..
في العصر ..
اجتمعوا عند لمى في المستشفى .. بالرغم من الكآبة والتعب اللي رافق اصابتها الا انها انبسطت كثير مع عبير وداليا.. كانت تسرق نظرات لمي ومشاعل .. وتضحك على اختها وهي تحاول تتمالك نفسها قدام غزل مشاعل ونظراتها لها ..
مي بصوت واطي : خلاص فضحتينا ..
مشاعل : قولي ايه واقعد عاقلة ..
مي : تتكلمين جد حضرتك ..
مشاعل : ما طلبت شيء أنا ..
مي : تبيني أطلع معك واترك أختي لحالها ..
مشاعل : ما راح نطول .. ساعة وترجعين ..
مي بإصرار : لا يعني لا ..
أسندت مشاعل ظهرها على الكنب .. ورفعت ذراعها تسندها على الكنب وخلف مي اللي كانت جالسة جنبها .. نزلت يدها على ظهر مي .. كانت مي توزع الفطاير في صحون .. وتصلبت فجأة .. ناظرت مشاعل بطرف عينها .. ومشاعل منزلة راسها على جوالها .. طنشتها مي وكملت شغلها .. لكنها كتمت شهقة ووقفت بسرعة ..
ليلى باستغراب : وش فيك ..
مي ترقع : كاني شفت صرصور ..
رفعت ليلى رجولها : وين ؟؟
مي : كاني لمحت شيء يتحرك ..
ليلى تتبع بنظراتها الى المكان اللي اشرت عليه مي .. وشافت قرطاس شوكليت مرمي تحت الطاولة ..
ليلى تاشر بيدها : تقصدين هذا ..
مي هزت راسها : ايه ..
ليلى تناظرها : يغربل شرك .. خوفتيني ..
مشاعل تبتسم : عقدتها الصراصير ..
مي بابتسامة صفراء : ومن يلومها .. مقرفين بشكل ..
مشاعل تضحك : لا ما الومها ..
مي بين اسنانها : يتواجدون في أماكن ما تخصهم ..
مشاعل ترفع أكتافها : ما الومهم اذا تتركون الحلى في كل مكان ..
ليلى عيونها بين مي ومشاعل : حنا نتكلم عن الصراصير صح !!
مي تقدم لها صحن : أي .. ودي اقتل صرصور الحين !!
ليلى تأخذ الصحن : خلاص سكري الموضوع .. قرفنا ..
توجهت مي الى سرير لمى .. واعطت لهم بعض الفطاير .. ورجعت مكانها .. التفتت مشاعل عليها تنتظر نصيبها ..
مشاعل : وانا طيب ؟؟
مي تصب الشاهي : أنتِ شنو !!
مشاعل : وين صحني ..
مي تاشر على صينية الفطاير : قدامك الصينية .. serve yourself
مشاعل تهز راسها وتبتسم : اوكي ..
اخذت مشاعل صحن وعبته فطاير .. ولما رجعت تقعد .. لقت ان مي حاطة مخدة بينهم .. ابتسمت بخبث .. كانوا منشغلين بسالفة تحكيها عبير .. مشاعل استغلت الفرصة ودخلت يدها تحت المخدة .. وحطتها على فخذ مي .. تدلك باطن فخذها ..اكتمت مي شهقة والتفتت على مشاعل .. اللي كانت لافة وجهها وتسمع لسالفة عبير .. عصبت منها مي ومدت يدها تحت المخدة تحاول تبعد يد مشاعل .. لكن مشاعل تمادت اكثر ..
مي بهمس : خلاص تكفين ..
أرسلت لها مشاعل رسالة على الواتس .. ( أبغاك تروحين معي الليلة )
ردت مي ( ما اقدر اترك مي لحالها ) ..
مشاعل ( قلتِ ان جدتك وعماتك بيجون المغرب )
مي ( صعبة والله أروح وهم موجودين )
تمادت مشاعل اكثر .. غمضت مي عيونها .. والتفتت تترجاها توقف .. بعدت مشاعل يدها واسحبتها بشويش ..
قرب مشاعل كأنها بتاخذ المناديل وهمست لمي : المغرب ..
هزت مي راسها يعني موافقة .. أسندت مشاعل ظهرها وعلى وجهها ابتسامة الانتصار ..
مشاعل تمص اصابعها : لذيذة ..
التفتت عليها مي بخوف .. وجهها قلب الوان قوس قزح !!!
ليلى تهز راسها : أي ما شاء الله .. دايم شغلهم حلو ومرتب ..
اكتمت مشاعل ضحكتها .. لكنها صرخت باه .. لما جات داليا ورمت نفسها في حضنها ..
مشاعل : وش فيك دي .. هبدتيني ..
داليا شابكة اصابعها ببعض : ماما يصلح نروح مول قبل ما نرجع البيت ..
مشاعل : وش يودينا هناك الحين ..
داليا : ابغى الألعاب ..
عبير من بعيد : حتى انا ابغى اروح ..
مشاعل تناظرها : لا تقولين باشتري .. صفرت على الاخر ..
عبير تحاول تقنعها : انا عندي فستان ويبغى له اكسسوارات وووو..
ليلى ترفع يدها : كدينا خير ..
عبير : محد كلمك .. لا تتدخلين ..
ليلى : باتدخل .. لأني انا اللي بابتلش فيكم وباوديكم ..
مشاعل تلتفت عليها : انتِ ..
ليلى : باشتري لي كم غرض بعد ..
عبير : ليه مو مشاعل تودينا ..
ليلى تناظر مشاعل ومي وتلتفت على عبير : عندها شغل بتخلصه وتلحقنا ..
ابلعت مي ريقها وحست بحرارة لما شافت نظرات ليلى لها .. مشاعل اكتفت بالابتسامة ..
مشاعل : باتصل بسلام يجيني .. وانتو رحوا مع اللي تحت ..
داليا بزعل : ما راح تجين معنا ماما ..
مشاعل تبوسها : اخلص شغلي واجيكم ..
سلموا على لمى ومي وطلعوا .. أما ليلى فمسكت يد مي بقوة .. وناظرت اختها ..
ليلى : قوية يا الميش ..
انحرجت مي منها واخنقتها العبرة .. قربت مشاعل تدافع عنها .. لكن ليلى رفعت يدها وابتسمت لهم ..
ليلى : الحين عرفت سبب غضب ماجد .. والصراحة ما الومه .. ( تغمز ) تتهنوا ..
