تقدمت لسيارتي و أنا أخذ القهوه من السياره راجع لها شفتها و هي تمشي على الشاطىء و أيديها ورا ظهرها
وصلت لها بخطوات هاديه و أنا أحط القهوة بأيدها لفت علي
: انت بيصيرلك شي لو ماطلعت لي فجاه؟
فارس: خفتي يعني
شهد: لا
فارس: واضح أشوف الخوف بعيونج
شهد: تخيل بس اخاف منك؟
فارس: تبين تشوفين اذا تخافين ولا؟
شهد: اف خلني اشرب القهوه ترا للحين أحس اني معصبه منك
فارس: و ليش معصبه ان شاءالله
شهد: على اختفائك المفاجى هذا ماتدري كيف صرت احاتيك لكن ماتستاهل صدقها العنود
فارس: اوبه انتي و حرمت أخوي تحشون فيني؟
شهد باستغراب: منو حرمة اخوك؟
فارس: العنود
شهد: هااا
فارس: لاتبققين عيونج ترا ما تخوفين
شهد: شتقول انت فارس
فارس: الله يسلمج أخوي نادر يبا يخطب العنود و انا قلتله مالي غير شهد
شهد: و شهد شو تبا تسويلكم
فارس: انتي بتكلمين العنود
شهد: انت صادق ولا تمزح؟
فارس: يا بنتي تشوفينه هذا موضوع ينمزح فيه
شهد: يعني نادر يبا يخطب العنود و هو مايعرفها حتى
فارس: يقول من شافها انشل قلبه مسكين اخوي طلع خفيف
شهد: فارس انتو قوم بن سيف؟
انصدمت من سؤالها او بألاصح كيف عرفت هالشي ناظرتها بأستغراب
: و انتي شدراج
شهد: يعني صح
فارس: سألتج كيف عرفتي
شهد: وحده من خوياتي قالتلي
فارس: وهي شدراها بابوي
شهد: ياكثر اسألتك الحين انت صادق بموضوع العنود
فارس: طبعا صادق عسى بس مو مخطوبه لا ينجلط المسكين
شهد: لا
فارس: زين بعدج متضايقه؟
شهد: أحاول أتناسى
فارس: لاتفكرين يا شهد التفكير ما غير بيذبحج أساليني
شهد: حتى لو اسألك تبي تقنعني أنك ماتفكر
فارس: شهد أنتي شو داخل مخج؟ ترا محد بالدنيا هذي مايفكر بس لي اقصده لج لاتفكرين وايد لا تتعبين عقلج بالافكار
شهد: لاتنصح و أنت ماتطبق
أحتدت ملامحي و أنا أشوفها و أناظر بعيونها
: تدرين عاد؟ والله أني انا الغلطان والله لاني قاعد أهون عليج و انتي بس عشقج و موتج تعاندين و توقفين لي على اي كلمه أقولها دام قلت لي عندي و علمتج بالشي لمهم لي كان لازم اقوله أستاذن
مشيت عنها و أنا أغلي من الضيقه هو انا شو قلتلها هو انا غلطت عليها؟ هذي جزات لي يحاول يخفف عنها و يهون عليها هذي جزاتي؟ رفعت رأسي و أنا أحس بضيقه متى بحس يومي يمر بشي حلو متى؟ قعدت على الشاطى و انا اتامل الموج و بالي بعيد مر على مسامعي صوت أطفال وراي يلعبون كوره و يضحكون مع بعض لفيت عليهم بأبتسامه و أنا اقوم متوجه لهم
: ماودكم تلاعبوني معاكم
: تعااال
: تعال انا ابغيك بفريقي احسك بتفوزني
توسعت ابتسامتي و انا اشوفهم مبسوطين ومتحمسين أني قمت العب معاهم
فارس: خلاص تم انا بفريقك
وبمزح: تراني ماعرف العب علموني
: انا بعلمك ازهل
فارس: يلا
بدينا اللعب و إرتفعت ضحكاتهم و هم مبسوطين على لعبي معاهم أبتسمت لوهله حسيت اني إنسان خالي من اي مشاكل لوهله حسيت نفسي مبسوط و أنا العب معاهم سجلنا اول قول عليهم و ركض لي معاي بالفريق و هو يحضني و مبسوط
: يسسسسسس قوووللل
فارس: ايوه فزنا عليييهم مبسوط؟
: اكيييد
حطيت أيدي على رأسه و انا مبتسم له رفعت رأسي و شفتها و هي تتقدم لنا و عينها علي استغربت هل هي من أول كانت تراقبني ولا شوضعها
شهد : فارس تعال ابغيك شوي
لفيت عيني للولد: انا بروح الحين ماوصيك فوز عليهم
وهو يتجاهل كلامي : هذي زوجتك
رفعت رأسي وحطيت عيني بعينها لاحظت عليها التوتر و هي تلعب بأصابعها و أنا ابا ازيد توترها قلت
: ايوه زوجتي
بانت الربكه بوجهها و هي مصدومه و عيونها بعيوني لفت عني
شهد : فارس يلا
تقدمت و أنا أمشي معاها و كنت ملتزم الصمت ماودي أتكلم ماودي أتكلم و أضايقها بكلامي
: فارس أنا أعتذر على لي صار قبل شوي
فارس: وشو لي صار قبل شوي
شهد: فارس ادري أني غلطت بس انت تعرف شكثر كنت متضايقه
فارس: و لي متضايق يا شهد يضايق لي حوله عشان يرتاح؟
شهد: فارس تكفى أفهمني
فارس: شهد خلاص
ما ردت علي كنا نمشي متجهين صوب الكرسي و انا أمشي فجاه سمعت شهقت بكاء لفيت عليها و كانت عيونها مليانه دموع
: لا حول الله يا شهد تكفين خلاص ممكن افهم ليش تصيحين الحين؟
شهد: احس بخنقه
فارس: شوفي بس لاني طيب شرايج أعزمج على ايسكريم؟ و بالمره نزكم مع بعض
شهد: خلها وقت ثاني احس بروح بقعد مع أمي قبل تسافر
فارس: زين أكليه و أنتي بالطريق
رحنا لمحل قريب من المكان لي كنا فيه طبعا انا كنت دايم لا مريت لازم أحلي من عندهم و قفت و أنا اطلب لي ولها ماسألتها شو تحب اي نكهة حبيت أخذ لها من الشي لي احبه أنا كانت واقفه تنتظرني على طرف بعد ما أخذت الطلب تقدمت و انا أمشي باتجاهها
: هاج خذي أخذتلج أيسكريم أوريو نفسي
شهد: تحب الاوريو؟
فارس بحماس: احبج أنتي
تحول وجهها للاحمر و هي تصد عني بوجهها
شهد: شكلك صدقت اني زوجتك
فارس: وليش لا؟
شهد: أنطم
فارس: واييييي تعرفين تستحين انتي؟
شهد: وليش استحي شو صار عشان استحي
فارس: هذي صايره نار وشرار محد يقدر يمزح معاها
كملت تاكل من الايسكريم دون ماترد علي لفيت بوجههي و انا أحس نفسي مو قادر أخبي ابتسامتي مو قادر أخفيها مو قادر أنسى وجهها لي تحول للون الاحمر
مشيت معاها لسيارتها صدت علي قبل لاتركب
: أعتذر منك مره ثانيه
فارس: و على شو تعتذرين انتي؟ ماصار شي
شهد: بس أعتذر
دققت بملامحها أكثر كان واضح عليها أنها فعلا متضايقة
فارس: انتي معقوله كل هالحزن و الزعل لانج ماتبين تروحين عند أبوج؟
شهد: للاسف
فارس: زين شرايج أشوف لكم مستشفى يكون قريب منكم بدل لاتسافر وتتغرب برا مستشفى معروف و علي أتكفل بكل شي بس لا يضيق هالويه و يزعل
شهد بفرحه: امانه صادق فارس تعرف حد؟
فارس: خلي علي كل شي انتي و باذن الله برد عليج اليوم بس امج هي شو فيها ممكن أعرف؟
شهد: الكلى و أخر فتره صارت تتعب علينا و خالي قرر يسفرها
فارس: ماعليه انتي وكلي أمرج لله و كل شي بينحل
شهد: عمري مابنسى وقفتك هذي
فارس: شدعوه ترا باقي ماسويت شي
شهد: يكفي أنك فكرت
فارس: عطيني تلفونج شوي
شهد: ليش شو تبا فيه
فارس: بكلم نادر بشوفه وينه
شهد: و تلفونك وين؟
فارس: زين خليه عندج محد يباه
شهد: هاااك يالزعول
و أنا أخذه من أيدها : غصب عنج
مسكت تلفونها و أنا أكتب رقمي بدون أي تردد و رنيت على رقمي رفعت راسها و هي تتأملني بأستغراب كأنها تقول " كيف مو توك تقول انه بالسياره كيف صار بجيبك " أبتسمت بخبث و أنا أشوفها
: انتظري اتصالي اليوم باذن الله ببشرج بخبر يفرحج
شهد: فارس يالكذاب قال بيدق لنادر و أشوفه يدق على تلفونه
