تقدم نادر و صفعني ومسك بأيدي
نادر: مووووو انت لي بيهزك فراق بنيه موووو انتتت يا فارس لو منو ماكانت لاتسمح لنفسك انك تضعف!
فارس: ليتها وقفت على فراقها ليتتتتتتهاااا بس لكن انا حتى امي و ابوي تبروأ وخلوني ضايع بالدنيا هذي تصفق فيني!
نادر: كل شي بيتصلح كل شييي اوعدك يا خوي.. لكن قو نفسك انت و انا معاك بكل لحظه تتمنى فيها احد يكون معاك
قمت واقف
فارس: انا برووووح مستحيل اسمح لها تتزوج مستحيل حتى لو ماكانت لي حتى لو مالها رغبه فيني الزواج هذا مابيصير
نادر: انتتتتتت ماعندك كرامه؟ ولا حتى عزة نفس كييييف كيف تبا تروحلها وهي تركتك
فارس: هي مجبوره على كل شي صدقني
نادر: فرضًا مجبوره ماتقدر تدافع عن نفسها ماتقدر تتصرف تسوي شي وتعلمك بكل شيييي!! وتخلي الباقي عليك وهذا و انتو على تواصل ماتقدر تكلمك وتقولك عن كل شي بس هي فضلت انها تنقاد لاوامر ابوها والله لو على موتي اني ماسمحلك تسوي هذا الشي يا فارس سمعتني؟
ضربت الطاوله بغضب و رجفتي زادت و انا بادي اقتنع بكلام نادر وباللي قاله فعلا صح منووو هي عشان اروحلها كرامتي فوق كل شي حتى الحب! قام نادر و اخذ كوب الماي وعطاني اياه
نادر: برد على فؤادك و أهدا
رن تلفونه وفز قلبي ورجعت رأسي على ورا و انا متكي على الكنب
نادر: هذي مريوم اكيد تحاتيك لاني قلتلها اني بروح وبقوله قبل لا ينصدم و انا مو معاه، الوووو هلا مريوم، ايوه ارتاحي لاتحاتين هو بخير و أساسا بقلعتها مو هو لي خسر فارس ينخسر مايخسر ، يلا زين زين برايج بعدين بكلمج
كنت اسمع كلامه و أنا بالي بعيد احس بطعنات بقلبي احس الدنيا قاعده تضغطني بطريقه فضيعه احس كل الاشياء لي تصيرلي فوق طاقتي بس مالي غير اني أصبر نفسي فعلا هي لي خسرت فارس و خسرت حب فارس و أهتمامه هي بس لي خسرت
نادر وهو يقطع تفكيري: ماودك تشاركني لي تفكر فيه و ابشرك اليوم ناشب لك نشبه بنام عندك
فارس ببرود: ايوه واذا عرف ابوي ذبحني وذبحك وراي
نادر: اهم شي يذبحني معاك مايخليني اعيش بدونك
فارس: يوه يالنشبه حتى بموتي؟ تبي تشاركني
نادر: ايووووه
فارس: ليتك ماصحيتني احس اول مره انام نومه حلوه وخربتها علي
نادر: نومه حلوه و انت راسك على الطاوله؟ اي راحه انت زين ظهرك ماتكسر
فارس: تصدق من التعب ماحسيت بشي، نادر منو لي بيتزوجها
"حسيت بغصه و انا اقولها..
نادر: ماودك تنسى؟ ليش تسال و تتعب نفسك
فارس : بس جاوبني على هذا السوال وبسكت
نادر: بس توعدني ماتضايق
فارس: ماقدر اوعدك انت تدري اني ماشفت حياتي الا معاها كيف بقدر اوعد؟
نادر: افههههم يا فارس هي ماتستاهلك
فارس: يوه يا نادر بتجاوبني ولا والله العظيم بعرف بطريقتي!
نادر: محمد و لد خالتها
فارس: محمد!!!!!! ماغيره؟ تدري انه من اول حاط عينه عليها ويبيها
نادر: مالك نصيب فيها وصدقني كل لي يصيرلك خيره ماتدري خيرتك وين
فارس: والله وسويت لي براسك يا محمد
نادر: انت تعلم وين خيرتك؟ ترا كل شي مقدر ومكتوب وصدقني حتى لي يصيرلك الحين كل شي خيره من الله ماتدري الله وش مخبي لك
فارس بهدوء: صح كلامك
مرت الايام و أنا على حالي دوام نوم دوام نوم كان نادر يوميا عندي مافارقني ولا لحظه طلعت من غرفتي و شفته نايم بالصاله
فارس: ولد قوووم انت ما رجعت البيت؟؟
نادر: امي تكفين خمس دقايق بس خليني اناااام
فارس: هييييي شو امي انا فارس صحصح
نادر فز: بسم الله انا كيف نمت هنيه
فارس: انا اسالك هالسؤال
نادر وهو يتذكر: من بعد ماتعشينا ذاك العشاء غبت عن الدنيا ليكون لي يحط لك الاكل كل مره مسوي لك شي؟
فارس: تراني اكلت معاك وماصارلي شي قوووم تلقى ابوي قالب الدنيا ع راسك الحين
نادر: يووووووه ابوي حارق تلفوني شكلي بموت ترحم علي
فارس: رد عليه بس رد
نادر: لا مابرد بروح الدوام تراني الحين يلا تبي شي
فارس: الله معاك انا بعد تاخرت ع الدوام
نادر : ش أصبحت
فارس: باحسن حال
نادر: زين عيل يلا استاذن
و هو طالع للباب
: مايفوت ولا فرصه هالشخص شوف الاكل موجود شكله يبات على بابك ينتظر الصبح عشان يحط الاكل
فارس: تعودت
نادر: احس لاتقرب من الاكل وشوف شيصير احسه مايتعب ذا
فارس: توكل نزين يلا تاخرت انا
طلعت متوجه للكوفي وصلت وبديت البس اللبس المخصص للكوفي وطلعت كانوا الناس مالين المكان واضح اني تأخرت لفتتني شهد وهي تشرب قهوتها بكل هدوء ومعاها بنت اول مره اشوفها بديت اتامل ملامحها وهي تضحك وغمازاتها لي شدتني اكثر و فجاه طاحت عينها بعيني علطول شلت عيني و التفتت للمسؤول أحمد
: كانك تأخرت اليوم يا فارس مو من عوايدك
فارس: الطريق كان زحمه اليوم
احمد: حاول ماتتاخر مثل ما انت شايف الزحمه ماشاءالله
فارس: ان شاءالله انها ماراح تتكرر
. . .
عند شهد وهي قاعده مع العنود ينتظرون صديقتهم رهف
شهد: ها شوفي شرفت انسه رهف
العنود وهي تلف تشوفها: مابغيييييتي لو نمتي بعد شوي
رهف: سكتي والله الزحمه ماتنطاق بالطريق وبعدين شفيه الكوفي زحمه اليوم حياتي واضح زحمه بزحمه بس صراحه الكوفي ولا غلطه كانوا يمدحونه لي بس ماتوقعته كذا
شهد: ايووووه شعبالج انا يوم اطيح اطيح بشي يستاهل
رهف: بدت بالبطره
شهد: لا بس صدق احب المكان و ارتاح فيه اذا ضيعتيني بتحصليني هنيه
العنود وهي تغمز: لازم بترتاحين
شهد: اص انتي تبين تشربين شي ولا نبدا نسوي الاسايمنت
رهف: ايوه طبعا بشرب خليني اصحصح قبل وجع الراس
، لو سمحت ممكن شوي
شهد وهي تهمس للعنود: عنوده احس قلبي بيطلع من مكانه هذي مالقت الا تنادي فارس
العنود: اثقليييي بتفضحينا
فارس : نعم اختي تفضلي
رهف وهي مفهيه بوجه فارس: ها ااا عطني المنيو بشوف شو موجود عندكم
فارس: هذا المنيو شوفوه و برجع لكم
شهد: انتي شفيج فهيتي و تطالعينه بالنظرات هذي؟
رهف: بناااااات مابتصدقون تعرفون هذا منو؟
شهد بفضول واضح: منووو
رهف: هذا فارس ولد سيف بن محمد ال.. ابوه صاحب شركات وفلوس معقوله بنات ماتعرفونه؟ بس السوال ابوه عنده فلوس الدنيا ويشتغل بكوفي احس شي مادخل عقلي
العنود: بذمتج هذا ولده؟
رهف: والله و متاكده بعد
شهد: و انتي شعرفج؟؟
رهف: ابوي يعرف ابوه اف مايهم خلني اطلب شتحسون اطلب
العنود: اطلبي اي شي ليش تطولينها وهي قصيره
رهف: لو سمحت ممكن شوي
فارس: تفضلي اختي وش بغيتي؟
رهف: شو احلى شي عندكم خاطري كوفي يصحصح مخي
شهد: يا الله كيف تطولها وهي قصيره لو ماعليك امر عطني نفس القهوه لي كل مره اطلبها من عندكم
فارس: ان شاءالله
شهد: انتي شفيج ماتستحين موقفه الريال جيه و انتي حتى بعدج ماقررتي؟
رهف: هو انا شسويت بس كنت بشوف شو افضل شي عندهم
شهد: بس مب حلوه توقفينه كذا كان سألتيني
العنود: خلاص صدعتوني من صباح الله خير اسكتي انتي وياها خلونا نشوف شو بنسوي بالاسايمنت
