شهد كانت مستمتعه بريحة العطر لي هبت عليها لكنها تداركت نفسها لفت بوجهها عنه
فارس: خلاص خذي بس احب اعصب فيج
شهد وهي تاخذه: تراك كرييه
فارس: لاتخليني اخذه عنج
شهد: برفسك لين اطير صدقني وبعدين ترا بس بخلص الشاهي و بمشي
فارس: لي تشوفينه
عم الهدوء و صوت موج البحر بينهم وهو يرتطم بالحجر قوي . . قامت شهد من مكانها وهي تستشعر الهواء البارد لي يضرب على وجهها و تشرب الشاهي شوي و بدت تحس بالماي و هو يجي على رجولها
فارس : شهد انا بمشي تبين شي؟
شهد: وين بتروح؟
فارس : مادري
شهد: انت بخير؟
فارس: لو اقولج بعد مادري بتصدقيني
شهد: شفيه قلب مودك تذكرت شي
فارس: مادريييي
شهد: شاركني لي تفكر فيه
فارس: ما عندي شي أقوله
تقربت شهد من البحر اكثر و هي تلعب بالماي و لفت عليه و هي فبالها شي تسويه ضحكت بخبث و هي ترش الماي عليه و توسخ ملابسه
: شهد يالياهل شتسوين خيستي ملابسي والله ترا لو اقرب مب ياحظج
شهد: قرب اشوف شو بتسوي
فارس: لمشكله انتي صياحه بتصيحين علطول
شهد: لانك اصلا مابتسوي شييي
و رجعت ترشه مره ثانيه و ركض صوبها و هي ركضت وبدت تتعالى ضحكتها كانت تلف تشوفه و هو يركض وراها يحاول يطيحها بالبحر
شهد: والله امانه فارس خلاص
فارس: الحين خلاص هااا
و لف ايدينه عليها و هو يمسكها وهي تترجاه بعيونها عشان لا يرميها لكن تجاهل نظراتها و هو يرش الماي عليها
: هاااا ارميج؟
شهد: لاااااا تكفى والله ما اعيدها فكني
فارس: تأسفي اشوف
شهد بعناد: مااااااابا
فارس وهو يشد قبضته عليها: فيج حيل تعاندين بعد مابتتأسفين؟
شهد: لااا
فارس: انتي اخترتي هالشي
وقربها للبحر و هو جاهز انه يرميها لكن شدت قبضتها بأيدينه
: انا اسففه خلاص بس لاترميني
فارس: و انتي صدقتي اني برميج بس كنت اباج تتاسفين
شافته و هو يبعد عنها راجع للكرسي التفتت لتلفونها لي يرن و كانت العنود..
العنود: الووووو
شهد: ها عنودي
العنود: انتي فارس عندج؟ ولا راح تكفين لاتقوووولين راح
شهد: معاااي شفيه صوتج صار شي
العنود: كييييف معاج و لي شفته انا منو لاتخبليني متاكده معاج
شهد: عنودي حبيبي شو لي صار معاج خوفتيني
العنود بتوتر واضح: انا اسالج فارس معاج؟؟؟
شهد: معاي ماراح
العنود: ومنو لي شفته انا يمه تكفين احس قلبي طاح فبطني
شهد وهي تستوعب: ليكون تصادفتي مع نادر انتي
العنود: منو نادر هذا كوبي بست من فارس انتي تلعبين علي؟
شهد وهي تضحك: يابنت الحلال هذا نادر يكون توام فارس و شي طبيعي يتشابهون
العنود: بنت انتي كيف تفرقين بينهم؟ كيف تعرفين انه لي معاج الحين فارس مب نادر هذيل لو يلعبون عليج مادريتي عنهم اقول قومي الحين و ارجعي البيت سمعتيني
شهد: انا اعرفه عدل و أعرف أميزه لو يحطونه بين مليون شخص
العنود: يمه منج تخوفين انتي معقوله الحب يسوي كذا
شهد: اي حب اي بطيخ
العنود: انتي ادرى لمهم ترا انا وصيت نادر مدري شسمه مايعلم فارس و انه انا اساسا مالي دخل فيه ولا فحد من الخوف كنت شوي وبقول اسمج
شهد كانت تضحك على العنود و توترها من صوتها لي كان واضح عليها الخوف لفت بوجهها تشوف فارس لكن فارس ماكان موجود فارس راح ولا قالها شي أستغربت من حركته و سكرت عن العنود و هي تفكر و هلت عليها التساؤلات....
