العنود: ليش منو لي يدق
شهد بهمس: فااارس اف صبري مابرد عليه علطول بيقول هذي خفيفه ماصدقت ع لله عطيتها رقمي
العنود: و هو كيف عنده رقمج؟
شهد: عشان أمي
العنود: لي كلام ثاني وياج ردي ردي
شهد: الو
فارس: شو هالتغلي ليش ساعه لين تردين
شهد: الناس تسلم و أنت تهاوش؟
فارس: لانج تتغلين علي أعترفي
شهد: لا بس ماكان عندي و أختي جابته
العنود و هي تمسك راسها من الكذبه وودها بس تضحك لكنها مسكت نفسها
فارس: زين ابشرج الامور طيبه و ضبطت لكم موعد باحسن مستشفى و غير كذا أخوي الكبير ماقصر و هو لي بيتابع حالتها يعني كوني مرتاحه ولا تشيلين هم
شهد بحماس: مااااادري كيف اشكرك والله لكن عمري والله عمري مابنسى لي سويته لي الله يعطيكم العافيه ماقصرتوا
فارس: مابينا شكر ما شكر و أمج تراها بحسبه أمي طبعا ماراح اقصر و ابتسامتج الحلوه لا عاد تغيب أتفقنا؟
شهد بإبتسامه: أتفقنا
سكر عنها و هي كانت تتقلب من الفرحه من كلامه ومن بشارته الحلوه و العنود تضحك عليها و مبسوطه معاها و لكن بنفس لوقت كانت تتوعد لها . .
" خالد "
مر اليوم على خير و الامور مشت مثل ما أنا أبغي الحمدلله قمت من فراشي و أنا أجهز نفسي للدوام صاحي بدري عشان اليوم بيجون ناس مهمين للكوفي وصى احمد علينا أنه نطلع بدري للكوفي و نكون جاهزين
كنت أحس بكسل بسيط و أنا اتجهز رجعت غسلت وجهي ونشفته عشان اصحصح سويت لي كوب قهوه و أخذته معاي و طلعت و أنا مستعجل و سكرت باب الشقه و صديت الا أشوف شهد قدام وجهي و بأيدها مثل الكيسه لي كنت اشوفها كل مره عند باب شقتي أنصدمت و تجمعت التساؤلات بمخي من الصدمه
: شهد؟؟؟ شتسوين هنيه و كيف تعرفين وين شقتي وشو لي بأيدج
ارتخى جسمها و الاكل طاح من أيدها واضح ماكانت متوقعه انها تشوفني بالعاده ماطلع بالوقت هذا تقدمت لها لكنه أغمى عليها و مسكتها قبل لا اطيح بالارض مسكتها و طاحت بين أيديني و أنا مو عارف كيف أتصرف لو أحد شافنا و هي بين أيديني شو بيقولون الجيران شلتها و أنا أدخلها بالشقه قبل أحد يشوفنا ماكنت أدري كيف أتصرف حطيتها على الكنبه ماقدرت أمنع نفسي من أني أتاملها و أتامل تفاصيلها كانت كأنها ملاك نايم كانت حلوه و جداً مرت دقايق بعدها استوعبت لي أسويه قمت و أخذت عطري و انا ارشه على أيدي و حطيته على خشمها فتحت عيونها و هي تحاول تبعد نظرها عني ماتبي تشوفني
: شهد أنتي بخير؟ شي يعورج
بدت تبكي و هي تغطي وجهها بأيدينها
: شهد لا تصيحين بسوي نفسي ماشفت و بعتبر لي صار ماصار بس خلاص أمسحي دموعج
شهد بهمس: وين الحمام بغسل ويهي
فارس: انتي تسولفين مع نفسج ماسمعج شو تقولين
شهد: الحمااااام وين بغسل ويهي
فارس: اها الحمام تعالي معاي
تقدمتها و هي وراي تتسحب ماتبي تحط عينها بعيني من كثر ما أنها أنحرجت من الموقف لي صار لفيت عليها و علطول صدت بوجهها عني أبتسمت و أبتعدت عن دربها عشان تروح للحمام و أنا أحس بمشاعر ملخبطه تفاصيل وجهها مارضت تروح عن بالي أول مره تكون بالقرب هذا أول مره أحس اني قريب من شخص كذا حاولت أكون طبيعي و أبعد هالمشاعر الغريبه لي اجتاحتني قعدت على الكنب و أنا أرفع شعري كل ماحسيت نفسي متوتر أو متلخبط من شي لا أرادي أسوي هالحركه و أنا ارفع شعري شفتها و هي تطلع من الحمام ولا زالت تحاول تمنع نفسها من أنها تحط عينها بعيني تقدمت و انا أمشي صوبها
: لاتقول شي لاتفتح الموضوع لاتسألني يا فارس كيف انا هنيه و كيف صار هالشي لاتسالني عن ولاشي
بديت اضحك على توترها الواضح و لكن بنفس لوقت كنت ابا احسسها أنه الوضع عادي و أنه ماصار شي
فارس : مابقول ولا بنطق بس في سوال يقرقع ببالي خليني اسأل
سكتت و هي تناظر الارض
: اسأل ولا أسكت
شهد: اسأل
فارس: شو ورا تصرفاتج هذي يا شهد؟
شهد: شو وراها؟
فارس: حبيتيني؟ أشفقتي علي؟ خفتي علي؟ شو ورا الاهتمام هذا ابا اعرف مهما كانت الاجابه
شهد: و ليش أشفق عليك يا فارس؟
فارس: يمكن قلتي أهله تخلوا عنه و من يومها صرتي تحطين لي الاكل يوميا يا شهد ماتفوتين ولا وجبه وحده كنتي تفكرين أني عاجز لدرجه هذي؟
شهد: فارس أخر مره تحلل على كيفك
فارس: يعني تحبيني؟ لي يصير هذا من محبه؟
شهد: يا كثر اسألتك لا تسال انا بمشي
فارس: انتي بكل مره بتقعدين تتهربين؟
شهد: ماتهرب بس ماعندي لك جواب
و جت بتمشي ووقفت قدامها و حطيت عيني بعينها
: تحبيني؟
نزلت رأسها و هي تحاول تبعد نظرها عني ب أي طريقه
قاطعنا دق الباب أستغربت منو لي ممكن يجيني بالوقت هذا؟
شهد بتوتر: يييياويلي منو لي عند الباب فارس شو بيقولون عني الحين ياربي شو هالموقف لي حطيت نفسي فيه كل منك مالقيت تطلع ف ويهي غير اليوم؟
فارس: اشش أهدي أدخلي غرفتي و لا تسوين صوت
شهد: فارس انا عندي دوام شو لي ادخلي غرفتي
فارس: شو تشوفين الحين بأيدي حتى انا متاخر ادخلييي
دخلت لغرفتي و سكرت الباب مشيت للباب بهدوء و أنا أفتحه شفت نادر و معاه راشد نصدمت من وجود راشد مع نادر
نادر: شرايك بالمفاجاه بس؟
فارس: غريبه شو عندكم
راشد: مابتقول تفضلوا يعني؟ بتخلينا عند الباب مافيك سنع انت
فارس: تفضلوا بس أنصدمت من وجودك يا راشد غريبه
راشد: جاي اطمن على وضع أخوي اشوف اذا يحتاج شي مني ولا مناك
دخلوا و أنا بديت أفكر بوضع شهد بغرفتي لو سمعت صوتهم شو بيكون حالها و فكرت بدوامها
قلت فخاطري
" واضح أني محظوظ مالقى راشد يطمن علي الا باليوم هذا "
راشد: فارس تباني أخذ لك شقه اكبر من هذي؟
فارس: انا ابا البيت و تقول لي تاخذ لي شقه اكبر
نادر وهو يغمز لي: أساسًا فارس انا و راشد باذن الله ناويين نحل مشكلتك و نرجعك للبيت وترجع لحياتك الطبيعيه صح يا راشد؟
راشد: نعم أكيد
فارس بضحك: واضح راشد انه يباني ارجع للبيت و هو توه يقول لي اخذ لك شقه اكبر الا ابوي لو عرف انك هنيه شو ممكن يسوي؟
راشد: فارس يوم قلت باخذ لك شقه اكبر ترا بس لين نحل مشكلتك و ترجع للبيت و اذا على أبوي مابيدري بس بسألك يا فارس و جاوبني بكل امانه
فارس: ايوه تفضل؟
راشد: اللي كان بالسياره لك؟
فارس: انت بوعيك؟ لو انه لي بتلقى هذا حالي؟
