كنت مشغول بالطلبات لي كانت تجي بعضها بالكوفي و بعضها لا التفت للمكان كانت الزحمة هالمره مختلفه أنضغطنا بالشغل لكن رغم هذا كنت أحاول ماضغط نفسي و أتفنن بالقهوة و تطلع بالشكل لي راسمه فبالي
: فارس؟
سمعت شخص يناديني و هالشخص أعرف صوته أكثر من اي شخص بالدنيا حسيت برعشه بجسمي ماقدرت التفت و أشوف ماقدرت والله . . تركت كل اللي بأيدي و أنا أحاول قد ما قدر أني ماضغف غمضت عيوني و فتحت و لفيت على الصوت و أنا أشوفها قدامي و الدموع ماليه عيونها...
فارس: نعم أختي تفضلي
روان: فاااارس امانه تكفى لاتسوي كذااا
فارس: أختي تفضلي وش بغيتي تنتظرين طلب؟ تأخر عليج الطلب ولا بتطلبين؟
روان: فاااارسسس لازم نتكلم
فارس: اسمحيلي أختي بس مثل ماتشوفين زحمه نعتذر عن التاخير
تقربت مني و هي تمسكني بأيديني و تترجاني بعيونها
" كأنها تقولي لاتعذبني يافارس لاتعذبني "
بعدت إيدينها عني و أنا أبتعد عنها
روان: أسمعني بس لاخر مره يا فارس؟ أسمع لي عندي
طلعت من الكوفي و طلعت وراي و أنا أحس نفسي منكتم أحس بثقل مسكت شعري و أنا أرجعه على ورا بنرفزه
: خير شبغيتي شو عندج شو باقي ماقلتيه لي؟ لا و جايه لمكان شغلي انتي شتبيييين مني؟ شتبيييين يا روان ماعاد حتى فيه فايده من كلامي معاج ولعلمج تراني طلعت بس عشان ماتفضحيني بصياحج داخل ولا كلامج هذا لي بتقولينه مايهمني
روان: يشهد الله أني حبيتك بكل مافيني لكنهم أجبروني أنجبرت يا فارس
فارس: أقطعيييييي مابا أسمع كلامج لاتنطقين عندج شي مهم تبين تقولينه قولي!
أنتبهت لشهد و هي جايه ووقفت بيني وبينها و صدت لي
: خير فارس منو هذي؟ شعندك واقف معاها
تقدمت ووقفت قريب مني و صدت لها شهد بابتسامة
: تفضلي أختي بغيتي شي؟ انا وفارس مانخبي على بعض تفضلي نسمعج؟ أصبري خليني أعطيج منديل أمسحي دموعج
روان علطول وجهت نظراتها لي و دموعها تنزل بغزاره على خدها حاولت ماضعف مسكت إيد شهد و انا أقفي بروان لي واقفه مصدومة من لي يصير مسكت شهد و انا متوجه للباركنات و الف سوال و سوال براسي اول ماوصلت قريب من سيارتي بعدت شهد أيدها عني و هي ترجع على ورا رجعت ظهري على السيارة و أنا أتنهد بصوت واضح وجهت نظراتي لشهد
: ماعرف كيف أشكرج على لي سويتيه قبل شوي
شهد: مانتظر شكر منك و لا أوصيك كثر من غيابك هذا تمام؟
فارس: تم على هالخشم كم تبيني أختفي؟
شهد: ابداً مابا أشوفك
فارس: بس؟ ماطلبتي شي
شهد: واضح يباها من الله
صدت بتمشي عني أبتسمت على زعلها الواضح و عتاب عيونها لي يشرح كل شي و أنا أوقف قدامها
: خفتي علييي؟
شهد: تخيل بس أخاف عليك ماعندي سالفه
فارس: بس عيونج تشرح كل شي
شهد: والله يافارس ودي اضربك ضرب ولا حد يفكك من إيدي و لا تسألني ليش
فارس: عليج فيني اهم شي لا يتم بخاطرج
شهد: وخر عني
فارس: أعقلي خلاص يالياهل بقولج شي
شهد و هي تضربني على كتفي
: انااا ياهل يا مسود الويه
فارس: كتفييي اهخ
شهد: احسن
فارس: انتي ضربتج حتى النمله ماتاثر فيها وتقوليلي احسن
شهد: قول طيب شعندك
فارس: انتي فاضيه؟ اذا فاضيه نروح البحر مايصير نقول الموضوع ونحن واقفين
شهد: لا مو فاضيه
فارس: اوك
