..
شالتها وحطتها على الكنب .. نادت أحلام تجي تساعدها .. كانت تناظر مي المغمى عليها .. وتعض اسنانها من الحنق .. " بسببي .. انا وش سويت "..
أحلام : وش سويتي لها ..
مشاعل تناظرها : ما سويت شيء .. اغمي عليها فجأة ..
أحلام تقرب عطر من مي : ما ألومها ..
مشاعل بحدة : هذا وقته الحين ..
أحلام تناظرها : أجل متى وقته .. أحد يسوي سواتك غير المجانين ..
نزلت مشاعل راسها تناظر مي وتمرر اصابعها على خدها : احد يشوفها وما يجن ..
أحلام تبعدها : بعدي .. لا تفتح عيونها وتشوفك .. تدخل في غيبوبة ..
مشاعل باندفاع : بسم الله عليها ..
أحلام بترد .. لكن صوت مي قطعها .. التفتت عليها ..
مي بتعب : لا .. لا .. ما أبي ..
فتحت عيونها وشافت أحلام .. دارت بنظرها وركزت على مشاعل .. اخنقتها العبرة بس شافت مشاعل .. قربت منها مشاعل .. لكن مي تكورت على نفسها وبعدت .. قعدت مشاعل على الطاولة المقابلة للكنب ..
مشاعل بهدوء : مي .. اهدي واسمعيني ..
مي تصيح : انا وش سويت لك ..ليه تسوين فيني كذا ..
مشاعل تناظرها وقلبها يتقطع من الداخل .. ودها تضمها وتدفنها في حضنها .. تقول لي وش سوت .. سرقتي قلبي يا بنية ..
مشاعل بهدوء : مي .. مي ..
مي تصيح ومنهارة : أنتوا وش نوعكم من البشر .. تتفقين مع اخوك علشان يجبيني عندك و...
نزلت راسها تبكي .. وتمسح دموعها ..
مشاعل باسى : مي .. أنا ...
قاطعتها مي بصراخ : أنت شنو .. ( تاشر على نفسها ) كاني صرت عندك ..
مشاعل : مي اذا تبين ترجعين .. بكرة احجز لك ..
مي منزلة راسها وتكلم نفسها: ارجع لمين .. مستحيل ارجع له ..
مشاعل تكمل : راح اخلي ماجد يطلقك وترجعين لبيتكم ..
رفعت مي راسها تضحك بحزن : أرجع مطلقة ..
صارت تضحك بهستيريا .. مسكت مشاعل يدها .. حاولت مي تسحبها لكن مشاعل ماسكتها بقوة ..
مي بترجي : مشاعل ..
مشاعل تناظرها : ما راح يصير الا اللي تبين .. قولي لي وش تبين يتنفذ ..
مي تصيح : ما ابغى ارجع ..
مشاعل تهز راسها : ما راح ترجعين ..
مي : لكني .. انتِ .. أنا ما اقدر ..
مشاعل تبتسم : ما راح أجبرك على شيء ما تبينه ..
مي تتنهد : صدق ..
مشاعل : صدق ..
مي تتنهد : احلفي ..
مشاعل تضحك : وربي ما راح يصير الا اللي تبين ..
مي تمسح دموعها .. رفعت يدها مشاعل تبغى تسمح دموع مي .. لكنها قبضت يدها ونزلتها .. ما تبغى تزيدها على البنت ..
مشاعل بحنان : الحين ابغاك ترتاحين وتنامين .. واذا صحيتي .. فكري على مهلك .. واللي تبينه بيصير ..
هزت مي راسها .. كانت مرهقة وتعبانة من السفر .. والحين هالقنبلة .. ما كان فيها حيل تفكر .. كانت هاربة من براثين زوج أمها وقرفه .. وتطيح في أحضان مشاعل ..
ساعدتها مشاعل تقوم وبعدين بعدت بسرعة .. حست بنفور مي منها .. أشرت لأحلام توديها لغرفتها .. وقفت تناظر مي وهي تصعد الدرج مع أحلام .. ووراهم الخدم شايلين شنطها .. كانت مي تخطي بخطوات ثقيلة .. كانها رايحة الى اعدامها .. وش سويت فيك يا قلبي ..
رمت نفسها على الكنب .. واسندت ظهرها على الكنب .. وميلت براسها لورى وغمضت عينها .. يعدي هاليوم بخير .. ويجي بكرة .. يا خوفي بكرة تقرر ترجع السعودية .. لا .. لا .. هي كانت خايفة من انها ترجع .. وشكلها ما تبغى ترجع .. تقعد .. راضية انها تقعد معي .. مستعدة أنتظرها لنهاية العمر .. بس تكون قريبة مني .. ولو كانت بعيدة عني .. آه مي ..
