..
دخلت مشاعل غرفتها واخذت شاور سريع .. لبست بودي قطني وشورت .. طلعت من غرفة الملابس متوجهة الى سريرها .. وتفاجأت بداليا نايمة في سريرها وحاضنة لعبتها .. ابتسمت ونامت جنبها .. مررت اصابعها على شعرها ووجهها .. نايمة بهدوء وسكينة .. من جينا كندا وهي لازم تغزي غرفتي وتنام فيها .. اسوي المستحيل بس ترجعين مثل قبل .. الأطباء قالوا صدمة نفسية عنيفة خلتها تمتنع عن الكلام .. حسبي الله على اللي كان السبب .. غطتها عدل باللحاف وقرت عليها الاذكار .. وهي تلعب بشعرها تتذكر اليوم المشؤوم اللي مرضت فيه بنتها.....
قبل 3 أسابيع ....
كانت مشاعل قاعدة على كرسي قريب من سرير داليا .. ومتكية راسها على السرير .. الطبيب ما عند تفسير لحالة الغيبوبة اللي عندها .. كل اللي قدر عليه انه يطمنها انه حالة الدماغ والتنفس طبيعية ظاهرياً .. وما يقدر يشخص حالتها الا لما تصحى .. ظلت يومين في غيبوبة .. حمدت ربها انهم شالوا عنها جهاز التنفس الصناعي .. لكنها مو راضية تصحى .. حاولوا يصحونها لكن عبث ..
اليوم الثالث ...
فتحت داليا عيونها بصعوبة .. حولت بنظرها حول الغرفة لتألفها .. شافت يدها المجبورة وما وش صار فيها .. ازعجها النور ورفعت يدها الثانية تغطي وجهها .. لكنها لقتها بيدين أمها .. كانت مشاعل ماسكة يد مشاعل .. وراسها على السرير .. اطمانت داليا ان أمها جنبها ..
داليا بتعب : ما .. ماما ..
رفعت مشاعل راسها والتفتت على داليا ..
مشاعل بعبرة : يا روح ماما انتِ ..
ضمتها مشاعل وهي تصيح .. استدعت الممرضة .. وكشف عليها الطبيب .. شخص حالتها بانهيار عصبي .. لكنه ما يملك تفسير لنوبة الصرع اللي جاتها .. طلب يخليها تحت الملاحظة 48 ساعة .. اجلت مشاعل موعد سفرهم الى بعد يومين .. الككل بيروح بطيارة ريم اللي أرسلتها ..
تاكدت سعاد من عدم تواجد ناصر في غرفة داليا .. وكان تهديدها صريح وقاسي .. خاصة ان المحقق اللي حضر للتحقيق في حالة داليا يقرب لشخص تعرفه من سنين .. أبو ناصر مجرد سماعه للإسم بدا يضرب اسداس في اخماس .. منع ولده من زيارة المستشفى دام انهم قدروا يسكرون التحقيق .. وطلب منه ينسى مشاعل نهائياً ..
ناصر : شلون انساها ..
أبو ناصر بزمرة : هالبنت ما جابت وراها الا المصايب ..
ناصر : ما يهمني .. هي زوجتي وام بنتي ..
أبو ناصر : انت ما تفهم .. البنت ما تبيك من سنين .. وهايتة مع ... استغفر الله ..
ناصر : قلت لك ما يهمني .. هي بترجع لي ..
أبو ناصر : انت جنيت ..
ناصر : جنيت لاني احبها .. انا ما اقدر أعيش بدونها ..
أبو ناصر : كلمة وماني عايدها .. بنت سعاد تنساها نهائياً .. وبنتك مردها لك ..
ناصر بعبرة : ليه محد راضي يفهمني ..
أبو ناصر : عندك زوجة تسوى مشاعل وطوايفها .. وش تبي في وحدة كلبة .. شلون بتثق فيها ما هي بنت أمها ما راح تروح بعيد ..
ناصر : غلط اننا نحب ..
أبو ناصر بحدة : حبك برص ..
ناصر يدافع : عمي حب بنت عمه وتزوجها غصب .. حتى وهو عارف انها تحب واحد ثاني غيره ..
أبو ناصر : عمك مشى ورى قلبه .. وورثه القبر .. اذا هي كانت تحب غيره قبل ما تتزوجه .. فهي حبت غيره وهي على ذمته .. ولو ما كانت الكلبة تشبه عمتك .. كنت من زمان شككت فيها.. انا خسرت الكثير .. وما عندي استعداد اخسر اكثر .. خسرنا فلوسنا وما نبغى نخسر سمعتنا ..
ناصر بحزن : ما يهمك الا الفلوس ..
أبو ناصر : نصيبي من ورث اخوي .. هو ما خلف الا بنت بس ..
ناصر : وصية عمي بان كل شيء لبنته ..
أبو ناصر بحدة : هذه في ديرة الكفار .. وش عرفهم بالشرع .. قلت تتزوجها ويصير كل شيء لك .. لكن طلعت حمار وما قدرت تخليها تحبك ..
ناصر بوله : لكني حبيتها .. عطيتها قلبي وروحي ..
أبو ناصر بسخرية : وهي وش عطتك مقابل الحب ..
ناصر بعبرة مخنوقة : عطتني احلى سنين حياتي ..
أبو ناصر بسخرية : غبي .. غبي .. ما الومها اذا انحاشت منك .. ( بحنق ) وليتها راحت لرجال .. حرمة مثلها ..
