..
كانت تلف الشوارع بدون هدف . تبغى تصفي ذهنها وتعيد ترتيب افكارها, راسها بينفجر من كثر التفكير . وش رجعك بعد كل هالسنين . خلي الماضي مدفون . ما راح يفيدك نبشه. تبغى تهرب وتبعد فترة . لكن هروبها مو حل . لازم تواجهها وتنهي العداء اللي معلنته عليها ناديا. ما تلومها على أي شيء تسويه . لكن الحقيقة بتجرحها . تكرهها تعاديها افضل من انها تحبها , وتحس انها مجروحة من هالحب . الكراهية افضل من الحب والخذلان.
دخلت البيت واستقبلتها ريحة كوكيز . توجهت الى مصدر الريحة المطبخ . أسندت كتفها على الباب, وما قدرت تمنع نفسها تبتسم على المنظر اللي قدامها . اذا كان هناك تعريف لمعنى السعادة , فهو اللي تشوفه عيونها . مي تسوي كوكيز وشكله نوعين . لأن داليا ماسكة عجينة وتشكلها وتتهاوش مع أحلام تبغى القطاعة الدائرية . واحلام تقول لها تنتظر دورها . لمى من الناحية الثانية تزين الكوكيز الجاهز . صارت حركتها اكثر انسيابية . تحكمها بالكرسي افضل بكثير من اول ما جات . ما فقدوا الامل انها تمشي مرة ثانية . والأطباء ينتظرون تمر اشهر على اصابتها . ويقوى عمودها الفقري . قبل لا يقررون وش هي الخطوة الجاية .
سهاد : عجبك !!
التفتت مشاعل على سهاد اللي واقفة جنبها : معركة .
سهاد رافعة حاجبها : يخلي لك هالصبية . مسيطرة على كل الجبهات .
ضحكت مشاعل وهي تشوف داليا تأخذ القطاعة من أحلام وتنحاش .
أحلام : بنت .
داليا : انا جيت اول . وكنت اساعدها . من حقي القطاعة .
اخذتها أحلام وهي تغيظها : لكني انا أطول . ( رفعت القطاعة لفوق داليا ).
ناظرتها داليا وهي تبتسم بثقة : لكن ماما أطول . > أحلام توصل الى كتف مشاعل .
أحلام مستغربة : شنو ؟؟
أخذت مشاعل القطاعة من أحلام وعطتها لداليا . اللي كانت تناظر أحلام بنظرات انتصار .
أحلام بزعل : ما ينفع تتدخلين . اكيد انتِ اللي بتغلبين .
مشاعل رافعة حاجبها : انا الأطول .
أحلام : انا الأكبر . المفروض تحترموني .
ضحكت مشاعل : وش عندكم قلبتوا المطبخ مخبز .
لمى : المدرسة مسوين مسابقة لأفضل كوكيز . وباشارك فيه .
داليا : وانا اساعدها . – تناظر أحلام -_- بشزر - الى ان جات الطويلة .
أحلام بسخرية : حتى القصار بيساعدون !!
داليا تمد لسانها : كيفي .
أحلام : انتِ لحالك كوكي . يا النتفة !!
داليا تناظرها وبثقة : لأني لسة ما بلغت . لما أوصل 16 أكون أطول منك . وانتِ لاصقة في الأرض .
أحلام تناظرها : يا ام لسانين , العبرة في العقل مو الطول . > منسوفة الجبهة .
داليا : عقلي كبير . والطول قدامي السنين . والكل يقول اشبه ماما . يعني باصير طولها .
أحلام تناظر مشاعل : شفتِ بنتك .
مشاعل تكتم ضحكتها : انتِ اللي جبتيه لنفسك . افهم وش عندكم على الحماس ؟؟
مي : لمى بتختار افضل كوكيز يسوونها وبتشارك فيها .
هزت مشاعل راسها . ونزلت راسها الى داليا اللي كانت ماسكة جاكيتها . وتناظرها بنظرات تعرفها مشاعل زين !!
داليا تكلم أمها : ماما يصلح ......
قاطعتها مشاعل بعد ما شافت نظراتها : لا . لا . أحلام اكثر من اخت . والمفروض تنادينها خالة. وانا احبها .
داليا بخيبة أمل : كانت تنفع !!
سهاد تتدخل : كلنا نحبها لاحلام . شوبيك دي .
داليا تنقل نظرها بين أمها وسهاد : محاولة علشان ما ....
مشاعل تحذرها : بنت .
داليا ببراءة : ما قلت شيء .
أحلام : شنو اللي انفع .
مشاعل تبتسم : تنفعين لكل خير يا قلبي أنتِ .
أحلام تناظرها بشك : احس وراك شيء أنتِ وبنتك . الا ابي اعرف ؟؟
سهاد عيونها على داليا : صدقيني . ما تبين تعرفين !!
ابتسمت مشاعل لمي , ومي تجاهلتها وكملت شغلها . استغربت منها " للحين مطنقرة علي . ابدا مو وقت مزاجيتك الحين " .
مشاعل : طيب على الحوسة . وين عشانا ؟؟
أحلام : أي عشاء !!
مشاعل باستغراب : ما سويتِ عشاء !!
أحلام تاشر بيدها : مو شايفتنا مشغولين .
مشاعل تهز راسها : بلى . مشغولين . الزبدة ابغى اتعشى .
أحلام : طلبي من برى .
مشاعل : اوووف . يعني لازم اطبخ انا . < ما تعرف تطبخ !!
أحلام تكتم ضحكتها : اشوى ما تطبخين ولا حرقتي البيت علينا .
مشاعل تناظرها بشزر : ما يحتاج احرقه . بس احرقك يا جميل .
أحلام تقلدها : ها ها ها . المهم طلبي صيني .
مشاعل : نشوف راي الأغلبية اول .
أحلام تصفر : اللي يبغى صيني يرفع يده .
كلهم رفعوا يدهم باستثناء مي .
مشاعل : مي ما تبين صيني ؟؟
مي بابتسامة صفراء : اللي تبيه أحلام انا بعد ابيه قلبي – تقلد مشاعل –
ابتسمت مشاعل ابتسامة عريضة , بعد ما فهمت سبب تجهم مي نحوها . قربت منها خطوات , لكن مي ماسكة السكينة تقطع العجين .
مي تهدد : don't you even think about it
بعدت مشاعل : اوكي .
