دواء جروحي

34

..

هيفاء تبتسم : حي الله من جانا ..
مشاعل : يحيك خالة ..
عرفت مشاعل هيفاء على داليا وعلى لمى اخت مي ..
هيفاء : ما شاء الله داليا كبرت وصارت حرمة .. خبري فيها ام 3 سنين ..
مشاعل تضم داليا وتبوس خدها : كبرت الله يحفظها ويخليها لي ..
هيفاء : الله يحفظه ويخليها لك ..
كانت داليا لاصقة في أمها من اول ما دخلوا بيت ريم .. ومشاعل تحاول تشجعها تروح وتلعب.. لكنها خايفة .. تكون في امان في بيتهم لأنها تعودت عليه .. لكن لما يطلعون مع بعض تلصق فيها وتبكي لو بعدت عنها .. الطبيب النفسي طمنها انها فترة وتروح .. داليا ما تثق بأحد غير أمها .. وخايفة من الكل انهم ياخذونها من أمها ..
هيفاء : شلونك يا لمى ..
لمى تبتسم : بخير خالة ..
هيفاء : ماشية مع العلاج هنا ..
لمى تهز راسها : الحمد لله ..
مي بتفاؤل : طمننا طبيبها انها ممكن ترجع تمشي ..
هيفاء : باذن الله .. ما سجلتي في مدرسة هنا ..
لمى بامتعاض : مدرسة ؟؟
هيفاء تضحك : علاجك يمكن يطول .. بتظلين في البيت طول الوقت ..
لمى : مدري .. بس مدرسة مرة وحدة ..
هيفاء : تتسلين ويضيع عليك الوقت بشيء مفيد ..
مي : فكرة ..
لمى : شنو !!
مي : حنا بنظل هنا فترة طويلة ..
لمى تضرب الكرسي : وهذا ؟؟
هيفاء : في مدراس خاصة بتكون مريحة لك .. حتى العامة في مجال لذوي الاحتياجات الخاصة..
لمى بحزن : قصدك المعاقين ..
قامت هيفاء وقربت من لمى .. قعدت جنبها وناظرتها .. اشرت هيفاء على راس لمى ..
هيفاء : الإعاقة هنا ..
لمى : بس ..
هيفاء : ما احد جابرك .. روحي وجربي .. ما نفع قعدي في البيت ..
لمى هزت راسها .. وقفت هيفاء ومسكت الكرسي بتاخذهم للحديقة ..
هيفاء تبتسم : الجو اليوم روعة .. وغدانا بيكون في الحديقة ..
لحقوها جميعاً ..
مشاعل : ريم وين ..
هيفاء : راحت تنادي زينة ..
مشاعل تبتسم : تأخروا ..

دخلت ريم الغرفة وشافت زينة تتعدل عند التسريحة .. أسندت نفسها على الجدار تراقبها .. كانت لابسة فستان كت يوصل الى ركبها ..
ريم : وصلوا ..
زينة تلبس الحلق : خلصت ..
قربت منها ريم وضمتها من خلف .. وباست رقبتها ..
زينة : حبيبي بنتأخر ..... فراولة ..
ريم تضحك : يا ذي الفراولة اللي ذبحتينا فيها ..
ضربتها زينه وهي تقوم : مو ذنبي اذا حضرتك تخلصين العلبة على جسمك ..
ريم رافعة حاجبها : اذا ودك .. بس يروحون الضيف كلي لك ..
قربت منها زينة ويدينها حول رقبة ريم : اسوي اللي ابيه ..
ريم تبوسها : حلالك ..
دفنت زينة وجهها في رقبة ريم ..
ريم : حبيبي .. مع انه صعب علي .. لكن عندنا ضيوف تحت ..
بعدت زينة عنها .. وقفت تتعطر قبل لا تتطلع ..
زينة تتنهد : ابغى فراولة ..

كانوا قاعدين في الحديقة يشربون شاي بعد الغداء .. تشجعت داليا تروح مع ايلين توريها غرفة الألعاب .. لمى مع جوالها تصور .. وزينة عندها صحن فراولة تاكل منه .. ويا ويل احد يقرب منه ..
مشاعل بهمس : وش فيها عالفراولة ..
ريم : مدري عنها .. تقولين وحام ..
مشاعل تضحك : اتخيل ..
سمعتهم زينة يضحكون .. ناظرت ريم بشزر ..
زينة : وش يضحك ؟؟
ريم : ولا شيء حبيبي ..
زينة : خلص .. ( بدلع ) ابي ..
ريم تقوم : اجيب لك واحد ثاني ..
زينة يدها على بطنها : لا .. معدتي تعورني ..
ريم : حبيبي هذا ثالث صحن تاكلينه ..
زينة تناظر الصحن .. أصابها غثيان وقامت بسرعة .. لحقتها ريم .. ناظرتهم مشاعل وهي تبتسم .. انتبهت ان مي مو موجودة معهم .. قامت تدورها ..