. . عند فارس
كنت اسوي القهوه و كالعادة بالي بعيد ومشغول و ادندن بصوت خفيف مع نفسي من بعد ذاك اليوم و انا لا اكل نفس الناس ولاشي نفس الناس كل ما أتخيل اني قريب بشوفها مع شخص غيري تشب حريقه بقلبي لكن هالقلب انا بدوس عليه و بحاول انساها و أشيلها من بالي و انا أفكر طرت أمي على بالي غمضت عيوني بقوه وفتحت من بعد أخر لقاء ماسمعت لها صوت ولا طاري و لا كأني ولدها خلصت القهوه و توجهت لطاولتهم و أنا اشوف شهد و هي تشرح لخويتها بكل ذمه وضمير أبتسمت ابتسامة خفيفه حطيت القهوه على الطاوله ورفعت راسي اشوفهم
: تبون شي بعد؟
شهد: لا سلامتك
لفيت بمشي لكن حسيت الدنيا أظلمت بعيوني تمسكت بأقرب طاوله و انا احس رأسي يدور قعدت استغفر بهمس كنت أفتح عيوني و أقفلها لعل الدوخه تخف عني حسيت بأيد تمسك كتفي
: فاااارس انت بخير؟ فارس اقعد ارتاح اذا تحس بتعب
قعدت على الطاوله و أنا اشوفها تركض تجيب لي الماي
ورجعت لي
فارس: عادي لا اتعبين نفسج مافيني شي بس دوخه خفيفه وبتروح
شهد: مو على كيفك أشرب الماي يلا
رفعت رأسي اشوفها و انا مستغرب من الميانه
شهد: فارس يلا لا تتعب نفسك اكثر ترا وجهك ذبلان وتعبان
فارس: مافيني شي بروح عندي شغل
شهد بهمس: والله العظيم حرام لي تسويه بنفسك حرام
فارس بهدوء : انتي ماتعرفين شي
ومشيت عنها و انا احس راسي ثقيل شافني المسؤول أحمد ولحقني
: عسى ماشر يا فارس شكنت تسوي؟
التفت له وانا توني برد عليه
احمد: فااااارس شفيه وجهك كذا اقعد اقعد ارتاح
فارس: لا مافيني الا العافيه بس دوخه بسيطه
احمد: طيب ارتاح اقعد شوي
فارس: لا عادي انا بخير
احمد وهو يمسك بأيدي
: فارس اذا تحس انك مو بخير لاتضغط على نفسك وتجهدها
فارس بابتسامه: ماعليك
رحت اكمل شغلي لكن احس الدنيا تدور فيني اكثر و اكثر ماقدرت اتوازن ابداً وقعدت على الكرسي و انا أحس ببروده بجسمي كذا احس خمول على تعب
" واحد من الموظفين انتبه لي و جاني "
: فارس انت بخير؟ اجيب لك شي
فارس: احس ببروده بجسمي مو قادر اوقف على رجولي
" كانت في عين تراقب فارس من بعيد وتراقب تحركاته و الخوف مالي قلبها "
شهد: بنات وربي قلبي ناغزني بنات ماقدر لازم اروح اطمن عليه امانه شفتوا وجهه
العنود: تستهبلين تروحين له بصفتج شو؟ فكري فيها
شهد: مايهمنننني مايهمني قلبي يقولي قومي اكيد هو محتاج أحد
رهف: والله انج غريبه يا شهد واهتمامج له من بعيد غريب اكثر قاعده تصدميني
شهد: محد بيفهمني لكن والله ماقدر اشوف شخص كذا متضايق قدامي و انا اعرف انه هو متضايق و ماسوي ولاشي ماقدر العنود قولي انج فاهمتني تكفين
العنود سكتت وهي تشوف حالها..
شهد لمحته و هو طالع من الكوفي
شهد: بنات انا بروح اول كلاسين ماراح أحضرهم بليز اذا قدرتوا حضروني
العنود مسكت ايدها: تستهبلين شهد وييين بتروحين
شهد: مابسوي شي والله مابسوي شي بس بتبعه لا يصير له شي ع الاقل لين يوصل بس
رهف وهي مصدومه: شهد ليكون وقعتي بالكمين؟
شهد: يلا احبكمممم باي
وراحت بدون لا ينتبه لها وركبت سيارتها وهي تنتظره يحرك بس طول ماتحرك كانت على أعصابها و متوتره خايفه صارله شي و هو بسيارته بدت ادق على الدركسون بتوتر شهد بطبعها تحب تشوف الكل مبسوط ومستانس ولو شافت شخص بس فيه ذره حزن تحاول تشيل عنه الضيق و تخليه مبسوط هذا الطبع فيها من صغرها وسط توترها رنت أمها عليها
: هلا امي
ام شهد: وين انتي بالجامعه
شهد: الحين بروح للجامعه شي بخاطرج؟
ام شهد: اليوم انتي و خواتج بتروحون لابوكم من شوي ارسلي يقول عندهم عزيمه مدري منو عازمين بس لي اعرفه الكل متجمع ويبغيكم
شهد بضيق: بس امي انتي تعرفين اني ماحب هالجمعات وماحب نغزات يدوه دوم تتكلم عنج بالشينه و انتي مالج ذنب و انتي تعرفين اني ماقدر امسك نفسي تكفين مابي اروح
ام شهد: تبين ابوج يزعل؟
شهد : لا بس..
قاطعتها ام شهد
: خلاص لاتناقشيني اول ماترجعين جهزي نفسج
شهد : ياربيي يا امي
و سكرت ام شهد بوجهها رفعت راسها وهي تشوف فارس تحرك وراحت وراه وهي متضايقه والدمعه وسط عينها وهي تتذكر ذاك الموقف . .
: يدوه لاتتكلمين عن امي لتغلطين عليها لو سمحتي ابوي تكلم قول شي قول انكم ماتفاهمتوا و كان البعد افضل حل لكم لاتخليها تغلط امييي ماغلطت بشي
ابو شهد: خلاص اهدي لاتعصبين
الجده: وليش انا شو قلت غلط تراها امج هي لي طلبت الطلاق هي لي مابغت ابوج و اكيد انه حد فحياتها وهو لي يعبي راسها تتطلق
شما: يدددددوه تكفين لاتتكلمين بالكلام هذا قدامنا لاتقولييينه لاتتتكلمين عن اميي لاتتكلمين
شهد وهي منهاره من كلام جدتها: ابي ارجع بيتناااا والحين ماقدر اسمع هالكلام يابوي واسكت ماقدر انت تعرف اني مينونه وبرد على يدوه ردني البيت ابي ارجع
رجعت للواقع وهي تشوف فارس وقف على طرف الطريق ووقفت وراه و هي تشوفه رافع راسه لفوق استغربت من وضعه ونزلت بخوف تجاهلت كل شي كل همها تتطمن هو بخير ولا
