شهد: فاااارس ليكون كل لي يصيرلك من تحت رأسه
فارس: لا مستحيل هذا حتى ظله يخاف منه تبين يسوي هالشي؟
شهد: لا تستبعد
فارس : ما علينا أنسي الموضوع
تقدمت و انا أدور على حجر صغير أكتب فيه رجعت للكرسي و هي مازالت تتأمل تحركاتي بهدوء
: تعرفين شو بسوي؟
شهد: لا
فارس: بتعرفين الحين
قعدت على الكرسي و أنا أحفر اسمها تحت اسمي بعد ما خلصت رفعت رأسي أشوفها و ابتسامتها و غمازاتها بانت أبتسمت على شكلها كانت حلوة بزيادة و هي مبتسمه
همست بصوت خفيف: أثقل يا فارس أثقل
شهد: الحين أنت ليش كتبت أسمي معاك؟
فارس: خلاص هالمكان خاص فينا متى ما حسيتي بضيقه تعالي هنيه و أنا بالمثل طبعا ماسويت هالشي الا انه واضح عليج تبين تشاركيني هالمكان
شهد: تدري يا فارس؟ أنها فعلا خسرتك الانسانه لي طلعت من حياتك ما كانت تستاهل اي شي منك صدقني كل لي صارلك خيره...
فارس: و ليش قلتي هالكلام و انتي واثقه؟ ماتدرين يمكن أكون شخص سيئ بس ما أبين هالجانب فيني ما أبين طبعي!
شهد: فارس ترا ما في اي انسان كامل اذا انت تشوف نفسك بالنظره هذي انا ما اشوف هالشي ولا بشوفه
فارس: تدرين انج بكل مره تكبرين بعيني شعور أنه في شخص معاك ومصدقك بكل شي يبعث لي الراحه
شهد بأبتسامة : و تأكد اني دايم بكون معاك سوا بفرحك ولا حزنك
أبتسمت لها و أنا أفتح الرساله لي وصلتني من نادر تكدرت و انا أقرا الرساله رجعت رأسي على ورا و تنهدت بصوت مسموع
شهد وهي تقعد قريب مني
: فارس فيك شي من منو الرساله؟ ليش تضايقت
فارس: هذا نادر يقول لي " فارس أنت لازم تروح الملكه و تكسر عينهم و ترزف عشان تقدر تتخطاها عشان تبين انك مو مهتم و ترد على موقفك"
شهد: و هو صادق يا فارس
فارس: انتي من صدقج تبين اطلع و انا ذابحه بروح!
شهد: طبعا لا ماراح تسوي هذا الشي فارس انت بتكسر عينهم فارس انت بتتخطاها دايم حط فبالك انها هي ماتستاهلك
فارس: شهد ماااااقدر صعب تتوقعين لو رحت مثلا بحصل استقبال منهم؟ ابشرج لا بحصل من اهلي ولا منهم
شهد: هو انت تنتظر استقبالهم؟
فارس: لا
كنت أتأمل منظر الغروب و الف فكره و فكره فبالي التفت اشوفها كانت مستمتعه بمنظر الغروب
شهد: تدري أني اموت فالغروب احب أتامله أحب اشوف الشمس و هي تغيب
فارس: ليت مع غروب الشمس يغيب كل شي مر
حسيت بأيدها و هي تمسك بأيدي و تشد عليها
كأنها تقول" بيمر كل شي بس تصبر " أستغربت
لكني أبتسمت بأريحيه
فارس: بقوم أشتري لنا شاهي و أرجع
شهد وهي تقوم بسرعه: لا انا طولت لازم أرجع البيت لاتحاتيني أمي
كانت شنطتها على كتفها و قامت من على الكرسي و بدون قصد ضربتني على الكدمه لي تحت عيني .. حطيت إيدي على وجهي و أنا أتلمس الكدمه
: ووول عليج شو حاطه داخل الشنطه انتي
كانت منكتمه من الضحك لدرجه مو قادره ترد علي
فارس: ايووووه اضحكي اضحكي مب انتي لي متعوره
شهد وهي تضحك: والله اسفه مانتبهت عورتك؟
فارس: ولا تسالني بعد اذا عورتني روحي روحي بس
وقفت وهي تتاملني
فارس: لاتشووووفيني يلا روحي
شهد: اوويه فارس ويهك
فارس: شفيه؟
شهد: والله اني اسفه مو قصدي اجرحك اصبر بروح السياره بعقم لك الجرح
لمست وجهي و أنا اشوف الدم بأيدي
فارس: ول عليج امانه شو داخل شنطتج شو حاطه انتي حصى؟
شهد وهي ترجع تضحك
: حاطه اللابتوب حقي لمهم اصبر امانه بنظف لك الجرح
