..
ركبت مي السيارة وهي معصبة .. صفقت الباب وراها .. ركبت مشاعل والتفتت عليها ..
مشاعل تشغل السيارة : وش فيك ..
مي تناظر النافذة بنبرة: ما فيني شيء ..
مشاعل : واضح ..
مي : خلينا نرجع البيت ..
مشاعل تبتسم : بنروح نتغدى وبعده ...
قاطعتها مي بحدة : ما ابغى اروح مكان معك ..
مشاعل وقفت السيارة .. والتفتت على مي : وش فيك .. توك كنت مبسوطة بالوظيفة .. ومليانة حماس ..
مي : ما فيني شيء ..
مشاعل : شلون ما فيك شيء .. وش قلب مزاجك فجأة ..
مي مكتفة يدينها : ولا شيء .. ممكن نمشي الحين ..
مشاعل : ماني متحركة الا لما أعرف وش فيك ..
عصبت مي ونزلت من السيارة .. لحقتها مشاعل .. كانت مي تمشي بخطوات سريعة .. ومشاعل وراها ..
مشاعل تنادي : بنت .. وقفي ..
مي : بارجع لحالي ..
لحقتها مشاعل ومسكت يدها توقفها .. حاولت مي تسحب يدها .. لكن يد مشاعل اقوى منها .. واسحبتها لعندها ..
مي : اتركيني مشاعل ..
مشاعل : مو قبل ما اعرف وش قلب مزاجك فجاة ..
مي ناظرتها : اسالي نفسك ..
مشاعل مو فاهمة : وانا وش سويت ..
مي بحدة : ما تدرين وش سويتِ .. حتى المراة لاحظت ..
مشاعل تهز راسها : ماني فاهمة شيء ..
مي بغضب : نظراتك .. تصرفاتك .. كل شيء فيك كان واضح .. خليتي الحرمة تشك أن بينا شيء ..
مشاعل ناظرتها وابتسمت : لا تخافين .. هيفاء open minded .. وبعدين بنتها صديقتي وحنا الثنتين في الهواء سوى ..
مي بحدة : ما يهمني أنت وبنتها وش تكونون .. ( تأشر على نفسها ) أنا ماني مثلكم ..
مشاعل بثقة : you will be
مي بتحدي : never
مشاعل تبتسم : أنتظرك ..
مي تسحب يدها : بتنتظرين كثير ..
مشاعل تبتسم : you don't know the Mesh
مي تضحك : والله ماخذة مقلب في نفسك ..
مشاعل تضحك وتقرب منها وبثقة : راح أذكرك بهالكلام .. وباخذ حقي كامل ..
مي ابلعت ريقها ورجعت لورى : أنا ...
مشاعل : انت ايش ..
مي تزفر : مشاعل .. قلت لك من قبل .. ماني مثلك .. وما ابغى أكون جاحدة .. شاكرة لك انك دبرت لي شغل لكن ... ( سكتت ) ..
مشاعل : وعدتك ما يصير شيء غصب عنك ..
مي رافعة حاجبها : واضح انك تحافظين على وعودك ..
مشاعل تميل راسها : أنتِ اللي جبتيه لنفسك ..
مي : وأنا وش سويت ..
مشاعل تبعد بصرها : لبسك ..
مي تدافع : يحق لي ألبس اللي ابغى .. ومو مشكلتي اذا ما عجب حضرتك ..
قربت منها مشاعل باندفاع وضمتها بقوة .. ما قدرت مي تبعد او حتى تقاوم مشاعل .. بسرعة مفاجأة لقت نفسها في أحضانها ..
مشاعل بهمس : قلت لك .. المشكلة أنه عاجبني ..
مي تبلع ريقها : let go of me
ظلت مشاعل حاضنتها وما تركتها ..
ناظرتها مي بتحدي مصطنع : مشاعل .. let go of me
مشاعل تبتسم : أمرك ..
تركتها مشاعل وبعدت مي عنها خطوات لورى .. صارت تتلفت يمين ويسار .. ما لقت احد .. ما في الا هم ..
مشاعل : خلينا نرجع السيارة .. عازمتك على الغداء ..
مي : لكني مو جوعانة ..
مشاعل : لكن انا باموت من الجوع ..
مشت مشاعل في اتجاه السيارة .. مي ترددت تلحقها ووقفت مكانها .. ركبت مشاعل السيارة .. وتقدمت الى المكان اللي واقفة فيه مي .. فتحت لها الباب وانتظرتها .. ضربت مي برجلها الأرض وركبت على مضض .. أسندت ظهرها على الكرسي وكتفت يدينها .. كتمت مشاعل ضحكتها .. بعد ما التفتت عليها مي وهي معصبة وخزتها ..
