فارس بابتسامة: صح النوم .. شرايج أوقف على طرف
و نلعب بالمطر ؟
شهد: فارس بنمرض ما تحس بالبرد انت ؟
فارس: عااادي
وقفت على طرف و نزلت ورحت و انا افتح الباب لها
و اسحبها
: العمر مره خلينا ننبسط
رفعت رأسي و بدت قطرات المطر تضرب على وجهي أبتسمت للحظه هذي مسكت إيدها
: سوي نفسي و أستشعري المطر و عيشي اللحظة
شفتها و هي تسوي نفسي و قطرات المطر تضرب على وجهها و بدت الطفله لي بداخلها تطلع..
وصلنا لانترلاكن الجو كان كل ماله يصير أحلى لكن التعب كان مسيطر علي تمامًا دخلنا الكوخ و علطول رحت
و انا أنسدح على السرير و دون ما أحس بنفسي غفيت حاولت شهد تخليني أقوم أبدل و أرجع لكن رفضت من شدة التعب لي كنت أحس فيه
مرت ست ساعات و انا نايم فتحت عيوني و انا احس التعب بدا يزيد علي لفيت عليها و شفتها نايمه و كأنها حست فيني فتحت عيونها
: أرجعي نامي ارتاحي
شهد: لا بس أحس شبعت
رجعت غمضت عيوني بتعب أحس جسمي نار التعب كسر عظامي حسيت بأيدها الباردة على جبهتي
: فارس فيك حراره ؟ ليش ما قلت لي انك تعبان اسم الله عليك
فارس بتعب: عادي
شهد: شو لي عادي قوم خذ لك شور عشان تنزل حرارتك
فارس: والله ما فيني حيل افتحي شنطتي بتلقين البندول
شهد: خذ شور اول على بال ما أسوي لك شي تأكله قبل الدوا
فارس: شهد مافيني حيل افهمي و اللي يعافيج سوي لي اقولج عليه و عطيني البندول
حطت أيديها على ويهي
: فارس يا حبيبي انت لا تعاند
رصيت عيوني بضيق من الموقف لي طرأ على بالي باللحظة هذي و حسيت أني كرهت نفسي فعلًا و أنا أتذكر رهف أتذكر اليوم لي انطردت فيه من بيتنا أتذكر اللحظه لي شافتني فيها رهف بالضعف لي كنت أحس فيه و هي تحط أيديها على ويهي تحاول تهديني و تقويني حسيت بنغزه قوية هزيت رأسي و أنا أحاول ابعد الأفكار اللي جتني
: فارس انت بخير ؟
فارس: بخير يا شهد بقوم بأخذ لي شور
شهد: لا خلك بسويلك كمادات ارتاح
راحت شهد و أنا العن نفسي مليون مرة على الموقف لي تذكرته و كيف أنها من موقف مثل هذا طرت على بالي لكن حسيت بالنعمة إللي انا فيها الحين ..مامرت دقايق الا
و شهد داخله و بأيدها عصير و توست و بنفس الصينية كانت الكمادات موجودة ابتسمت لها و بادلتني الابتسامة
و هي تقعد على طرف السرير
: شرايك تأكل اول بعدها احط لك الكمادات ، لقيت برتقال بالثلاجه و سويت لك عصير فرش بيعطيك بور و بتحس نفسك أحسن
فارس: حمارة ما تدري أنه قربها دواي و طبي
شهد و هي توسع أبتسامتها : غصب
فارس: غصب ؟ اوك ما بأكل ما بأكل ما بأكل
شهد: بتأكل بتأكل بتأكل
فارس: لاااااا اول شي اسحبي كلمتج
شهد: يعني مب هذا الصدق ؟
فارس: هذا الصدق لكن مب غصب برضاي
شهد: يلا أشرب العصير و كل من التوست عشان اعطيك بندول
فارس بدلع: اكليني
شهد: يا دلعك كل بروحك
فارس: خليني أدلع اذا ما ادلعت على زوجتي أدلع على منو ؟
شهد بابتسامة: علي
فارس: يلا أكليني
مسكت العصير و هي تشربني إياه و كنت مبسوط رغم التعب لي مأكل جسمي أخذت التوست و هي تقص منه
و تعطيني انسدحت على رجلها و أنا أتأمل ملامحها خذت الكمادات و هي تحطها علي و على رقبتي و بعدها بدت تلعب بشعري
: أعترف لك فارس ؟
فارس: احببب الاعترافات
شهد: انت عوضتني عن أشياء كثيرة و أولها حنان الابو اللي أنحرمت منه و ما كنت أحس فيه يمكن هذا الشي أول مره أعترف لك فيه لكن أنا يا فارس ماعرفت الحنان الا منك رغم انه امي ما قصرت فينا بشي انت العوض عن كل شي سيئ بحياتي يا فارس
لمحت الدموع لي تجمعت بعيونها و قمت من على رجلها
و أنا أضمها لحضني سمعت شهقة بكى و ضميتها أقوى
: انا مستعد أكون لج كل شي يا شهد مستعد اكون ابوج
و امج و اهلج كلهم بس هالدموع ماباها هالدموع و أنتي معاي انسيها
شهد: فاااارس بعد عني بتعاديني بمرض معاك منو بيعالجنا ؟
فارس: انتي دواي و انا طبج
بعد ما نزلت حرارتي و حسيت نفسي أحسن قررنا نطلع نتمشى و أيدي بأيدها نتأمل جمال الجو و جمال الطبيعة فعلًا جنة شفت محل قهوة بطريقنا و كأنها هي فهمتني
: ها القهوة وقته وقته ؟
فارس: يعجبني لي فاهمني القهوة شي أساسي ما أبدأ يومي الا فيها
شهد بزعل : و انا ؟ ماتبا يبدأ يومك فيني ؟
فارس: لو سمحتي الا القهوة
شهد: لا والله ؟
فارس: ايوه ايوه الا القهوة القهوة حبيبتي الاولى
شهد: يعني انا الثانيه ؟ اوكي اوكي
و مشت عني بزعل ضحكت على حركاتها الطفولية و لحقتها و انا أحاوط بأيديني عليها
: يعني الحين القهوة تزعلج ؟
شهد: ما أسمع شي
فارس: يالدلع
شهد: ما أسمع ما أسمع
فارس: زين احبج و احب دلعج الحين تسمعين ؟
شهد بابتسامة: لا
فارس: اوكي انا لي بزعل الحين و مابرضا الا ببوسة
شهد: ما أسمع
بعدت عنها و مشيت جنبها لكن بينا مسافة دخلت الكوفي و هي ورأي طلبت القهوة ووقفت أنتظر على طرف مرت كم دقيقة و مازلنا على حالنا لا انا أتكلم ولا هي تتكلم القهوة بعد ما خلصت أخذتها و عطيت شهد قهوتها و طلعت دون ما أقول شي كنت أشرب و مستمتع بالقهوة و ما زلت متجاهلها
: فارس تعال نروح البحيرة لي هناك
مشيت للبحيرة و انا ما زلت ساكت و أشرب قهوتي حسيت بضمتها لأيدي
: الحين صدق زعلت ؟
فارس: لا
شهد: فارس
فارس: شهد
شهد: بطل حركاتك هذي و خلنا ننبسط بالاجواء
فارس: هو انا رديتج ؟ انا قلتلج لا تنبسطين ؟ انبسطي يلا
ما حسيت الا ببوستها على خدي و أبتسمت بالنصر عليها
شهد بنرفزة : فكك لا يطيح
ضحكت بصوت عالي مما أستفزها اكثر و ما حسيت الا بضربتها على كتفي
فارس: تراني مريض لا تضربيني كح كح
شهد: بدا بعيارته بدااا
فارس: انا عيار شوفي عيوني شوفي انا عيار ؟ ماتشوفين التعب علي و انتي تقولين هالكلام بدل ما اديرين بالج علي
و تهتمين لي كلهم يقولون حطها بعيونك حطها بعيونك مايدرون انه لمفروض يوصون علي انا
شهد: ياربي انا بموت من عيارتك
و رجعت و هي تضم أيدي و مشينا للبحيرة..
