عبدالعزيز: كيفي .. شما شو الدراسه معاج ؟
شما: الحمدلله
شهد: امي الغدا ما جهز ؟
ام شهد: بقوم اشوفه .. عبدالعزيز لا تروح غداك عندنا
عبدالعزيز: ان شاءالله خالوه
شهد بهمس ما سمعه غير عبدالعزيز: وين تبينه يروح
و شما قدام عيونه
عبدالعزيز: تبين كف انتي ولا شو ؟
شهد: بكسرها هالايد
عبدالعزيز: اسكتي خليني اشوف علوم شما .. ايوه و شخبارج بعد
شهد: لا بعد اصب لك قهوة عشان تحلا القعدة اكثر
عبدالعزيز: والله ياليت بعدين انا قلت ابا ماي
و غمز لها
شهد بغياض: لا يا حبيبي عشان تأخذ راحتك
عبدالعزيز و عينه عليها : وش حيلة المشتاق يا شهد ؟
شهد و هي ترجع بالوقت ورا و تتذكر أعتراف عبدالعزيز بحبه لـ شما قبل لا يسافر رغم فرق العمر بينهم الا انها خذت قلبه كانت تجمعهم ذكريات حلوة وهم صغار
و مواقف ..
عبدالعزيز: والله يا شهد أنه قلبي انسرق و تخيلي بس منو سرقه ؟
شهد: اخس عزوز يحب من وراي منو تعيسه الحظ اقصد سعيدة الحظ ؟
" للتذكير عبدالعزيز يكون أخو شهد بالرضاعه و شما
ما تعتبر أخته "
عبدالعزيز : شما
شهد بمزح: بالله عليك شموه ما غيرها ؟ انت بتخلص دراسه و هي بعدها تحفر بالمدرسه
عبدالعزيز: القلب و ما يهوى
شهد : والله و طلعت شما مو هينه تعرف تسرق القلوب
عبدالعزيز: شفتي كيف ؟
حست شهد بقرصه بأيدها رجعتها للواقع
: وجععع قطعت إيدي شفيك
عبدالعزيز: لي سارق القلب يتهنى به
شهد: قوووولها لنفسك .. شموه خفي عليه عذبتيه
ما حست الا بضربه على كتفها
: قووومي هاتي ماي بس
و قامت و هي تضحك و خلتهم.. مر لوقت و تغدوا و راح عبدالعزيز و شهد و شما قاموا يلبسون عشان يطلعون مع مريم
: الو مريوم
مريم : جاهزه انتي وصلت قرب البيت
شهد: ايوه اصلا انتظرج
مريم: يلا زين اطلعي معاي العنود
طلعوا شهد و شما و هم يركبون السيارة و راحو للمحل لي مسوين فيه فساتينهم و هم مقررين يجربون و يشوفون شكل الفستان و يشوفون القياس اذا ضابط ولا
: الله شششهههددد يجنن طالعه قمر ياويل حالك يا اخوي بيتعذب لو يشوفج فيه
شهد و هي تغطي ويها بخجل من نظرات البنات لها
: خلاص لا تطالعوني كذا بس صدق احس الحمدلله راضيه عنه هالفستان بأتم الرضا يلا مريوم انتي روحي جربي فستانج خلينا نشوف
دخلت مريم و راحت معها شما تساعدها و شهد راحت تبدل و طلعت تشوف العنود لاحظت التعب على ويهها
و كانت ملتزمه الصمت بغير عادتها
: عنودي فيج شي ما عطيتني رايج بالفستان
العنود ببكى: احس اني بولد حاسه بألم
شهد: شكله نفس كل مره تحسين بألم بس ما يكون الم ولاده
العنود: هالمره غير احس الالم قوي .. اهخ شهود
شهد بخوف: انتي من صدقج ؟ اصبري اصبري خليني أناديهم
العنود : انا شو طلعني معاكم ليتني قعدت بالبيت
