..
كانت تراقبها وهي تحكي اللي صار وتسكت أحياناً, نبرات صوتها تتفاوت بين المرتفع والحاد. والعبرة غاصة في حلقها . إلى أن رمت بنفسها على الكنب وطلعت لها سيجارة تدخنها . وصارت تتلفت تدور ولاعة . أشرت لمشاعل اذا عندها . قامت مشاعل وفتحت درج مخبى خلف مجموعة كتب . طلعت علبة فيها مجموعة سجائر وولاعة وكم زجاجة مشروب !!!
مشاعل تعطيها الولاعة : فكرتك بطلتِ ؟؟
ريم تأخذ نفس طويل وتزفره : ممنوع أدخن في البيت .
ناظرتها مشاعل . ريم لفت بوجهها : حتى برى البيت , لكني ادخن بين فترة وفترة بدون ما تعرف.
ضحكت مشاعل وهي تقعد جنب ريم . ناظرتها ريم رافعة حاجبها .
ريم : يعني أنتِ أحسن حال مني .
مشاعل تعدل قميصها : أنا ما احد يمشي رايه علي.
ريم تناظر المخبأ : واضح يا الذيبة !!
مشاعل : ما اقدر ومعي داليا في البيت .
ريم مو مصدقتها : علشان داليا لغيتي البار !!
مشاعل تعترف : وش دعوة اخذت راي . جيت واكتشفت انها كسرت كل زجاجة فيه . وطلبت صوفا جديدة للمكان .
ريم تضحك : لهم هالتأثير .
مشاعل تهز راسها : they do
ظلوا ساكتين مدة . ومشاعل تراقب ريم . هزة رجلها اللي مو راضية توقف. وتدخينها بعصبية دخنت ثلاث سجاير ورى بعض . أسندت ريم ظهرها على الكنب .
ريم بعبرة مخنوقة : كسرتني .
قربت منها مشاعل تضم ذراعها : بتمر ريم .
ريم قابضة يدها : اخ بس . ضعيفة انا قدامها , ولا كنت قتلتها في مكانها .
مشاعل بهدوء : ما تهون عليك .
ريم بألم : آآآآآآآه . اكرهها .
مشاعل : ريم .
ريم توقف : كل ما أتذكر مدى غبائي وثقتي العمياء فيها , راسي بينفجر .
مشاعل : هدي ريم , لا تلومين نفسك. أكيد بتثقين فيها دامك تحبينها .
ريم : وش فادني هالحب . كنت عمياء والماي تمشي من تحتي من دون ما أحس .
مشاعل بحزم : ريم . اللي يسمعك يقول انه بينهم علاقة .
ريم بحدة : حاااااامل . وش تبين دليل اكثر .
مشاعل رافعة حاجبها : مو شرط تكون بينهم علاقة علشان تحمل . الأمر ما يستدعي غير .....!!
ريم : ما أصدق انها غلطة ليلة . كانت تضل بالشهور عند أهلها وسامي معها .
مشاعل : مو دايم معها .
ريم بحدة : ما يهم . هم خانوني . غدروا فيني . واللي قاهرني ماني قادرة اسوي شيء لهم .
مشاعل بحنان : ريم .
ريم بعبرة : قلبي ما يطاوعني اذيهم . وحدة عيني اليمين والثاني عيني اليسار .
مشاعل تواسيها : ريم . لا تتخذين قرار الحين . عطي نفسك وقت تهدين .
ريم تهز راسها : مستحيل . ما ابغاها في حياتي anymore
مشاعل : لكن .....
قاطعتها ريم وهي تأخذ مفاتيحها : تأخر الوقت وانا لازم ارجع البيت .
مشاعل : براحتك ريمي .
ريكي : أنا الغلطان اللي دعمت هالغبي .
ماتياس : كنت اعرف انه مشروعه مكلف . لكنه بيعود علينا بفوائد مالية ضخمة. بس في من يخرب جهودنا .
ريكي بحنق : ميش !!
ماتياس : أنت السبب. قلت لك ابعد عنها ولا تجيب لنا مشاكل .
ريكي : مو مني . من اخوها الغبي .
ماتياس : أخوها ولد ثري ومدلل . يعتقد أنه بيحصل على كل شيء يبيه فقط لأنه يبيه .
ريكي : وش استفدنا منه الحين . قلت لك من قبل ...
ماتياس قاطعه : عارف وش بتقول . لازم ننهي هالشراكة ونطلع منها قبل ما نخسر أكثر.
ريكي يأشر بيده : مستحيل . دفعنا الكثير .
ماتياس يضرب الطاولة : وبندفع أكثر لو استمرينا معه .
ريكي : ما كنت أظنها تقدر على كل هذا .
ماتياس يزفر : لازم أقابلها وانهي المسألة معها .
ريكي : ليه بتقابلها ؟؟
ماتياس : ابغى اعقد صلح معها . بسبب شراكتنا مع أخوها قاعدين نخسر علاقتنا بالكثير .
ريكي : وش تقصد ؟؟
ماتياس يرمي ظرف على الطاولة . اخذه ريكي وفتحه . بعد ثواني رفع راسه يناظر اخوه .
ريكي بغضب : رفضوا !!
ماتياس يقوم : they're not the only one
ريكي : من تقصد ؟؟
ماتياس : محد راضي يتعامل معنا .
ريكي : مو شرط يكون منها . لا تعطيها أكبر من حجمها .
ماتياس بحدة : اربع بنوك رفضت تمول المخابز . وبنكنا الخاص رافض يجري أي عملية. ومو قادرين نحول أي شيء لهيكتور . تاخرنا عليه كثير . وبدا يفقد صبره .
ريكي : وهي ورى كل هذا .
ماتياس يزفر : yes
ريكي : وش يخليك متأكد انه هي .
ماتياس : دان خبرني .
ريكي مو مصدق : كل هذا يطلع من ميش .
ماتياس يناظر النافذة : ابخسناها حقها .
ريكي يفكر : يمكن الإيطالية ....
قاطعه ماتياس : لا . سألت وتاكدت انه ما لها علاقة .
ريكي بسخرية : معطيها اكبر من حجمها .
ماتياس يلتفت عليه ويبتسم : هذه اللي موعاجبتك استلمت إدارة شركات ابوها بالرغم من معارضة مجلس الإدارة . وأثبتت جدارتها بقوة . ( رافع حاجبه ) كانت اصغر منك بأربع سنوات وقدرت تثبت نفسها في خلال سنة وحدة .
ريكي : معها مجلس إدارة قوي .
ماتياس يبتسم : طردتهم بعد شهر من استلامها لادارة الشركة . واولهم كان زوج أمها اللي هو أبو صاحبك ماجد .
ريكي : من وين لك كل هالمعلومات . وليه المح نبرة اعجاب في كلامك عنها .
ماتياس : Dan knew her very well
والتفت يناظر المدينة الهادئة من النافذة وهو يبتسم داخل نفسه " في أحد يعرفها وما ينجذب لها. لكني مع الأسف not her type ".
