: حيييي الله القاطع لي ما يسأل عن اخوه
فارس: الحين انا لي قاطع ؟ و بعدين توك معرس تباني أقعد ادق لك كل شوي
نادر: ايوه بس ما تقطعني
فارس: واضح مشتاق لي
نادر: عاد تبا الصدق ولا الكذب؟
فارس: الصدق
نادر: والله الصراحه تولهت لدرجه اني رجعت البلاد
فارس: بذمتك ويت ويت انا كيف ما ركزت انك دقيت علي برقمك
نادر: مادري يمكن عقلك طار
فارس: و انت الصادق قلبي لي طار
نادر: اخسس كلام جديد صار يعترف
فارس: شفت كيف
نادر و هو يكلم العنود: العنود والله و طلعت خويتج مو هينه
فارس: حركاتك ما تخليها يا نويدر انقلع وصلت الكوفي
نزلت من السياره و دخلت للكوفي كان شبه زحمه على طول دخلت و أخذت ملابسي و طلعت و بديت أشتغل و أخذ طلبات و عقلي بعيد للحين أفكر بكلام أبوي يوم يقول
" لا ارتحت بقربه ولا بعده " لكن رغم كل الكلام لي ينقال لي صرت متعود لكن هالكلام حسيته من قلب قلبه ناداني أحمد و رحت له
: آمر بغيت شي
احمد: سمعت انك كنت تعبان و بالمستشفى روح و ارتاح لاتشيل هم الشغل يا خوي اهم شي صحتك
فارس: لا ما علي باس بخلص الدوام و بروح برتاح
احمد: لا عليك يا فارس اذا تحس ب اي تعب ابد لاتشيل هم و روح ارتاح
فارس: خلاص تم شوي و بروح
احمد: زين لي تشوفه و سلامتك
ابتسمت له ورحت أكمل شغلي كنت اخذ و أودي و أجيب و اسوي قهوة و انا اشتغل طلعت بوجهي شهد
: من وين طلعتي انتي مانتبهت انج موجوده
شهد: من شوي وصلت بطمن عليك و بمشي شو صحتك الحين
فارس: بخير من شفتج
شهد: لا صدق
فارس: و هذا الصدق
شهد: أحسك مو على بعضك صار شي يوم رحت البيت
فارس: صار بس الأمور طيبه
شهد: بخاطرك تتكلم؟
فارس: انتظريني ببدل و نمشي شوي
شهد: و دوامك؟
فارس: ما عليه قلت لاحمد اني بروح
رحت بدلت ملابسي و طلعت لقيتها تنتظرني
: عسى ماطولت
شهد: لا ما طولت عادي
فارس: ما دريتي المعاريس رجعوا
شهد: امااانه صادق؟
فارس: غريبه لاتقولين ما كلمتج العنود
شهد: الحيوانه والله ما كلمتني حتى رساله مافي انا شكلي بجهز الزعل
فارس: ازعلي من حقج الصراحه
شهد: ها شوف مامداني ازعل الا هي ارسلت شكلها حست فيني
فارس: ازعلي ازعلي انا اقول لمهم نروح البحر الحقيني
شهد: مو كأنه برد؟
فارس: حلاته الجو
مشينا للمكان المعتاد كل واحد بسيارته و تقابلنا هناك اخذت معي الفروه لي كانت بالسياره و نزلت
: اسبقيني للمكان بجيب شاهي
اخذت لنا دلة شاهي و ما نسيت الفصفص لي هي تحبه وصلت و انا احط الدله و أرمي لها الفصفص لفيت من وراها وحطيت الفروه لها
: عشان ما تتعذرين بالبرد و تقولين بمشي ادفي عدل
شهد: الحين منو قال لك اني بطول ولا جايب دله
فارس: انا قلت
شهد: عشان أمي تاكلني
فارس: ترا توه الوقت حتى توها تغيب الشمس
شهد: حتى لو
فارس: تشمين ريحة العطر لي فالفروه ؟ هذا عطر شريته في حال تبين تشلينه قولي لي
شهد ابتسمت و هي تأكل الفصفص متجاهله كلامي
: شو قالت لج العنود وين هم
شهد: كلمتني شوي و اختفت شكلها مشغوله
فارس: نويدر ماخلاها تتنفس
شهد: خلك منهم شو صار معاك و ضايقك
فارس: كالعاده ابوي و كلامه
شهد: شو قالك احس هالمره واضح الضيق واصل عندك
فارس: مادري احس لمفروض تعودت على كلامه بس بكل مره اتضايق يا شهد بكل مره يزعلني الكلام و كأني مذنب و غلطان صدق
شهد: يا فارس انا مؤمنه أنه فعلا تنتظرك ايام حلوه صدقني الله بيرضيك عن كل مر عشته ماتدري وين الخيره بكل لي يصير ماتدري شو الله كاتب لك
فارس: تنتظرني الايام لي بتجمعني فيج و نصير تحت سقف واحد
