فارس: بكلم ابوي
نادر: ناوي تنذبح
فارس بكل ثقه: بس انا ماسويت شي ليش بخاف لي مسوي شي بيخاف
نادر: شكلي مابروح للدوام بكون معاك عشان تطلع سالم ع الاقل
فارس: سالم ولا
نادر وهو يقاطعني: انطم انطم و ادخل
دخلت ورا نادر و أنا اشوف امي تضحك مع راشد عورني قلبي و أنا اشوفها
فارس: السلام عليكم
فزوا لشوفتي و بانت فوجههم ملامح الصدمه
فارس: شكلج مبسوطه يا امي الله يدومها عليج
امي ركضت لي ومسكتني وهي تحضني لكن ماعطيت اي ردة فعل الم قلبي كان اقوى مني شوي وجانا صوت ابوي صوته هز الارض من قوته حسيت برجفه و أبتعدت عن امي
: فااااااارسسسسس
نادر كان وراي وصار جنبي
فارس: أبوي انا هنيه لشي واحد ابوي تكفى يا ابوي طلبتك لاتحرموني منها ابوي محد بقالي بالدنيا هذي غيرها انتو تبريتوا مني لسبب بريئ منه ومنعتهم كلهم مني بعد بتمنعوني من روحي؟
ابو راشد: يا فارس تشوف الباب؟ ولا ادليك اياه اطلع من الباب اطلع ماسدك انك تتعاطى؟ راعي بنات بعد وتباني اعطي بنت اخوي واحد مثلك؟ لا حشا والله
فارس: ابوي انا مادري منو لعب بعقلك مادري منو لي قاعد يوصلك كلام مو فيني ابوي انا تربيتك يابوي تربيتك ماضاعت فيني يا امي انا ولدج ماودج تقولين كلمه حق امي ع الاقل لاتخلينهم ياخذون روان مني لاتخلينهم يفسخون خطبتي منها
ابو راشد بجديه: فارس البنت ماعادت لك البنت رفضتك و انخطبت وعرسها قريب
شوي ودخل عمي و اتجهت نظراته لي وهو يشوفني بنظره خايسه
: يا ابو راشد هذا شو يسوي هنيه
نادر : تراه فبيته شو يسوي بعد
( عايلة العم محمد )
عنده بنتين وولدين
سيف عمره ٢٦ و سلطان ٢١
روان ٢٠ و رنا ١٧
. .
ابو سيف: شو هالكلام يا ابو راشد؟
ابو راشد: ماشي منه تسمع لنويدر انت حتى ع الغلط بيشجع اخوه
نادر: ابوي فارس بريئ من اتهاماتكم بريئ
ابو راشد: قسم بالله يا نويدر ان قعدت تدافع عنه لاطردك وراه
فارس : نادر خلاااص.. عمي روان مابتروح لغيري روان لي يا عمي وماراح اسمح للشي هذا يصير خلاص كفايه تلعبون بحياتي
ابو سيف: البنت هي بنفسها ماتباك انا ماجبرتها على شي
تغيرت ملامح وجهي: كيييف ماتباني؟ انا ادري انها تباني وتحبني مثل ما انا أحبها
ابو سيف : انا مابتكلم بناديها الحين و أسمع بنفسك وبعدها تقدر تشل بعمرك وتطلع من الباب
نادر: مووو انت لي بتطرده من البيت يا عمي
راشد: ناااادر احترم عمي
نادر: هو ماحترم حد
جلست على الكنبه احس رجولي مو شايلتني ركضت لي مريم وهي تبكي تجاهلت كل لي موجودين و حضنتني بكل قوتها وهمست لي باذني
: فارس ريح نفسك مردهم يعرفون الصدق لاتضايق نفسك ياخوي
قاطعها ابوي وهي يسحبها من عندي
ابو راشد: لاتوسخين نفسج فيه
