..
كانت نايمة في حضنها .. واصابعها تلعب بشعرها .. ودها لو تدوم هاللحظات الى الأبد .. لو تنسى اللي صار .. كانه ما صار .. ااااه ريمي .. يا ترى لو عرفتِ وش راح تسوين .. حست باصابعها على خدها تقرصها ..
زينة بدلع : ريمي .. يعور ..
ضحكت ريم ونزلت راسها تبوس خد زينة ..
ريم : لك وحشة يا جميل ..
زينة تضمها : وانتِ بعد ..
ريم : ايه واضح .. شوقك الي ما ينوصف ..
لفت زينة راسها تقابل ريم : ريم ..
ريم يدها على وجه زينة : عيونها ..
زينة : تحبيني ؟؟
ريم رافعة حاجبها : عندك شك ..
زينة بابتسامة مايلة : ربما ..
هزت راسها ريم .. ومسكت زينة وقلبتها على ظهرها .. زينة تعترض .. وتبغى تقوم .. لكن ريم ثبتتها ..
زينة تهز راسها : لا ريمي .. لا تتهربين من السؤال ..
ريم تغمز لها : قاعدة أجاوب عليه عملي ..
زينة تناظرها : عملي ها .. أتكلم جد انا ..
بعدت عنها ريم : بعد كل هالسنين تسأليني .. يعني ما تعرفين الجواب ..
انسدحت ريم وحطت يدها تحت راسها .. قعدت زينة على جنبها ووضعت يدها على كتف ريم..
زينة تمرر اصابعها على كتف ريم : اخذيني على قد عقلي .. وجاوبيني ..
ريم تجاريها : ايه أحبك ..
زينة : قد ايش ؟؟
ريم تنهد : قد عدد نبضات قلبي من اول ما شفتك الى الحين ..
زينة تبوس كتف ريم : هالكثر تحبيني ..
ريم تبوس راسها : واكثر بعد ..
زينة بتردد : يعني لو .. أنا أقول لو .. صدر مني شيء بتسامحيني ..
ريم : شيء مثل ايش ..
زينة : يعني أي شيء يزعلك مني ..
ريم تلعب بشعرها : مستحيل .. ما في شيء بيزعلني منك حبيبي ..
زينة بغصة : مثلا .. بيبي مثلاً ..
ريم تضمها : حبيبي حتى لو صار مثل ما تقولين .. الا ما يكون لك عذرك ..
زينة بعبرة مخنوقة : يعني بتسامحيني ..
ريم : اووه زيون .. ما صارت ترى .. وش فيك ..
زينة تضمها أكثر : ولا شيء .. ابغى أتاكد من انك تحبيني ..
ريم تزفر : وان شاء الله تأكدتي ..
قامت زينة وصارت فوق ريم : نظري ايه .. لكن باقي عملي ..
ريم تضحك بصوت عالي : عملي .. حبييــ ....
قاطعتها زينة وهي تبوسها بعمق : my turn babe
دخل البيت وهو معصب .. طول الطريق وهو يفكر .. معقولة يعرفون بعض من قبل .. كان شاك انهم يحبون بعض لما طلبت منه مشاعل يتزوجها .. لكن تصرفات مي معه ومعها بالذات.. تقول انها ما تعرف مشاعل .. كانت تتحاشاها .. هذا غير لما تركتها في شقتها .. كانت عيونها تترجاني ما اتركها .. ليتني اخذتك معي وقتها ..
سأل عن امه ولقاها في السرداب .. شافها تشرب شاي وبيدها الايباد .. رمى بنفسه على الكنب..
سعاد تناظره : وش فيك ..
زفر ماجد بحدة .. وحكى لأمه وش صار له في المستشفى ..
سعاد : وأنت وش يوديك هناك ..
ماجد : رحت اشوف زوجتي ..
سعاد تحط الايباد على الطاولة : ردينا ..
ماجد : يعني كانوا يحبون بعض .. متى .. كيف ..
سعاد : دامها ما قالت شيء من البداية .. معناتها أنها تحبها ..
ماجد : انتِ بنفسك قلتِ انت مي ما تدري عن شيء ..
سعاد ترفع اكتافها : وانا وش دراني .. على بالي انها ما تعرف مشاعل .. هي ما شافتها الا مرة او مرتين ..
ماجد بقرف : واضح أنهم يعرفون بعض من قبل .. أنت لو شايفتهم ..
سعاد : انا ما اتدخل في حياة اختك .. هي حرة تسوي اللي تبيه ..
ماجد : ما هي حرة .. هذه زوجتي ..
سعاد : اللي يسمعك يصدق انها زوجتك ومشاعل اخذتها منك .. انت ناسي ..
ماجد : ما نسيت .. أنا ....
قاطعته سعاد : جيتني بنفسك تبيني أخطبها لك .. وتهدد وتتوعد بتترك البيت اذا ما خطبتها لك .. وكل هذا علشان الفلوس .. وهذاك أخذتها .. وجاي الحين تندب حظك ..
ماجد : بنتك هي السبب .. قلت لها فلوسها بترجع لها ..
سعاد : ومن وين بترجعها ..
ماجد بكبر : برجعهم لها وفوقهم جزمة ..
سعاد بحدة : ماجد .. احترم نفسك .. ولا تشوف مشاعل ساكتة لك .. لا تستهين فيها ..
ماجد : بنتك لو قادرة .. كان أخذت بنتها عندها .. مو تاركتها عند ابوها طول هالسنين ..
سعاد : لو كانت تقدر أخذتها .. لا تتكلم عن شيء ما تعرفه ..
ماجد بتأفف : انا طالع ..
سعاد بزمرة : طس .. أوف .. كل ما كبرتوا كبر همكم معكم ..
