قمت بغضب وتحركت بطلع من الكوفي و أنا احس اني ماشوف قدامي من شدة الغضب لي أحسه عند الباب صدمت بشخص و الصدمه كانت شهد
و اللابتوب بإيدها حاضنته صدمنا بعض بقوه وطاح من إيدها نزلت بأخذه ونزلت معي بنفس لوقت ورفعت عيني و جت عيني بعينها و أبعدت عينها بسرعه بتوتر قمت و أبتعدت عنها
فارس بصوت اشبه للبحه: السموحه منج
طلعت عنها و أنا احس برجفه مو طبيعيه
: فاااارس
صديت لها
شهد:بطاقتك طاحت
أخذتها من إيدها ولفيت بمشي دون ماقول حرف
شهد: فاااارس فيك شي؟
فارس: ابا منج خدمه؟
شهد: تم أمر وش بغيت
فارس: وصليني لسيااارتي و الحين
شهد: يلا مشينا
كنت احس خطواتي ثقيله أحس قلبي يألمني بقوه و الغضب مأكل قلبي و كنت أحاول اخبي رجفة إيدي وحطيت ايديني بجيبي شهد كانت هاديه ولا قادره تتكلم بحرف واحد حست بغضبي وضيقتي معقوله لهدرجه مبين علي؟
ركبنا السياره وكان الهدوء مالي السياره مرت خمس دقايق و لا واحد فينا يتكلم...
فارس: شهددد ممكن تزيدين سرعتج بديت انكتم
شهد بهدوء: انت ملاحظ رجفتك؟ حتى بصوتك واضحه الرجفه انتبه تقول هالمره مافيك شي
فارس: و كأنه الشي وايد يهمج حتى لو فيني خلي لي فيني فيني
شهد وهي تضرب الدركسون: و انت متى بتستوعب انك ماتهمني اصلا متى بتستوعب اني ماسال عشانك انت اسال عشاني ماحب أشوف احد كذا ولا أسوي له شي ولا حتى اواسيه بكلمه! استوعب شوي
فارس بتجاهل: تدرين باجر شو؟
شهد: شو باجر؟
فارس: ولا اقولج انسي دام وصلنا بس وقفي هنيه
وقفت السياره بغضب وهي تأشر لي على الباب
: انززززل يلا
نزلت و أنا رايح لسيارتي ومازالت الرجفه بأيدي..
عند نادر
نادر وهو يشوف الرساله لي جت على التلفون : مريووووووومممممم بسرعه هاتي مفتاح سيارتي أركضي
مريم: بسم الله شفيك؟
نادر: بعدين اقولج بسرعه هاتي المفتاح بروح البس فارس بيسوي مصيبه انا ادري فارس لا عصب مايشوف قدامه بيذبحه والله بيذبحه
مريم بخوف: نااااادر علمني شصاير نادر لاتخوفني شفيك فارس فيه شي؟ فارس شفيييييييه نادر تكفى لاتخوفني
نادر: تكفين يا مريوم روحي بعدين اقولج كل شي
مريم والدمعه بعيونها: بتخلوني على أعصابي انا ادري
نادر: والله بقولج كل شي بس روحي
راحت مريم وهي تركض بكل سرعه لغرفه نادر تدور على مفتاح سيارة نادر و الخوف متملكها و نادر راح يلبس وهو عارف أنه فارس بيروح لمحمد بيروح وبيطلع كل ضيقته فيه و هو عارف عصبية فارس لا عصب
: مريوووووووووم وينننننج يلا
مريم وهي تمسك نادر من كتوفه : هاك بس تكفى يا نادر تكفى طمني طمن قلبي علمني وش صاير نادر مابي أفكر قول شصاير فارس فيه شي؟
نادر وهو يفتح الرساله لمريم:
هذا لي صاير و انا ادري نادر بيشوف له اقرب حل وبيوصله وبيطلع كل حرته
مريم: الله ياخذهم... روح نادر روح لا يذبحه
طلع نادر وهو مستعجل يبي يلحق على فارس يبي يروح للاستراحه لي كل مره كانوا يجتمعون فيها وهو متاكد انه بيكون هناك...
عند فارس
نزلت من سيارتي للاستراحه بكل ضيقه و أنا اصرخ باسم محمد و أيديني مازالت ترجف و الحرقه لي بقلبي كانت أكبر من كل شي
: محمد اطلللللع لو فيك خير اطلع والله ياليوم مايمر على خير اطلع
طلع محمد وهو يناظرني بنظرات كلها حقد على استغراب
: خير شعندك شفيك قاعد تصارخ شال المكان بصوتك
فارس: و لك ويه تسأل؟
محمد: و ليش مالي ويه.. اوووه زعلان انك انرفضت ووافقت علي؟ حبيبي فارس الله يعوضك لاتزعل
فارس: محمد لاتختبر صبري
ماقدرت امسك نفسي اكثر و أتناقش أنهديت عليه ضرب ماصرت أشوف قدامي شوي و جاني بقس منه زاد حرتي حرتين صرت أضرب و أضرب دون ما أحس بنفسي سمعت صرخه نادر من وراي
: فاارس بسسس ذبحته ذبحته
جا وهو يمسكني بكتوفي يسحبني عنه قمت واقف و أنا اناظر محمد لي على الارض و أمسح الدم لي ع شفتي بكل غضب
محمد: بتندم يا ولد سيف بتندم
فارس وهو يضحك باستهزاء: تخسي وتعقب انك تندمني
مشيت لسيارتي و نادر لحقني
نادر: شو لي سويته يا فارس؟
فارس: هذا قليل فيه وبعدين انت لاتكلمني بعز حاجتي لك قاعد تاكل و اطقطق على حسابي
نادر: و انت تفهم كل شي على كيفك صاير نار وشرار محد يقدر يكلمك
فارس: ترا والله أبدًا مب وقتك قوم عني
نادر: فارس الضيقه هذي مابتنفعك بشي وبعدين ما بقوم و ترا انا وراك روح للشقه لاتروح مكان ثاني
فارس: تتامر علي انت ولا شوضعك
نادر: أعتبره لي تعتبره يلا روح و انا وراك
