..
اشترت العقد بالرغم انها ما كانت تبغاه .. غاظها كلام البنت الدلوعة " وش شايفتني .. كبر أمها" .. كانت تسمعها تناديها لكنها طنشتها .. دخلت المصعد والبنت وراها .. مسكت المصعد علشان ما يسكر ..
....... : اسمعيني بس .. أنا اسفة مو قصدي أجرحك .. ما شفت وجهك .. ولما شفت العصا فكرتك عجو.. (سكتت .. كانت بتكحلها عمتها )..
ناديا رافعة حاجبها : كمليها ليه سكتِ .. قولي عجوز ..
....... بترجي : والله اسفة ..
ناديا تاشر بيدها : ما يهمني اسفك .. بعدي عن الاصانصير ..
...... باصرار : مو قبل ما تسمعيني ..
ناديا ترفع اكتافها : suit yourself
ضغطت ناديا الزر وسكر الباب .. حاولت البنت تبعد لكن تعركب كعبها وما قدرت تتحرك .. مسكت الباب علشان ما يسكر عليها .. لكنه علق توهقت وما قدرت تفك رجلها .. ما انتبهت ليدين ناديا تسحبها لداخل .. سمعت صوت باب المصعد يسكر بقوة .. ارتمت في حضنها لا شعورياً .. كانت ترجف من الخوف وقلبها يدق بسرعة ..
ناديا : انتِ بخير ..
... بعبرة مخنوقة : أي ..
ناديا عينها على رجل البنت : ورجلك ..
...... : بخير ( حركتها وضربها الم ) أأأأأي .. ( تصيح ) تعورني ..
ناديا تهز راسها : كملت مع هالدلوعة ..
وصلت مشاعل مكتبها ومزاجها متقلب .. ما قدرت تنام امس .. كانت تفكر اني مي تجاوزت اللي صار لها مع زوج أمها .. لكنها كانت غلطانة .. نظراتها لها امس نفس نظراتها في زواج سارة .. كانت مرعوبة منها .. حاولت تروح لها وتعتذر .. لكنها لقت باب غرفتها مقفول .. كانت تقفله اول ما جات البيت .. لكنها تركت هالعادة بعد رجعتهم قبل أسابيع .. كانوا عايشين كعايلة .. الى يوم العزيمة .. مر اسبوعين ودخلنا بالثالث ومي تتجنبها .. تسولف مع الكل الا معها.. حتى لما تفتح معها موضوع .. تكتفي باجابات مقتضبة .. باءت محاولاتها بالفشل معها وفضلت تبعد هي بعد .. بتخليها الى ان ترضى وتجي بنفسها .. مع اني اعتذرت منها الف مرة لكنها تصدني .. لازم احزم معها الامر الليلة .. صار جو البيت متوتر والكل يلاحظه لما نكون موجودات بينهم ..
قطع تفكيرها دخول جونثان .. كان حامل معه ملف وسي دي .. سلمه لمشاعل .. شغلت مشاعل السي دي .. كان يحتوي على صور وبيانات وحسابات ..
جونثان : دققنا حساباتهم ..
مشاعل تبتسم : وكالعادة كلها سليمة ..
جونثان يهز راسه : صح .. لكن في نقطة فاتتهم ..
رفعت مشاعل راسها : ايش ؟؟
يعطيها الملف .. فتحت مشاعل الملف وقرت الحسابات ..
مشاعل : وش فيها .. سليمة ..
جونثان : شوفي اللي معلم بالاصفر ..
ركزت مشاعل مرة ثانية .. وارتسمت على وجهها ابتسامة عريضة ..
جونثان : مستحيل يتركون عادتهم القديمة ..
مشاعل تضحك : يختلسون من شركتهم ..
جونثان : اذا حابة نرسل هالاوراق للجهات المعنية ..
مشاعل تهز راسها : not know
جونثان : ضرباتهم مستمرة لنا ..
مشاعل : ما يضرنا نبح الكلاب .. خلهم مطمنين الى ان نضرب الضربة القاضية .. ما يكفيني نرد لهم هجومهم .. ابغى انهيهم بالكامل ..
جونثان بحماس : now your back
ناظرته مشاعل رافعة حاجبها .. انحرج جونثان وحاول يرقعها ..
جونثان : كنتِ مشغولة الأسابيع اللي فاتت ..
مشاعل تسكر الملف : عارفة .. وان شاء الله نقدر نعوض اللي راح ..
هز جونثان راسه .. ناظرته مشاعل : في شيء ثاني ..
جونثان بتردد : في موضوع ابغى أتكلم معك فيه ..
مشاعل : ما يتاجل لبكرة ..
جونثان : بالغ الأهمية ..
مشاعل باهتمام : اشغلتني جو !!
جونثان : اطلعتِ على ميزانية مصنع الادوية ..
مشاعل : هي عند بيتر ..
جونثان : اطلعنا عليها انا وبيتر .. تفضلي ..
سلم لها ملف ثاني .. اخذته مشاعل وقرته .. عصبت لما شافت الأرقام لكنها ما تقدر تلومهم .. اهملت شغلها كثير .. كانت مشغولة مع بنتها مؤخراً .. طبعاً داليا تجي في المقام الأول قبل شغلها وقبل حياتها بعد .. لكن من ناحية ثانية كل هالثروة بتكون لداليا بعدها .. ولازم تحافظ عليها ..
مشاعل بحدة : وانا ليه ما عندي خبر ..
جونثان : حاولنا نحلها معهم لكن فشلت كل محاولاتنا ..
مشاعل : المفروض تبلغني .. التكاليف مبالغ فيها وكأنهم يتعمدون خسارتنا .. ليه توك تعلمني الحين ..
جونثان يشرح : ارسلت لك مسج وبلغتك باللي حاصل معنا .. وقلتِ نحل المسألة معهم .. لكنهم مراوغين بالدرجة الأولى .. احس انهم يتعمدون وضع عوائق علشان يفشل المشروع ..
مشاعل يدها تدلك جبينها : الشركة كبيرة ومعروفة .. ولها باع طويل في صناعة الادوية .. مو معقولة يتعمدون الخسارة ..
جونثان : يتعمدون خسارتنا حنا .. العقد واضح وحنا نتحمل معظم التكاليف ..
مشاعل تناظر جوالها : حددي لي موعد معهم .. ضروري اشوف المسألة بنفسي ..
جونثان ياشر على الأوراق : واللي طلبوه ..
مشاعل تقوم : لا تحول لهم شيء الا بعد ما نقابلهم .. وشدد اني ابغى اقابل المسؤول الأول ..
جونثان يقوم : you're leaving now
مشاعل تلبس الجاكيت : بروح مدرسة داليا .. ارسل لي الباقي على البيت ..
