..
ساعدتها تغسل وجهها , وعملت لها كمادة تحطها على مكان الضربة . ما تخيلت ان ريم تكون بهالوحشية . اللي يشوفها شلون تعامل زينة وتخاف عليها . ما يصدق اللي يشوفه الحين .
زينة تبعد الكمادة : ما الومها .
فاتن : محد يلومها . لكن ...
زينة قاطعتها : أنتِ ما تعرفين ريم . ان جات على كف , فالامر هين . ريم محد يدوس لها على طرف .
فاتن : هذا في عالم البيزنيس . الكل يعرف مدى وحشيتها وانها ما ترحم اعدائها .
زينة : بس اللي يحارشونها .
فاتن : لكن انتِ غير . انتِ حبيبتها .
زينة بندم : حبيبتها اللي خاتنها .
فاتن : كانت غلطة ليلة .وما كانت مقصودة .
زينة : غلطة ولازم ادفع ثمنها .
فاتن : ابغى اعرف وش صار بينكم بالتفصيل ؟؟
ناظرتها زينة , واخذت نفس عميق قبل لا تتكلم ...
زينة : كانت مجهزة البيت الزجاجي اللي في الحديقة . اتصلت علي أول ما وصلت البيت وقالت لي اجيها هناك . ( تمسح دموعها ) ولما وصلت شفتها مجهزة لعشاء رومانسي , شموع وورد والتوليب بالذات . وكانت تعزف على البيانو . معزوفتنا .
فاتن : معزوفتكم ؟؟
زينة تبتسم بحزن : ألفتها لي في أول anniversary لنا . واحيانا لما ازعل تراضيني فيها .
فاتن متفاجأة : يطلع منها الريم .
زينة : ريم تعرف تدلل وتخليك تشعرين انك الوحيدة في حياتها . كاني مركز الكون . ( سكتت وبدت تصيح ) .
فاتن تضمها : هدي خلاص . دامها تحبك هالقد أكيد بتسامحك . لكن عطيها وقت .
زينة تهز راسها : ما تعرفين ريم . صارت مثل المجنونة .
فاتن : كملي وش صار .
زينة بعبرة : اول ما دخلت استقبلتني هي ....
كانت ريم تعزف على البيانو اللي كان مواجه للباب . ابتسمت لما شافت زينة داخلة .
ريم : عجبك حبيبي .
زينة ابتسمت بحزن : شلون ما يعجبني دامه منك حبيبي .
خلصت ريم الأغنية . ووقفت وشغلت موسيقى هادية . وتوجهت الى زينة . باستها وضمتها ومسكت يدها بترقص معها . جارتها زينة في البداية , لكن واضح عليها الانزعاج .
ريم تبوس خدها : loosen up بيبي .
بعدت زينة : ريم .
ريم تقربها منها اكثر : حبيبي . أدري انك تعبانة . ( تضمها ) اشتقت لك . ومن زمان ما كنا لحالنا . هالليلة لك . لك وحدك .
دفتها زينة وبعدت بخطوات لورى . ناظرتها ريم باستغراب .
ريم باستغراب : زيون . وش فيك ؟؟
زينة تاشر بيدها : ليه تصعبين الأمور . ليه كل هذا ؟؟
ريم مو فاهمة : لك .
زينة بحدة : ليه . وش المناسبة ؟؟
ريم تبتسم : حبيبي اول نجاح عالمي لك . وما تبين نحتفل . ادري ان صديقاتك بيسوون لك حفلة. ( قربت ريم منها خطوات ) لكني بغيت تكون هالحفلة لنا . ( ضمتها ) .
بعدتها زينة بقوة كانت بتطيح على ورى , لكنها قدرت تتوازن .
ريم بحدة : وش فيك ؟؟
زينة بعبرة مخنوقة : انا ما استاهل كل اللي تسوينه .
ريم واقفة : ماني فاهمة ( بحدة ) وش فيك .
زينة تناظرها : انا حامل !!
ناظرتها ريم وهي تبتسم : مزحة هذه .
زينة تناظرها : من سامي .
اختفت الابتسامة من على وجه ريم بسرعة خاطفة . خافت منها زينة , وتراجعت خطوتين لورى. لكن مو قبل ما تضربها ريم كف على وجهها . طاحت زينة على الأرض , وغريزيا وضعت يدها على بطنها , بعد ما شافت ريم مندفعة لها بقوة .
بعدت ريم عنها بعد ما شافتها تضم بطنها . رفست الطاولة اللي على يمينها . تطاير الاكل اللي عليها والزجاج . صرخت ريم بقوة . قربت منها ورفعتها .
ريم بين اسنانها : why
زينة تصيح : ريم . كانت غلطة .
ريم تصارخ : غلطة . غلطة .
زينة : والله ريمي احبك .
مسكت ريم فم زينة تسكرها : لا تقولين احبك . لا تقولين شيء ما تعنينه .
زينة تصيح : ريم . اسمعيني .
هزتها ريم بقوة : وش اسمع . ( تصارخ ) أغلى ثنين على قلبي يخونوني .
زينة : ريمي والله انها .......
بعدتها ريم بقوة . طاحت زينة على صوفا دائرية . ووضعت يدها لاشعورياً على بطنها . ناظرتها ريم بقهر .
ريم : شيء كنتِ تتمنيه وصار .
زينة تهز راسها : مو مثل اللي في بالك ريم .
ريم يدها على جبينها وتلف على نفسها : شلون ما لاحظت . دوخاتك . نومك الكثير وزيادة وزنك . وصدرك والدورة . وحبك الغريب للفراولة . كلها عوارض الحمل . شلون ما فكرت شلون ما لاحظت . بغباء وثقت فيك .
زينة تترجى : ريم اسمعني .
ريم يدينها على راسها : راسي بينفجر.
زينة : ريم اسمعيني .
ريم التفتت عليها وبحدة : من متى وانتِ معه .
زينة : ماني معه ريم . والله العظيم ....
ريم تصارخ : لا تحلفين كذب .
وقفت زينة : ما بيني وبينه شيء . كل اللي صار غلطة .
قربت ريم منها لكنها وقفت لما شافت زينة تراجعت الى ان صارت لاصقة في الجدار . ليه انا ضعيفة قدامها . ليه ما اقدر اخنقها بيدي الحين .
ريم تاشر على بطنها : غلطة . تسمين ها غلطة .
زينة تهز راسها : صدقيني ما لمسني غير مرة وحدة .
ريم تضحك بسخرية : وتبيني اصدق .
زينة بعبرة : والله ريم . كنا في السعودية عند اهلي . وانت تعرفين لازم نمثل اننا متزوجين صدق.
قربت ريم منها الى ان لصقت فيها : يبدو ان تمثيلكم صار حقيقة .
زينة تهز راسها : لا لا لا . كانت غلطة ليلة وحدة بس .
ريم بابتسامة صفراء : ليلة زينة .
زينة تصيح : كنت معصبة منك وزعلانة . ووقتها كان .. كان سامي موجود . ومدري وش صار بعدين .
مسكت ريم وجهها بيدها : ما تدرين وش صار.( تمسك بطن زينة ) هذا جواب على اللي صار .
زينة بعبرة : ريم .
بعدت عنها ريم ويدها على جبينها : جاوبيني على سؤال واحد . متى صرتوا مع بعض.
زينة : حبيبي ما في صرنا مع بعض .
ريم تصارخ : ماني حبيبتك .
زينة تصارخ : بلى حبيبتي . احبك احبك احبك .
ريم بهدوء : اللي مثلك ما يعرف الحب .
زينة تصيح : ريم سوي فيني اللي تبين . لكن لا تتركيني . بلييز .
ريم : مكانك مع زوجك مدام زينة .
زينة تهز راسها : لا . you are my wife
ريم تبتسم بحزن : واضح .
زينة تترجى : احبك والله احبك .
ريم تصارخ وبانفعال : ما دامك تحبيني , تخونيني ليه . تبين تعاقبيني يعني لأني بعدت عنك .
زينة : لا . لا .
ريم طاحت على ركبها يدينها على راسها : ااااااااااااااااااااااااااااااااه . ذبحتيني زيون .
قربت منها زينة تصيح ورفعت يدها بتضعها على كتفها : حبيبي . ريمي . انا اسفة .
بعدتها ريم بقوة ووقفت : ما ابغى اشوفك هنا بعد اليوم .
زينة : حبيبي وين اروح .
ريم : مكانك الطبيعي . عند زوجك .
زينة : ريم ما بيني وبينه شيء .
ريم تصارخ : اااااااااااااااه . لا تكذبين .
زينة تصيح وتترجى : سوي اللي تبين فيني . لكن لا تتركيني . اموت دونك ريم .
ريم : ما راح تموتين . عندك زوجك وأبو ولدك يواسيك .
زينة بالم : ريمي .
التفتت ريم على الباب وصرخت : ساااااااااااااااامي .
طلعت تركض مثل المجنونة . حاولت زينة تلحقها ما قدرت . ركبت السيارة ومشت فيها بسرعة جنونية . طلبت من المرافقة يلحقونها . كانت خايفة يصير لها شيء وهي تسوق في هالحالة .
فاتن تضمها : هدي . ردة فعلها متوقعة . وش تبينها تسوي يعني .
زينة تصيح : تسوي اللي تبي فيني ان شاء الله تذبحني . بس لا تتركني .
فاتن : زيون . الأفضل تبعدون عن بعض لفترة .
زينة تهز راسها : لا .
فاتن : زينة الحرمة طردتك من بيتها .
زينة تصيح : ما اقدر V . ما اقدر اتركها .
فاتن : لفترة الى ان تهدئ . كلنا متوقعين رده فعلها .
زينة تضم فاتن بقوة : احبها V والله احبها .
كانت تراقبها وهي نايمة . واضح عليها التعب , وهي ما رحمتها !! رفعت يدها تمررها على تقاسيم وجه مي . ونزلت راسها تطبع قبلة دافية على خدها . توها تنتبه للشبه اللي بينهم . بالشكل بس . مي غير . مي طفلتي . my babe . ضحكت لما تذكرت وش قالت لها مي في المستشفى هذاك اليوم . تبغاني أكون أمها . ابتسمت بخبث I'll be a good mama .
مي بتعب وبنبرة : شيلي يدك !!
مشاعل تبوس كتفها : احبك .
مي تقلب الجهة الثانية وتغطي نفسها باللحاف . قربت منها مشاعل تبغى تشيل اللحاف , لكن مي تمسكت فيها أكثر .
مي : تحبك العافية .
مشاعل رافعة حاجبها : هذا جواب بالله .
مي ماسكة اللحاف بيدنها ورجولها . ما في مجال لمشاعل تقرب .
مي بتعب : أبغى أنام ووراي شغل كثير بكرة .
مشاعل تحاول وما هي قادرة تشيل اللحاف : I'll be quick
مي تغمض : no way babe
مشاعل تترجى : بليز .
مي : نامي ميش .
صعدت فوقها مشاعل : موجايني نوم .
مي تبعدها بقوة : اوووه . قلت لك بنام .
مشاعل تجلس على السرير : وانا طيب .
مي رافعة حاجبها : للحين فيك حيل ذيبة !!
مشاعل تسحب اللحاف : ذنبك مو ذنبي .
مي : ذنبي اجل .
مشاعل تكتف يدينك وتلف وجهها : طبعاً .
مي ترفسها : ذلفي غرفتك .
مشاعل تمثل زعل : اذلف !!
مي تسحب منها اللحاف وتغطي نفسها : ابغى انام .
استسلمت مشاعل بعد محاولات , لكن رفسة على فخذها خلتها ترفع الراية البيضاء . طلعت من غرفة مي وتوجهت الى غرفتها .
ما لقت مكان تروح له . أخذتها رجولها الى شقتها . ترددت كثير تصعد , قبل كان من ممكن . مشاعل عايشة لحالها . لكن الحين بيتها مليان . ناظرت حولها , كانت مخنوقة وبالرغم من وسع الدنيا , ضاقت عليها . رفعت جوالها واتصلت عليها .
خرجت من دورة المياه وهي ترجف . دخل الشتاء بقوة هالسنة . المفروض تعودت . كانت متجهة الى غرفة الملابس لما سمعت جوالها . استغربت من المتصل وفي هالوقت .
مشاعل تبتسم : اهلين يا جميل . شلون خطرنا على بالك الليلة .
ريم بصوت مخنوق : أنا تحت في اللوبي .
مشاعل متفاجأة : وش فيك ريم ؟؟
ريم : صاعدة لعندك .
مشاعل : انتظرك .
اغلقت جوالها واخذت لها ملابس على السريع . خرجت من غرفتها تهرول . صوت ريم غريب كانت تبكي . فتحت الباب في الوقت اللي فُتح فيه المصعد . تقدمت ريم بخطوات ثقيلة . ناظرتها مشاعل باستغراب .
مشاعل : ريمي !!
ضمتها ريم وهي تبكي بصوت مخنوق .
مشاعل : وش فيك ريم ؟؟
ريم تبكي : خسرتها . ليه .. ليه يرحون ويخلوني !!؟؟
..
