شهد: فارس اشش قصر صوتك لحد يشوفك
فارس: تغارين علي يعني ؟
شهد: متى بتعقل انت
فارس: و لي يشوفج يبقى فيه عقل
شهد: فارس حبيبي انت ياعيوني يا قلبي أرجع الغرفه ولا تفضحني عندي العنود ووحده من خوياتي
فهيت فيها ما زلت خفيف عند الكلام المعسول لي يطلع منها ما زال كلامها يأثر فيني و يلعب بقلبي لاحظت ابتسامتها و ضحكتها اللي كانت تحاول تخفيها
: ادخل الغرفه و انا باخذ الملابس لي تحتاجها أنتظرني
فارس: تم لا تطولين
راحت و انا عيني عليها و خلت الباب مفتوح تقدمت للتسريحه و أنا ارش العطر و اشوف نفسي بالمنظرة
و لمحت غيث بالانعكاس و هو يحبي داخل للغرفة
لفيت عليه و أنا أخذه لحضني و رفعته فوق و أنا ادور فيه
و هو يضحك و مبسوط و غمازته الواضحة بخده بانت
و قربته لي و أنا أبوس فيه
: يا روح بابا انت امك راحت و خلتنا ما تستحي
كان يضحك و لا يدري وش السالفة حطيت راسه على كتفي و أنا أدور فيه بالغرفة
: ياربي على الابو وولده و أنا أدوره اثاريه عندك
حاوطت بأيدها على كتفي و هي تتأمل غيث لي كان مخدر على كتفي
فارس: راحو ؟
شهد: ايوه العنود دق لها نادر و خرب قعدتنا
فارس: و كندورتي وين ؟
اشرت بعيونها على ايدها دون ما تتكلم
و هي تضم أيدي اقوى
شهد: فارس احس اني مبسوطة و محظوظة فيكم
فارس: زاد الحب
شهد: دايم يزيد لكن يوم شفتكم حسيت بشعور حلو ماعرفت أوصفه
فارس: تعالي تعالي قربي انتي متعطره بالعطر لي مره انسرق مني صح ؟
شهد بعدت و هي تغطي ويهها بأيديها بإحراج
: شسوي احبه و لي ذكريات حلوه مع هذا العطر
فارس : شفت يا غيث ابوك مو هين سرق قلب امك لدرجه ما فكرت بشي ثاني غير انها تاخذ العطر و تبقى معاها ريحتي
شهد: ودي أقول شي بس اخاف تصدق نفسك
فارس: قولي يا روحي
شهد: تدري من كثر ما العطر يذكرني بكل شي
حلو كان يمر بيني و بينك ؟ كنت اتعطر فيه وانام
فز قلبي كعادته كأني أول مره أعرف بالحب لي تكنه بقلبها
ابتسمت بحب ، الحب بقلبي لها بكل مره يزيد و حبي لقربها يتجدد ضميت غيث من شدة الاحساس الحلو لي صار بقلبي و الفراشات لي تتطاير بصدري و أنا أشوف هذا الحب كله بعيونها و بقلبها
: و انا مالي نصيب من هذا الحضن ؟
فارس: انتي لج روحي كلها .. انتي رغم ظروفي الصعبة لي مريت فيها لقيتج بدربي و كأنج كنتي تزرعين الورد انتي العوض الحلو لي أتعب و أنا أحمد ربي عليه
تقربت و أنا اضمها لصدري و بأيدي الثانيه ولدنا " غيث "
نايم على كتفي
شهد: الله لا يحرمني منكم و يخليكم لي طول العمر...
( نصيحة فارس لكم )
" مهما مريتوا بأيام فيها انكسار و تعب و حزن دايم تذكروا وجود الله معاكم و تذكروا ورا كل حزن و ضيق عوض من الله و ما يحزنكم الا لخير تأكدوا من هذا الشي ، ما تدرون وش الله مخبي لكم من أيام حلوه ما تدرون أنه ورا الحزن
و الزعل هذا الا خيرة لكم "
" النهاية "
الكاتبة : irwayat
