قعدت على الكرسي و أبتسامتي ماقدرت اخفيها ولا ادري وش ورا هالابتسامه لكن كل لي اعرفه اني احس براحه كبيره لاهتمامها لحزني وضيقتي و انا في أمس الحاجه للاهتمام هذا....
" شهد "
كانت تقلب بسيارتها تدور عن شنطه الاسعافات الأوليه وهي شبه متاكده إنها موجوده بالمكان هذا ردت رأسها على ورا وهي تحاول تتذكر وين أخر مره شافتها
: يااااربي انا ووووين حطيتهم معقوله حد شلهم من السياره؟ ياخي اذكر كنت حاطتهم بالمكان هذا اف الحين كيف بنظف جرحه و انا بعد حماره لو ما قمت بسرعه كان ماجرحته قامت بتنزل من السياره و شافته واقف ومكتف ايديه ويطالع فيها
: بسم الله خوفتني
فارس: خلصتي حلطمه؟
شهد: ياخي والله اذكر انها بالسياره مادري منو خذاها
فارس: خلاص تعالي اتوقع عندي بسيارتي
شهد: و انت ليش واقف وتطالعني
فارس: حلطمتج وصلتني لين هناك
شهد: يوه يالكذب
تقدمها فارس و هو متوجه لسيارته و هي وراه فتح سدة السياره و هو يطلع الشنطه
: خذي يلا عالجي الجرح لي سويتيه بويهي خربتي جمالي الطبيعي
شهد: لاتتامر علي عشان ماسوي خريطه بويهك
فارس: اذا انتي قدها سويها
شهد: يمه هذا محد يمزح معاه
فارس: اشغل الليت ولا تشوفين
شهد: لا شغله عشان اشوف الجرح عدل
شغل فارس الليت و هي تقربت منه عشان تنظف الجرح
: غمض عيونك نظراتك توترني
فارس بأبتسامه: ها غمضت يلا
شهد بدت تنظف الجرح و بنفس لوقت كانت مركزه على ملامحه الحاده و عيونه الواسعه وخشمه و لي شدها أكثر الشامه لي عند رقبته فتح عيونه وهو يشوفها تتأمله
أبتعدت عنه علطول وهي مرتبكه تغاضى توترها عشان مايوترها اكثر
: خلصتي صح؟
شهد: خلصت عاد يلا انا لازم أروح اظلمت الدنيا اكيد امي بتحاتيني
و أقفت بتمشي و مسكها بأيدها قبل تمشي لفت له بصدمه و هي مستغربه
فارس: ممكن ماتخليني بروحي؟ مابا أفكر بشي مابا شي يشغل تفكيري و أتضايق
شهد: بس فارس تأخر لوقت
فارس: يعني بتروحين؟
شهد: لا خلاص بقعد معاك روح هات لنا شاهي و امانه فصفص
فارس بحماس: من عيوني هذي قبل هذي
و راح وعينها عليه وهي مبتسمه و تحس بمشاعر ملخبطه ماتعرف شو تسميها لكن تحس نفسها مبسوطه انها صارت قادره بأنها تطلعه من ضيقه وزعله وتنسيه روان وطوايف روان... راحت لمكانهم وقبل لا تقعد على الكرسي قامت مسكت تلفونها و دخلت على السناب و هي تصور اسمها و اسم فارس على الكرسي و ترسله للعنود علطول شافت العنود ودخلت عليها المحادثه
العنود : هذاااا شووو انتي وين؟
شهد: بعدين بقولج كل شي لمهم سمعيني عنووودي حبيبي لي ماااابتردني
العنود: خير شبغيتي شو عندج بعد اليوم
شهد: عنودي ترا بتزعليني منج
العنود: انتي لي بتزعليني ليكون معاه؟
شهد: والله كل لي صار صدفه
العنود: صدفه؟ و أنتو كاتبين اسمائكم على الكرسي شو مهببه انتي شو لي وصلكم للشي هذا شو صار بينكم
شهد: كانج ماتعرفيني؟ والله ماصار شي بينا ولو صار تاكدي انج اول وحده بتعرفين بس مافي شي
العنود: زين بنشوف شو يطلع من وراج والله خايفه عليج من لي يصير ماتعرفين شكثر
شهد: لاتخافين علي.. لمهم شرايج اطلعين الحين و تروحين تاخذين عشاء و تحطينه على باب الشقه؟
العنود: لاااااه؟ صدق احلفي انتي بس دامه عندج عشيه ليش احط له بعد
شهد: عشان مايفكر ولا واحد بالميه اني انا لي احط له الاكل
العنود: ماتحسين اهتمامج زايد عن حده؟
شهد: لا
لفت على صوته لي وصلها و هو يقول
: ويعععاااه تعالي ساعديني احترقت
شهد وهي تاخذ كوبها من عنده
: ويعاه انت وين الفصفص حقي
فارس: مالقيت فصفص يا ام الفصفص
شهد: والبقاله هذيك على كبرها مافيها فصفص؟
فارس: شفتي حظج كيف حلو
شهد: من يوم الله بلاني فيك عرفت انه حظي خايس
فارس: الحين انتي مبتليه فيني؟ قومي طيب خلاص روحي .. والله لي يسمعج انا سحبتج وقلت تعالي اسمعي لي
شهد: انت محد يمزح معاك؟ كل شي تحب تاخذه بجديه
فارس حط أيده بجيبه و هو يطلع الفصفص
: على كلامج هذا احلمي فييييه مابعطيج ولا نص حبه
شهد: الله طلع فييييي فصفص
فارس: ايوه بس من قال بعطيج
فتح الكيس و بدا يأكل وهي تناظره بنظرات ودها أنها تقوم وتمسكه بشعره و تأخذه منه غصب
شهد: على فكره ترا بطنك بيعورك خاطري فيه
فارس كان متجاهلها تمامًا ماتحملت ونطت بتأخذه من ايده لكن كان هو اسرع منها و بعد أيده لما بعد أيده ماتوازنت و كانت بطيح بحضنه لكن مسكها بأيده وهو يرجعها لورا و بدأ يضحك عليها لكن شهد كانت مستمتعه بريحة العطر لي هبت عليها لكنها تداركت نفسها لفت بوجهها عنه
