقف على رزقه....و يستولى على السوق كله...💪
..
( قرصني من خدي و يتكلم بتمسخير...)
غسان - اووووو بديتي تتكلمي بلغة رجال الاعمال ...ماكفاكش ربحتي صفقات...و استوليتي على السوق كله و شريتي اكبر عارضة ازياء للشركة متاعك...
...
نيروز - تبارك الله ..اللطف بتحسد اختك ههههه😂
غسان - و اخيرا شفت ضحكتك و حسيتها من قلبك....❤
ادم - مدام قيس راجع كيف ماتحسش الضحكة من قلبها...😉
( تلفتت لعنده ..ضربته على كتفه ...)
نيروز - شنى سيد ادم بتبدو تتمسخرو عليا تو... غادة شدي عليناا خطيبك 😤
غادة - ههههه خليها ادم خيرك على صاحبتي...😂
....
ضحكنا كلنا مع بعضنا....اول مرة بعد سنين صوت ضحكناا عالي...احني هكي...و تلفون غسان يرن....فتح الخط يتكلم...
...
وجهه احمر...فوت يده على رقبته بتوتر...عيونه تعبو دموع....طيح من يده التلفون ....حطيت يدي على كتفه ضغطت عليه ..
...
نيروز - شن في !!
غسان - ل ..ليث...
ادم - خيرا ليث !! ..منى اللي كلمك تو...!!
غسان - ميساء قتلي ليث ....
نيروز - تكلم شن في خيراا ليث ......!!
غسان - ليث توفا ..💔
...
دخت من الكلمة....وخرت خطوة لتاالي...دموعي لقو طريقهم على خدي...حسيت بغصة في قلبي....حطيت يدي على وجهي وطربقت بكاء...💔
...
غادة تحضن فيا و تسكت فيا و انا شدتني هستيرية متاع بكاء.....
......
ليلة كامله عيوني ماتغمضوش لين سطعت فيا الشمس...مانعرفش كيف بنعلم قيس ....ماعنديش الجرأة و القوه الكافية نعلمه بالخبر اللي زعزعنا كلنا...لبست الجاكيت متاعي رفعت الشنطة....خطمت لغرفة جوري...نلقاها غاطسة في النوم بستها من خدها و طلعت...
...
وصيت شهد عليها...وطلعت في السيارة نسوق وعقلي سارح...كيف بنخبره يا ربي...يعني يوم اللي هو يطلع بيتلقى بموت خوه...
وصلت قدام السجن...درست السيارة وقعدت واقفة نستنى فيه...
دوب ما انفتح الباب قربت بخطوات رزينة...عكسه هو اللي يجري و حضني بكل قوته...حسيت روحي وسط ضلوعه...قاعد حاضني وضاغط عليا...ويتكلم في نفس الوقت...
....
قيس - استاااحشتتك استاحشت ريحتك...اقعدي هكي ماتتحركيش خليني نعبي صدري بريحتك اللي نعشقها ...❤
..
( ضغطت بيدي على ظهره...جبد روحه مني شويه باسني ع راسي .. شفت في عيونه نستمد في القوة منه باش نقدر نخبره. سرحت في وجهه قعد يشاورلي بيده .. )
..
قيس - خيرها صغيرونتي!!
نيروز - ااا.. شي .. خيرني
قيس - حاسك مش تمام.. صار شي!!
نيروز - .. اي صار... لي صار..
قيس - نيروز تكلمي حبي ماتوترنيش اكتر
نيروز - يسو نبيك تكون قوي.. اللي بنقوله صعب هلبا..
قيس - تكلمى شن في خوفتيني ..!!
نيروز - ليث..
( شدني من اكتافي.... )
قيس- خيرا ليث !! شن صار!!
نيروز- ليث عطاك عمره
( ضغط عليا يتكلم... )
قيس- تبصري اكيد... ليث مايخلنيش
...
( نزلت دمعة من عيني... جبد روحه منى و رجع شوية التالي.. طاح على ركايه وعيط بأعلى صوته*
قيس - لااااااااااااااااااااا 💔
...
( منظره هكي قسملي قلبي نزلت عنده شديتله وجهه )
نيروز - قيس.. ياروحي لازم تكون قوي ليث مايبيش يشوفك ضعيف ومكسور😔
...
شاف فيا عيونه دموع ترمى في حضني ...
فرحته ماتمتش قلبي وجعني عليه.. فرحان بطلوعه ينصدم بموت خوه.. مهما كان ومهما صار الخو يقعد خو ومكانه مايتغيرش...👌
ركبنا في السيارة مشينا للمقبرة طول وقفت نتفرج فيه كيف واقف وسارح وهايم...
...
وانا في السيارة مابيتش نقاطعه ...رجعنا للحوش ...دوب ماخش...جاته تجري وفجاءة وقفت وخرت لتالي لما جا بيرفعها بين ايديه ...عقدت حواجبها و رفعت صبعها الصغيرون كانها تنبه فيه حطت يدها في حزامها ..
...
جوري - مترفعنيث...غثان وعدني تجي في الثبح و تو ليل...رد بالك تتكلم معايا ثيد يثو ..😤
...
( ضحك ونزل على ركابه قدامها....ضحكة مخلطة بالدموع...)
قيس - باهي قوليلي شن تبي اندير باش ترضى عليا...
( حكت راسها بصبعها كانها تفكر...)
جوري - ثي..يثو خيرك تبكي انت .. باهي معاث زعلانه خلاث 😢
...
حضنته وكبشت فيه...وقف و رفعها عنده..طلعها معاه للغرفة...لحقت عليهم ...مرقدها بين ايديه و يحكيلها على عمها ليث و على طفولتهم و دمعته على خده..
....
قيس- و هكي تمت قصة الاخوة عجباتك!
...
مجاوبتاش غطست في النوم.... تبسم و باسها من راسها...رفع راسه شافلي...تبسمتله بالسيف...حاسة بيه موجوع...
..
نيروز - ارقد و بنتك في حضنك...ارتاح و ماتفكر في شي...❤
اشرلي بيده باش نتمد جنبه و...قربت لعنده حاوطني بايديه...حطيت راسي على صدره من غير ماتكلمنا ولا كلمة...غرقت في النوم و ماحسيت على شي...
....