..
زينة : انا مرتاحة هنا .
سامي : زينة . وضعك الحين ...
قاطعته زينة : وش فيه وضعي . ما تغير علي شيء والحمد الله .
سامي فقد اعصابه : انتِ ما راح تعيشين معي. بتكونين مع امي .
زينة تناظره : اها . يعني هذا طلب خالتي .
سامي : أي . هي مصرة انك تعيشين عندنا .
زينة : بصفتي شنو !!
سامي : زينة . لا تطلعيني من طوري .
زينة : يا شيخ .
سامي بحدة : زينة . ناسية انك زوجتي واللي في بطنك هذا ولدي .
زينة : ماني ناسية اني زوجتك . لكن تذكر زواجنا على ورق. وولدك اللي منفعل عليه , حاولت تقنعني انزله اكثر من مرة . الحين صار ولدك .
سامي : صح . ما انكر هالشيء . لكن بما أنك كملتي الحمل , فانا ملتزم بهالطفل .
زينة : هذا مو كلامك . كلام خالتي . هي اللي تحاول تقنعني أعيش عندها .
سامي يده على شعره : هي خايفة عليك وتحاتيك .
زينة تبتسم : اعرف . وهي اللي ارسلتك اليوم .
سامي : قعدتك هنا لحالك ما لها معنى .
زينة : أولا انا مو لحالي . ثانيا سامي خلينا نتفق على شيء .
سامي : اسمعك .
زينة بهدوء : سامي . انا ام ولدك وبس .
سامي : وانا ما طلبت منك شيء. كل اللي ابغاه أكون اب لولدي .
زينة بحزن : انا احب ريم .
سامي : اعرف .
زينة بتردد ناظرته . سامي فهم لها وابتسم .
سامي : ما هي راضية تتواجد في مكان انا فيه . حتى الاجتماعات تفوض احد مكانها . او تحضر عن طريق السبيكر .
زينة : لسة معصبة .
سامي : انا اكثر واحد يعرفها . ريم محد يدوس لها على طرف . دمرت ابوها بعد ما عرفت باللي سواه في أمها .
زينة يدها على رقبتها : اعرف .
سامي : بتهدى لحالها .
زينة : واثق من نفسك .
سامي يبتسم ويده على وجهه : محد اكل ضرب هرى جسمه غيري . لو كانت تبغى تقتلني وقتها , محد منعها . ريم حنونة وتهتم باللي تحبهم , واعرف انها ما تفرط فيني .
زينة رافعة حاجبها : اووه . تحبك اجل .
سامي يضحك : المح في عيونك غيرة .
زينة : منك . لا طبعاً.
سامي يتنهد : اللي بينا غير زينة . نفهم بعض من دون حتى ما نلفظ اللي نبيه . I'm the brain, she's the muscle
انتبه لنظرات زينة له . انحرج ورفع يده يعدل البلوفر .
سامي : ادري غريبة . بس شلون بتنافسين لاعبة كارتيه حاصلة على الحزام الأسود. وتشيل اثقال انا ما اقدر اشيلها .
ضحكت زينة : في هذا معك حق . " يا ما شالتني الى غرفتنا بخفة . وتضحك علي كاني بزر في حضنها ".
سكتت زينة فجأة. ورُسمت ملامح الحزن على وجهها. تردد سامي في البداية, لكنه مسك يدها. زينة ما مانعت .
سامي بحنان : بترجعون لبعض زينة .
زينة بصوت مخنوق : you think so
سامي : اكيد . محد يقدر عليها غيرك .
فاتن : احممم .
سحبت زينة يدها من يد سامي .
فاتن : نحسبك على العشاء معنا ولا .
سامي فهم الرسالة . وقف ولبس البالطو والوشاح .
سامي : بالعافية . انا تاخرت على أصدقائي .
زينة تبتسم : سلم عليها .
سامي بحرج : يوصل .
خرج سامي . والتفتت فاتن على زينة .
فاتن : كنت اظنك ما تحبينه .
زينة تنسدح على الكنب : ما اكرهه.
فاتن : اللي يشوفه من شوي .
قاطعتها زينة وتاشر بيدها : لا تحطين شيء من راسك . الرجال عنده حبيبة .
فاتن : عنده او ما عنده , يلزم حدوده . يكفي اللي صار من حنيته الزايدة .
وضعت زينة يدها على بطنها . قربت منها فاتن بعد ما المحت عبوس وجهها .
فاتن باهتمام : فيك شيء.
زينة : لا . بس شكله ما يرضى على ابوه .
فاتن : مالت على ابوه . مصدق نفسه هذا .
زينة يدها على بطنها : v خلاص . ( تبتسم ) .
فاتن مو مصدقة : جد يزعل علشان ابوه . خل نجرب شيء ثاني. سامي ما في منه رجال ينحط على الجرح يبرى. حنون وطيب .
زينة رافعة حاجبها : جيبي لي البطانية بس.
فاتن تقوم : ما ينعرف لولدك . بيطلع دعلة مثل ابوه .
زينة يدها على بطنها : فاتن وجع .
وضعت فاتن يدها على فمها تكتم ضحكتها .
