..
نورة تبتسم : يعني أخيراً وافق ..
سعاد : مؤقت .. بس اذا كانت مشاعل هنا ..
نورة : الحمدلله .. خلي هالبنت تفرح لها شوي .. ميتمينها وامها عايشة ..
سعاد بحزن : ليتك تشوفينها .. تلحق أمها وين ما تروح ..
نورة : حسبي الله عليه .. بس شلون اقتنع ووافق ..
سعاد تاشر بيدها : قلت لك شلون ..
نورة تشرب شاي : ماني مقتنعة انه ناصر يخلي داليا عند أمها ..
سعاد : ولا أنا ..
نورة التفتت عليها : وش مقصده اجل ..
سعاد : واضحة .. يبغى مشاعل ..
نورة تكح : الى الحين عنده أمل ..
سعاد : ما شفتيه لما كان هنا .. كان ياكلها بعيونه .. ولولا اخوها قاعد مدري وش سوى ..
نورة : نجوم السماء أقرب له منها .. نسى اللي سواه فيها ..
سعاد : وهي ما قصرت فيه بعد ..
نورة تزفر : هو اللي مكبرها .. ما تبيك البنت طلقها وخلاص ..
سعاد بتعجب : يعني عاجبك اللي صار ..
نورة : لا موعاجبني .. لكن هذا وضع البنات الحين .. يعني هي ما خانته مع رجال مثلا ..
سعاد : هذا جواب بالله ..
نورة : خلينا واقعين .. هذا حال ( ناظرت سعاد ) معظم البنات علشان ما تزعلين .. سواء كانت متزوجة او بنت .. طالعي حواليك .. هذه خوية هذه ..
سعاد ترفع يدها : زمن الله يكفينا شره ..
نورة : كل رقيب على نفسه .. وهي وقفت عليهم بس .. خليني ساكتة احسن .. يا ما في البيوت أسرار ما يعلمها غير ربك ..
سعاد : الله يحفظ بناتي ويحميهم ..
نورة تناظرها : ويحفظ مشاعل ..
سعاد بدون شعور : هي أولهم ..
نورة : ماني مصدقة الى الحين أنك جبتي بنتها عندها ..
سعاد رافعة حاجبها : شايفتني شريرة الى هالدرجة ..
نورة بهدوء : كانت مشاعل رهينة عنده وقتها .. حتى اغتصاب اغتصبها وهي زوجته ..وما حركتِ ساكن ..
سعاد : وش قصدك ..
نورة : وش سبب هالاهتمام المفاجئ ..
سعاد تحط البيالة بقوة على الطاولة : شكلك ناسية أنها بنتي ..
نورة بهدوء : سعاد .. وش السالفة ..
سعاد بارتباك : أي سالفة ..
نورة تناظرها : اهتمامك المفاجئ بمشاعل .. ولا تقولين لي بنتي .. بنتك ناسيتها أنتِ من سنين..
سعاد تتنهد : تظل بنتي ..
نورة : نهايته ..
سعاد : عبد الله ..
نورة : وش فيه ..
سعاد تزفر : بعد شهر .. موعد قراءة وصيته الثانية..
هنادي : وشلون لمى الحين ..
مشاعل بنبرة خوف : لسة ما نعرف .. ننتظر نتايج التحاليل والأشعة ..
هنادي باهتمام : إلى هالدرجة حالتها خطرة ..
مشاعل : في احتمال كبير أنها تنشل ..
هنادي تشهق : يمه .. شلل ..
مشاعل : احتمال كبير أنه شلل نصفي ..
هنادي بزعل : توها صغيرة .. وش بيسوون ..
مشاعل : ما راح ننتظرهم .. بس أخذ التقارير .. راح ناخذها معنا ..
هنادي : كندا ؟؟
مشاعل : أجل وين .. ( بغضب ) ما راح أخليها هنا مع .... ( سكتت ) ..
هنادي : أرحم لها تكون معكم ..
مشاعل بتردد : أنتي .. أنتي تدرين ..
هنادي بحسرة : أدري .. أجل مي وافقت عليك ليه .. أنتي أرحم لها من انها ترجع لأهلها ..
مشاعل : ما جبرتها على شيء .. وهي مثل ما هي ..
هنادي : وبتظل كذا على طول ..
مشاعل تتنهد : أحبها هنادي .. والله أحبها .. ما ادري وش يجذبني لها ..
هنادي بحذر : لأنها تشبه ناديا ..
مشاعل بين أسنانها : ما تشبهها ..
هنادي : تشبهها .. رضيتِ أو لا .. وهذا اللي جذبك لها من الأول .. حتى ان انكرتِ في داخلك .. هذه الحقيقة ..
مشاعل تزفر : مدري .. عموماً أنا وصلت الحين .. أكلمك بعدين ..
هنادي : اشوفك في المستشفى ..
