فارس ببرود: تدري يا ابوي حتى لو اني صدق متعاطي وشايف علي شي لمفروض ماتكون هذي طريقة اسلوبك معاي انت ابوي وسندي لازم تمسك بايدي وتنصحني مو تنفرني وترميني على الغلط لي انا فيه وتدمرني اكثر لكن هذا انت يا ابوي ماتتغير
ابو راشد: ليتك اكتفيت بالتعاطي
لفيت بوجهي عنه و انا أشوف امي عيونها علي مافارقتني لحظه و الحزن واضح على وجهها ابتسمت لها رغم لي انا فيه ابتسمت غصبن عني هذا امي
لحظات و وصلت روان فز قلبي لشوفتها احس الشوق لعب فيني لعب احس ودي اقوم و امسك بأيدها نهرب و نروح بعيد عنهم
قمت واقف و أنا اشوفها تبوس راس ابوي و عمي
ابو سيف: قعدي يا روان و تكلمي باللي عندج
جا نادر ومسك ايدي وقعدني و انا عيوني مو قادره تشيل النظر عنها مو قادر اشيل عيوني عنها الحب لي بقلبي لها كبير اللهفه واضحه بعيوني قرصني نادر كأنه يرجعني للواقع
نادر بهمس: عييييونك
ابو راشد: روان بنتي تكلمي باللي فخاطرج
فارس باستغراب: ليش شو لي فخاطرها؟
روان وهي تطالع بعيوني: فارس انا ماباك ماتخيل حياتي مع شخص ماقدرني ومافكر فيني ويتعاطى مافكر بحياته معاي انا ماقدر اعيش معاك ماقدر ولو لحظه اتخيل ان حياتي بتكون مع فارس انا و انت مانناسب بعض بالمختصر الله يعوض قلبك باللي احسن مني
قمت اضحك بهستيريه و اطالع بنادر
: هذي شتقول؟
نادر : اهدا فارس
فارس: روان انتي شتقولين؟ وحبنا ووعدنا لبعض؟ وين راح؟ رميتيه بكل سهوله؟
روان: اساسا ماحبيتك ولا عمري قدرت بس كنت امثل قلت بحبه مع لوقت
قامت مريم من مكانها بكل قوه وصفعتها قدامهم
مريم: بسسسس اسكتتتتيييي حفظوج؟ حفظوج الكلام لي تقولينه؟ تحسبين الدنيا بتوقف عليج؟ لاتسوين اخر حبه
فارس بضحك : مريم خليها تحسب بعد كلامها هذا بكون أسير للحزن بالعكس ماتدرين ياروان انه كلامج قواني اضعاف عشان اواجه الحياه من بعد أمي وبقولج شي أخير قبل لا أمشي
مابيني وبينك مشاريه وعتاب
شف دربك اللي جيت منه تدله
ماراح تغلبني لو الحب غلاب
من حظرتك عشان قلبي تذله؟
قمت ومشيت عنهم و أنا احس اني بس جسد يمشي طلعت أمي وراي ومسكتني بايدي وسحبتني لحضنها وتصيح
: يا فارس يا امي لاتضايق بعمرك الله يجعلني اخذ ضيمك
فارس: تدرين يا امي على سويتيه فيني والله ماقدرت أشيل بخاطري عليج ماقدر يا أمي تكفين لاتحرميني منج لاتحرميني ريحتج اباج قريبه احس انه الله قاعد يختبر صبري احس الحياه تصفقني من كل صوب احس مو قادر استوعب لي يصير لي
شدتني لحضنها أكثر و انا أحاول امسك نفسي مانهار و أعطي نفسي قوة
مرت دقايق و انا بحضن أمي ابتعدت عنها بكل هدوء و أنا امشي لسيارتي بدون اي كلام احاول استوعب لي صار و الكلام لي قالته معقوله صدق معقوله كانت تمثل بحبها؟ طيب ليش كلمتني وهي تبكي؟ شي مايدخل العقل لحقني نادر و هو يمسكني
: والله مستحيل أسمح لك تروح لحالك و انت بالحال هذا
فارس بابتسامه: هو انا شفيني؟
نادر: مب علي هالكلام اركب من الطرف الثاني بس
فارس: نادر تراني مب ناقص مشاكل
نادر: فارس اركب
سويت لي قاله وركبت و أنا اتامل الشارع
نادر : شاركني لي تفكر فيه شاركني همك
فارس: احس اني مصدوم ومن كثر صدمتي ابي اضحك تدري انها كانت امس تتشكى لي وتخبرني و انها زعلانه و انها وانها و اليوم تغير كل شي طلعت لي بشخصيه ثانيه؟ كانها بس تبي تجرحني بكلامها
نادر: صدقني مغصوبه ع الكلام احس انها ماكانت ع بعضها
فارس: ويمكن كل شي مخطط له يا نادر يمكن يوم هي كلمتني تعمدت لانها تعرف لا حطيت شي ببالي بسويه لو حتى الشي هذا فيه موتي
نادر: تتوقع كذا؟
فارس: صرت اتوقع كل شي هي عبالها بتوقف الدنيا عليها نادر انا لازم احصل لي شغل الوضع لي انا فيه مره غلط مابي اقعد ولا دقيقه ولا اسمح لنفسي اني افكر فيها حتى لو اني احبها اكثر من روحي لكن مستحيل اسمح للنفسي تعيش على ذكراها بس و اضيق على نفسي
نادر وهو يضرب الدركسون بغضب: اهخ يافارس احس اني ضايق على وضعك والله
