مشوا متجهين لبيت شهد دقايق ووصلوا
شهد : السلاااام عليكم يا أهل البيت
العنود بهمس: شو هالدفاشه لي فيج
شهد: عشان اذا في حد نايم اصحيه
طلعت ام شهد من المطبخ وهي ترحب بالعنود كانت تحبها و تعتبرها وحده من بناتها
شهد: امييي شو غدانا اهخ شو هالريحه الحلووووه
ام شهد: سويت برياني
العنود: خالوووووه كانج تعرفين اني اموت فالبرياني
شهد وهي عينها على العنود: شفتييي قلتلج ماشي احلى من غدا البيت
العنود: وانتي صادقه
شوي وجت ريما تركض بملابس المدرسة لشهد وتحضنها وتبوسها ووراها شما
شهد: فديتتتتت الزين كله حبيبي انتي رجعتي من المدرسه
ريما: ايووووه
ولفت للعنود
وهي تصرخ: عنودي
العنود: ياعيون عنوووودة
شما: ايييووووه الغلا كله لريما ولا انا لييي الله
شهد: يوه يوه يالغيره
ام شهد وهي تسحب شما لحضنها
: لج الله ومن ثم انا حبيبتي بنتي يلا روحوا بدلوا وتعالوا الغدا جاهز
شما: من عييييوني الله الريحه تجنن ببدل سريع و بنزل انتظروني
" شهد عندها أختين شما و عمرها ١٦ و ريما عمرها ٥ سنوات وشهد تكون الاخت الكبيره عمرها ٢٠... أمها و أبوها اطلقوا صارلهم ثلاث سنوات وهي عايشه مع امها بين فتره و فتره يروحون لابوهم "
شهد: امي ترا بطني يعورني ابي اكل وهذيل طولواااا
العنود: خالوووه اساعدج بشي؟
ام شهد: لا يابنتي
شما وهي نازله من فوق: لاتصيحين وصلنا
بدوأ يأكلون ويسولفون و مبسوطين...
عند فارس ...
وصلت شقتي و انا شبه تعودت انه كل مره القى الاكل عند باب الشقه أخذته بهدوء ودخلت بتعب و انا اشوف الرساله وخليتها على طاوله الطعام و انا أحس مالي نفس حتى افتحها و اشوف صح فيني فضول كبير اني أعرف منو الشخص هذا لكن احس حتى التفكير مابي افكر حطيت راسي على الطاوله كانت النيه بس اغمض عيوني أرتاح لكن خذتني النومه
بعد ساعه تقريبا قمت على صوت نادر وهو فوق رأسي
نادر: فارس انت من صدقك نايم هنا؟ قوووم الله يهديك بس
فارس بتعب : انا وين
نادر: انت وين صحصح بس صحصح قوم اغسل وجهك وهذا الاكل ليش ما أكلته وهذا شو رساله من منو وليش نايم بالصاله
فارس: انت شفيك فالدقيقة مليون سوال خلني اصحصح
قمت ودخلت الحمام وتغسلت وطلعت و انا اشوف نادر وهو يقرا الرساله نطيت عليه
: و انت منو سمحلك تفتحها وتقرا؟
نادر: الفضووووول من منو صدق
فارس: مادري صارتلي فتره توصلني هالرسايل وكل مره الاكل يوصلني واذا تذكر قد سالتك
نادر: ايوه اذكر بس غريبه منو هالشخص ماحاولت تعرفه
فارس: حاولت لكن مافي فايده لين تعودت على الوضع هذا خلاص لكن مردي اكشف الوضع و أعرف بس متى ماعرف
نادر بتفحص: فارس بسألك ليش متعب نفسك لدرجه ذي شايف الهالات لي صارت تحت عيونك شايف كيف صرت
" مسكني بكتفي وهو متوجه للمرايه "
: شوف بالله شوف مب حرام عليك تسوي فنفسك كذا مب حرام؟
فارس: لاتزيدني ياخوي تكفى
نادر: لين متى يا فارس؟ لين متى ياعين اخوك
للاسف ماقدرت امسك نفسي و بدت الدموع تنزل من عيوني ...
فارس: لاول مره يا نادر بتشوف فارس بالضعف هذا لي كان مثل قوته مافي صرت امثل الضحكه صرت اسوي نفسي اني ما اهتم لشي صرت امثل اني بخير لكن والله العظيم اني مو بخير مو بخيييير
نادر بهدوء: انت لو دريت انه هي بتتزوج؟ شبتسوي ياخوي اذا بتنهار الحين انهار عندي لاتنهار قدام حد لا تضعف قدام احد طلع كل فيك عندي
فتحت عيوني و أنا اشوف ملامحه الجاده والهدوء لي كان بصوته قمت اضحك بهستيريه على الكلام لي يقوله
فارس: امزح مزحه ثانيه لاتمزح هالمزح
نادر وهو يسحبني لحضنه ويشدني بقوه
نادر: اهدا يافارس اهداااا لاتسوي بنفسك كذا
دزيته بقووه على الجدار
فارس: انت شفيك؟ صاحي؟ قمت اشك انك صاحي شو الكلام لي تقوله انا ادري روان تحبني عارف انها تحبني الحين تقولي بتتزوج؟ رووووح بس
نادر كأنه كان متوقع اي ردة فعل مني وكان ساكت ويشوف حالي
قعدت على الكنب و انا أحاول استوعب احاول استوعب الكلام لي أنقال لي.. قمت احس برجفه و صرت اردد
: روان تحبني ناااادر روان تحبني انا ادري تحبنييي للحين كلمتها ترن باذني وهي تقول " احبك فارس "
تقدم نادر و صفعني ومسك بأيدي
