وصلت البيت وقفت على مرايه سيارتي و أنا أعدل غترتي حسيت بدقه على كتفي لفيت و كان عبدالله و هو مبتسم
و شاق الويه
: عبدالله ؟؟ شتسوي هنيه
حضني بقوه : لأول مره اكون مبسوط هالكثر
بعد عني و هو مازال مبتسم و نظرات الاستغراب زادت و انا مازلت افكر بسبب وجوده فبيتنا ليكون لي فبالي ليكون أبوي أقتنع و صدق اني انا بريئ من كل اتهاماته ؟
عبدالله: ايوه يا فارس لي فبالك صار ايوه لي تفكر فيه صحيح
فارس: و كأنك تقرأ افكاري ؟
عبدالله: أنا أفهمك دون ما تتكلم يا اخوي و انا عارف حجم الألم لي سببته لك بدون اي قصد مني والله ما نويت لك الشر لكن
فارس بمقاطعة: صار لي صار يا اخوي كل شي خيره
حطيت إيدي على كتفه و انا حاس نفسي مو عارف أشرح اللي احس فيه باللحظه هذي سمعت صوت من ورانا
: يلا يا عبدالله مشينا
لفيت على صوته و هو اول ماشافني
: مرحبا فاااارس اسمحلي يا اخوي مانتبهت عليك
فارس: الامور طيبه و شحالك يا فهد ؟
فهد : يسرك الحال .. يلا عاد نحن نترخص و اسمحلنا على كل لي صار
" فهد يكون اخو عبدالله الكبير "
فارس: ماصار الا كل خير ..
عبدالله : طلبتك يا فارس لاتقطعني لا تقطع الوصل لاتخلي لي صار يأثر علينا
فارس: لا تشيل هم
دخلت و رحت للمجلس و انا احس رجولي مو شايلتني دخلت و أنا اشوف أهلي كلهم موجودين فزت أمي لشوفتي و هي تركض و تضمني و تبكي و تبوسني و قامت معها مريم و هي مبتسمه و مبسوطه و مسكت بأيديني
: شو لي صاير الحين ممكن حد يفهمني ؟
بعدت أمي عني و شفت ابوي و هو يتقدم لعندي و لمحت نادر و هو مبتسم للحظه هذي و مازالت مريم ماسكه بأيديني و هي ترص عليها سحبني ابوي لحضنه و فكت مريم ايدي و انا كنت تحت وضع الصدمه معقوله لي يصير يارب انه مو حلم يارب انه واقع ابوي بعد المده هذي كلها يضمني لحضنه ؟ كنت واقف بدون اي حركه كنت بحضن ابوي! لي تخلى عني قرابة السنه كنت بين ايدينه ماكنت مستوعب اي شي من لي يصير سمعت صوته المبحوح
: سامحني يا ولدي سامحني أني جرحتك طول الفتره هذيك سامحني سامحني اني بعدتك عن امك و أخوانك سامحني اني منعت امك عنك سامحني عن كل شي
بعدت عن حضنه و لمحت الدمعه بعيونه كانت عيونه حمرا أحس لساني انربط ما كنت قادر أتكلم كلمه وحده
: انا ادري إنك مصدوم الحين و من حقك انا غلطت بحقك و أعترف لكن بأذن الله بيصير الوضع افضل و من اليوم انت هنيه بين اهلك و ناسك
حسيت بحرقه بعيوني بس منعت نفسي من أنها تنزل دمعتي بالموقف هذا
نادر بتدخل : منو قدك ابوي لي مايحضن حد حضنك
لمحت بسمه ابوي
: تعال انت بعد بحضنك
نادر: لا اليوم الدلع لفارس بس .. فارس مرحبا فيك بالبيت مره ثانيه هرمنا عشان اللحظه هذي
فارس: كنت واثق انه الله بيظهر الحق بيوم وفعلًا وصل هذا اليوم و قلتها لك يا ابوي الحق بيظهر
مريم نطت علي و هي تحضني و تبوسني
: أخيرا بحصل حد يسهر وياي و يشوف افلام وياي نادر و راشد مامنهم فايده
فارس : عيوني لج
