..
دخلت الغرفة ولقت أمها قاعدة على السرير وحاضنة المخدة . صار لها يومين على هالحال.
ليلى : امي انتِ هنا وابوي يدورك .
سعاد تقوم : بروح له .
ليلى باهتمام : امي وش فيك ؟؟
سعاد بحزن : احاتي هالبنت .
ليلى : مشاعل . ليه وش فيها .
سعاد : مدري قلبي قابضني هاليومين عليها . واحلم أحلام اعوذ بالله منها .
ليلى : امي . مشاعل ما عليها . توها مكلمتنا امس . مرتاحة وفرحانة مع بنتها .
سعاد تهز راسها : ناصر ناوي على شيء . قلبي قارصني . ما عطاها البنت عبث.
ليلى : غصب يعطيها إياها . شاف بنته تذوي قدامه وكانت بتروح فيها . مكانها الطبيعي مع أمها .
سعاد : ماني مرتاحة لكل هالسالفة . سواها من قبل وحرق قلبها عليها .
ليلى تمسك يد أمها : امي هذاك من سنين . والحين ما يقدر يسوي شيء.
ناظرتها سعاد لكنها ظلت ساكتة . كملت ليلى : وش بيسوي يعني , يخطفها مثلاً. مشاعل عندها الجنسية البريطانية وداليا مثلها . وهم في كندا ما يقدر يقرب صوبها .
لفت سعاد وجهها , وذاكرتها ترجع لسنين مضت .....
ناديا : ما فهمت . وش اللي صار في المستشفى ؟؟
مشاعل : تذكرين انك دخلتِ في غيبوبة , بعد الحادث بايام .
ناديا : كان عندي حساسية ضد عقار ........ وهم غلطوا فيه .
مشاعل تهز راسها : كانت مقصودة ناديا . في من دخل سجلات المستشفى وغير علاجك.
ناديا تبتسم : وش قاعدة تقولين ميش . انا شفت التقرير بنفسي . اخطوا بالجرعة .
مشاعل تناظرها : كانت مقصودة Doc .
ناديا تفكر : لحظة . هذا اللي خلاك ترجعين له .
مشاعل : ما كنت اقدر أخسركم .
ناديا : لكنك تطلقتِ . بنفسي جيتك وتركتيني .
مشاعل تناظرها : كنت خايفة يأخذ مني داليا . وعارفة انه يراقبني طول الوقت .
ناديا بصوت مخنوق : ليه ما قلتِ لي ميش . ليه خبيتِ علي .
مشاعل : كنت أحميك .
ناديا بحدة : تحميني . لو قلتِ لي كنت انتظرتك . تظين باتركك بهالسهولة .
مشاعل نزلت راسها : لأني أعرفك تركت .
ناديا تاشر على نفسها : تحرقين قلبي وتقولين كنتِ تحميني .
مشاعل بصوت عالي : حاول يقتلك مرتين , مو مرة وحدة مرتين ناديا .
لفت مشاعل وجهها وسكتت , لما شافت الناس يناظرونهم .
مشاعل بهدوء : ما كنت اقدر راح اتحمل لو يصير لك شيء بسببي. يكفي الحادث ور.. ( سكتت ) .
ناديا : وش صار بعدين . ليه داليا عنده .
مشاعل تأخذ نفس عميق : رفع استئناف وصارت الحضانة مشتركة. ولما جاء وقته اخذها وما قدرت اشوفها لسنتين , ما كنت ادري بنتي وين . كل ما عرفت مكانه واروح القاه تركه.
ناديا تواسيها : ميش .
مشاعل بحزن : عشت سنتين مثل الميتة . خسرت بنتي وخسرتك .
ناديا : ليه ما رجعتِ لي .
مشاعل تمسح عيونها : رجعت وما لقيتك . واختك صدت كل الطرق اللي توصلني لك .
ناديا : ما قدرت اقعد في لندن بعد اللي صار . سافرت الى المانيا وبعدها سافرت لعدة دول.
ظلوا ساكتين مدة وعيونهم على البحيرة . كانت مشاعل تقاوم شعور اقوى مما كانت تتخيل. غمرتها مشاعر الحنين والشوق .
مشاعل : هذاك عرفتِ الحين .
ناديا تناظرها : بقد ما كرهتك وحقدت عليك طول هالسنين , الا اني ما زلت أحبك .
مشاعل : ناديا .
قاطعتها ناديا : ناظريني وقولي انك ما تحبيني .
التفتت مشاعل عليها : I'm not the same person
ناديا يدها على رجلها الصناعية : ما يهمني شيء ميش. لساتني أحبك .
مشاعل بعبرة : don't go there
ناديا باصرار : انتِ اللي بديتِ .
مشاعل تزفر : ماني مشاعل القديمة ناديا .
ناديا تبتسم : عاجبتني اللي قدامي .
مشاعل تقوم : عندي شخص في حياتي .
ناديا تبتسم : you kiss me mesh
مشاعل تدافع : it was a moment . وما راح تتكرر مرة ثانية .
