..
دخلت غرفة النوم وهي شايلة صينية الفطور بيدها .. صحت من النوم مبكر علشان تجهز الفطور بنفسها .. وما رضت أحد يمد يده عليه .. سوت كل شيء تحبه زينة .. هي حاسة أن زينة متغيرة .. صايرة عصبية وحزينة .. ما تلومها على أي شيء تسويه .. قصرت في حق عايلتها كثير .. لكنها وعدتهم تتغير وتخصص وقت أطول معهم .. وزعت مهامها على اللي تثق فيهم من الموظفين .. وبتتفرغ لعايلتها ..
حطت الصينية على الطاولة .. والتفتت على زينة اللي كانت نايمة على جنبها .. ابتسمت ريم وهي تقرب منها .. كانت زينة شبه متغطية باللحاف .. وباينة بيجامتها الحرير .. وشعرها المتناثر على المخدة .. كان ظهرها مقابل ريم اللي قعدت جنبها على السرير .. مدت يدها تلعب بشعر زينة .. قربت منها وباست رقبتها .. وبعدت علاق البيجاما عن كتف زينة .. صارت تبوسه الى ان صحت زينة وفتحت عيونها ..
زينة بنعاس : خليني انام ..
سحبت زينة اللحاف بتغطي نفسها ..
ريم : سويت لنا فطور .. ما تبين تفطرين معي ..
زينة بتعب : فطري انتِ ..
مدت ريم اصبعها تصحي زينة : قومي حبي ..
غطت زينة راسها باللحاف : ميتة من تعبي ريم .. فطري انتِ ..
عصبت ريم منها .. ولفت جسمها ورفعت اللحاف .. ودخلت تحته فوق زينة ......
زينة بتأفف : ريم خلاص بعدي ..
ريم فوقها ومتكية على يدينها : ابعد اذا قمتِ وفطرتِ معي ..
زينة : واذا قلت لأ ..
ريم ترفع حاجبها وتمرر اصبعها على صدر زينة : بأفطر فطور لذيذ ..
زينة بتأفف : اوووه ريم .. بعدي ..
دفتها زينة بقوة استغربت منها .. اختل توازن ريم وطاحت من السرير الى الأرض .. حطت زينة يدها على فمها تكتم ضحكتها .. ندمت أنها دفتها .. ما توقعتها تطيح .. ريم لياقتها عالية .. قامت بسرعة بتساعد ريم .. لكن ريم بعدتها وقامت بنفسها ..
زينة تمسك يد ريم : والله أسفة ريم ..
ريم بزعل : ما له داعي تتأسفين .. باروح افطر لحالي ..
لحقتها زينة وحضنتها من ورى : اسفة ريمي .. والله من تعبي .. ما نمت زين أمس ..
لفت ريم وقابلتها : أدري .. علشان كذا سويت لك الفطور ..
زينة تبتسم : تعبتِ نفسك ..
ريم تبعد : ما في تعب .. حبيت أفاجئ حبيبتي .. ( ترفع اكتافها ) لكنها ما تبي ..
زينة تتأسف : أسفة .. وبعدين تعالي وش عندك قاعدة في البيت ..
ريم تناظرها : يعني وين أقعد في الشارع ..
زينة : انت فاهمة وش أقصد .. بالعادة تكونين في شغلك في هالوقت ..
ريم : ماني رايحة اليوم ..
زينة باستغراب : ليه ..
ريم : حبيت اخذ إجازة اليوم .. واقضيه مع حبيبتي .. لكن شكلها ما تبغاني ..
زينة مو مصدقة : اخذتِ إجازة ..
ريم بتطلع : كملي نومك .. بافطر لحالي .. تكفي الضربة اللي جاتني ..
طلعت زينة وراها وامسكت ذراعها وميلت راسها عليها :اسفة حبيبي ..(تكتم ضحكتها ) وبعدين ماني قوية مرة علشان أطيحك بهالسهولة ..
التفتت عليها ريم رافعة حاجبها : وش تفضلتِ ..
زينة تناظرها وبابتسامة مايلة : you're weak
ضمتها ريم وباستها بقوة .. رفعت راسها وهي تناظر زينة وتراقب تنفسها المتسارع .. قربت من اذنها ..
ريم بهمس : who's weak babe
نزلت زينة عيونها : وش رايك نفطر ..
تركت ريم بسرعة وراحت صوب الطاولة .. ضحكت ريم ولحقتها .. قعدت على الكرسي ..
زينة باعجاب : مسوية بان كيك ..
ريم بفخر : بالنكهة اللي تحبينها ..
زينة تبتسم : يسلمو قلبي ..
ريم تاكل وتغمز لها بتوعد : بالعافية ..
