..
ريم بحدة : وش يضحكك ..
مشاعل تضحك : اللي قلتيه ..
ريم : وانا قايلة نكتة ..
مشاعل يدها على بطنها : ومن وين بتحمل .. لا يكون منك بس ..
ريم تناظرها نظرات " مع نفسك " .. ضحكت مشاعل بقوة .. لكنها سكتت لما شافت حزن في عيون ريم .. تمالكت نفسها وعدلت من قعدتها .. كانت ريم غارقة في تفكريها ..
مشاعل : ريم .. تتكلمين جد ..
ريم : يعني أمزح ..
مشاعل : طيب من وين .. انتِ لأن صوفيا كانت رجال .. ( تغيظها ) لكن ما اظنك مثلها ..
ريم ناظرتها : لا تعليق ..
اضحكت مشاعل وقربت تقعد جنب ريم .. مسكت يدها ..
مشاعل : امزح معك ..
ريم بقلق : خايفة أخسرها ..
مشاعل : الى هالدرجة واصلة بينكم ..
ريم تتنهد : اه .. we have a big fight before she leave
مشاعل : طيب هي عارفة انه صعب تحمل .. من وين ..
ريم : مو بس على هذا ..
مشاعل تهز راسها : اها ..
ريم تسند راسها على الكنب : تلومني اني هاملة البيت .. ولاهية بشغلي .. وما عادت تشوفني وووو ..
مشاعل ناظرتها بدون ما تعلق ..
ريم بتأفف : وأنت بعد ..
مشاعل ترفع أكتافها : ما قلت شيء ..
ريم تقوم وتروح الى النافذة : بدون ما تقولين .. باين من عيونك ..
مشاعل تبتسم : وش تقول لك عيوني ..
ريم تناظر من النافذة : ان معها حق .. كلهم معهم حق ..
قامت مشاعل ووقفت جنب ريم .. ظلوا ساكتين مدة .. وهم يناظرون الحديقة من خلال النافذة ..
مشاعل : what are you gonna do ?
ريم تبتسم : راح استعيد حبي ..
طفشت من قعدة البيت .. كانت تدور في الشقة .. عجبها الديكور لكن الألوان لأ .. حست ان ناقصه شيء .. ناقصه الوان واشياء تبعث على الحياة .. وهي تدور وصلت الى باب جناح مشاعل .. وكان الباب مردود .. راودها فضول تدخل لكنها خافت .. بعد لحظات من التردد دخلت .. ما خالف توقعها .. كانت الغرفة باردة وعصرية .. ويغلب عليها الألوان الأسود والذهبي والرمادي .. الأرضية رخام اسود .. اتجهت الى السرير .. وانتبهت للصور اللي على الطاولة اللي جنب السرير .. ناظرتهم مي .. كانت عبارة عن صور لبنت صغيرة في فترات مختلفة من العمر .. أكيد بنتها .. قالوا لي ان عندها بنت وعايشة عند أبوها .. لكن ليه مو عندها .. ليه بنتها تعيش عند ابوها وهي توها صغيرة ..
التفتت الى ممر صغير على جانبيه بابين .. اللي على اليمين غرفة ملابس .. واليسار دورة مياه .. دخلت غرفة الملابس .. وصارت تتفرج على ملابس مشاعل .. اغلبها سبورت وبدل رسمية .. ما لقت ولا فستان واحد .. اضحكت لأنها ما استغربت هالشيء .. فتحت درج البجامات وابتسمت لما شافتهم .. بجايم بنوتة وبالوان وردي وابيض وسكري .. ابتسمت وهي ترفع احدى البجامات وتشمها .. " ريحة بيبي .. معقولة ".. رجعت البيجاما وقربت من التسريحة .. تشم العطور .. لقت اغلبهم عطور ريحتها خفيفة كانها شامبو .. وريحة بيبي ..
" من كان يتوقع .. مشاعل الشرسة والباردة .. يكون لها soft side ".. طلعت من الغرفة قبل لا أحد يشوفها .. نزلت المطبخ وشافت غابي قاعدة تطبخ .. حبت تساعدها لكنها رفضت .. ومي ما قبلت برفضها .. وسوت باستا ومعها سلطة جرجير بالرمان ..
